استفسار بخصوص فنيسيا يوم الأحد
 

السلام عليكم
عندي استفسار بخصوص مدينه فنيسيا يوم الأحد
انا راح انزل ميلان يوم السبت و الأحد ناوي اروح فنيسيا و ارجع في نفس اليوم بالقطار
صادف ايام ويكند بسبب حجزي لطيران
فسؤالي عن فنيسيا يوم الأحد المحلات تكون فاتحه او لا و هل بيكون فيه ركوب الجندول او مسكر
و الزحمه تكون اكثر او لا ؟؟؟
ارجو تفيدوني سفرتي بعد شهر واحد بس و محتاجه اخطط لها
بكون 3 لييالي ميلان و يوم بروح فيه لفنيسيا
2 ليالي لوقانو
2 ليالي جراندوالد جنب انترلاكن
4 ليالي اسطنبول

انا صراحه ما اذكر شفت محلات فينيسيا مسكره رغم اني ما اتذكر يوم احد محدد ان كنت زرتها ولا لا بس انا زرتها اكثر من مره ودائما كانت حيه

انت في النهايه سائح وجاي تتمشى وتشوف الاماكن السياحيه مو رايح تتسوق طبعا فما المهم كون المحلات فاتحه ولا لا؟؟؟
المهم ان المطاعم والمقاهي ومحلات الجيلاتو والمتاحفف والجندولا شغالين .. وهذا مضمون

ثالثا : انت شاللي موديك فينيسيا يوم الاحد ؟؟ّ!! يوم الاحد لو تطيح ابره توقع على الناس من كثرهم .. زحمه موووت .. ضبطها في يوم ثاني لان بتلاقي الاماكن السياحيه مليانه والمطاعم مافيها مكان ..

وانتوا براحتكم طبعا ..

حسب المواقع الاجنبيه يوم الاحد كل شي شغال فيها حتى المتاحف مفتوحه . يقفلو يوم الاثنين

حطي في بالك الجندول غالي . اما بخصوص الزحمة اتوقع راح يكون زحمه لان جولاي مزدحم

دايم اشوفكم تذكرون ان الجندول غالي يعني في حدود كم سعره بالريال مثلا نص ساعه وعايله صغيره