شبكة و منتديات العرب المسافرون - مطاعم و مقاهي ايطاليا المميزة

بعطيك بعض الاماكن لكنها ميب توب لكن جربتها
ميلان

Panzerotti Luini
هذا فطاير في ميلان انواع الزحمه عنده مشهور عند الايطاليين والسياح حتى العرب يروحون له

Spontini
مطعم بيتزا الي قطعه كبيره وتجي مقطعه تاكلها وانت واقف وزحمه عليه ومشهور عند السياح وله كم فرع

Gino Sorbillo - Pizza Gourmand
هذا دخلناه صدفه داخل مجمع جاليريا

10 Corso Como Café
هذا مقهى له جو خاص شجر وفيه عصافير تطير حولك تروح وتجي رايق الجلسه الخارجيه

Shannara 3
هذا مطعم بحريات ما رحت له لكن كنت حاطه في القائمه لانهم معطينه تقييم حلو في تريب ادفايزور

Hosteria Della Musica
هذا مدري من قال لي عنه لكن من النت وكان اكلهم حلو وراهي كثير يعني موب نقطتين وكان تعاملهم ممتاز جداً من استقبال وتوديع .. وكان فيه موظف شباب مغربي لطيف وبشوش
والسكه الي عليها المطعم حلوه فيها محلات ومقاهي ومطاعم

البندقية (فينيسيا)

Antico Forno
محل بيتزا قديم ماجربته لكن مدري من مدحه لي يوم رحت له كان مقفل اجازة الكريسمس

Caffè Florian
هذا المقهى في الساحة وكلن يمدحه وزحمه لكن بالنسبه لي منيب راعي قهوه فمدري هو زين ولا لا
على كل حال الساحه فيها يمكن اربع مقاهي بس

Ristorante Quadri
هذا مطعم مقابل للمقهى الي فوقه رحت له عشاء وكان اكله حلو لكنه يعتبر مطعم راقي لكن اثاثهم قديم كل مطاعمهم ومقاهيهم قديمه ماكلفهوا على انفسهم يجددونها يقالك تراث وانتيك تحفه :11:

Green Apple
محل ايس كريم يمدحونه لكن ما جربته

Gelato Fantasy
وهذا بعد ايس كريم ما جربته

واذا كانكم مليتوا من الباستا والبيتزا فيه محل برجر
Hard Rock Cafe Venice

وفيه موضوع في المنتدى محطوط فيه خريطه محدد فيها الاماكن السياحيه والمطاعم والمقاهي بالعربي

رحله موفقة