|
استفسار بسيط ميلانو - انترلاكن - باريس السلام عليكم يعطيكم العافية بإذن الله بتكون سفرتي المخطط لها في ايبرل لمدة 14 يوم تزيد أو تنقص إلى إيطاليا سويسرا فرنسا وتوزيع الأيام بكون 4 ميلانو و6 انتر لأكن و4باريس .. بكون الوصول ميلانو والمغادرة باريس أنا بعدني ما احجز شئ بس جيت أخذ من خبرتكم وأفكاركم قبل كل شئ بحكم أني مازرت هالمدين من قبل عندي كم نقطه ياريت تساعدوني فيهم : -المسار .. إيش أفضل مسار بيكون إلى هذي المناطق - بالنسبة للسيارة .. أنا افكر استأجر في مدينتين بس ميلانو وسويسرا .. من وين أفضل اخد السيارة ووين أسلمها .. هل اخد سياره من ميلانو مثلا وأروح فيها نفسها سويسرا أو من كل مدينه استأجر ؟ - ومتى يفضل احجز تذاكر الطيران اقصد المده قبل السفر مثلا شهرين أو سته شهور أو الان - بالنسبة إلى فيزة شنغن اطلعها على أي مدينة؟ - والي عنده فكره كيف بيكون الأجواء هذي المناطق في شهر ايبرل الي احتاجة منكم فكره بس بحكم خبرتكم الي عنده أي نصيحه أو تعديل بيكون أفضل لي يتكرم يذكره ومشكورين |
أنت لوحدك ؟ "لحالك" مشفرة للبدو |
ياهلا والله لا احنا شخصين انا وزوجتي |
معقوووله!!!!!40 مشاهدة ولا واحد تكرم بشي؟!! |
اقتباس:
اقدم الاعتذار عن التأخر في الرد والسبب الأعضاء مابين مسافر وفي نهاية الرحلة ومشغول غالب وقته قبل العودة وصاير نفسية واما يشجب ويستنكر في غرف المعلمين والمعلمات والموجود من الأعضاء ربما لم يسبق له تجربة مثل خطة سيرك |
الحنيفي ... مشكور ويعطيك العافية |
رد: استفسار بسيط ميلانو - انترلاكن - باريس وعليكم السلام مساك الله بالنور الله يوفقك وتكون سفرة سعيدة يارب ارسل لك هالرد وانا في ميلان كانت خطة سيري ( باريس - سويسرا - ميلان. آنسي - والعودة الى باريس ) استاجرت سيارة من باريس نهاية اليوم الثالث وهو وقت مغادرتي بحكم ان التنقل في باريس صعبة واذا سكنت في السنتر تكفيك عن السيارة وتستخدم المترو او المشي لاقرب المواقع منك بصراحه ما اقدر افيدك بترتيب جدولك بس انت اعرف وش خطتك بالسفرية يعني سويسرا طبيعة وتماشي ووسعة صدر وفيها اكتفتي كثير ( بس غاليييية ) من زود الغلا طبيعي تشتري مويه فوق الخمسة ريال او تتغدا وجبتين من ماك بـ 110 ريال وعلى ذلك فقس انا في ميلان الحين واشوف انها تكفيها كـ "ميلان" ليلتين ، ومخصص يوم للتمشية في المواقع الشهيرة ويوم مخصص للتسوق بالاوت لت وبعدها تشك اوت وهوبا على فرنسا وتحديدا (انسي ) طبعا فكرة استئجار السيارة جداً حلوه وتريحك من اشياء كثيرة يكفي انك تملك وقتك وتملك اي شي ودك تسويه انا موقف سيارتي الحين في باركنق الفندق وماراح اخذها الا وقت التشك اوت لصعوبة السواقة مع الايطاليين وبشتري راحة بالي من الزحمه والاشارات لن مشواري فقط بيكون لاوت لت وساكن عند الدومو اذا بتستاجر سيارة وبتسلمها مدينة ثانية فيها زيادة فلوس ويمكن توصل 1000 الف حاجه زي كذا ، انا تجنبت هالموضوع لن اصلا وصولي واقلاعي من دولة وحده باريس انا تقريبا نفس مدة سفريتك (15) يوم وخليتها ( يومين باريس - واستلام السيارة اخر يوم والذهاب لسترسبورغ وقضاء يوم فيها - سويسرا 4 ايام - ميلان يومين - آنسي يومي - واخر ثلاث ايام باريس وتسليم السيارة قبلها بيوم ) اذا من ضمن خططك سويسرا لاتسكن في انترلاكن ، اسكن ضواحيها لاسباب انا مانسابتني وينكن تناسب غيري اول زحمة ومدينة حيه وتسوق ومحلات وانا احتاج استرخاء ودام معي سيارة اروح لها باي وقت ، وفعلياً مارحت لها الا مره سويسرا بحر من الفعاليات وكلها حول انترلاكن ، بس انترلاكن ماخذه سمعة لانها كبيرة لو تفتح خريطة قوقل ماب تجد انترلاكن بالنص وفي يمين بحيرة ويسار بحيرة اسكن عند احداهما ولن تندم هدوء واسعار افضل بالفنادق ان شاء الله اكون بسطت عليك لو بالشي القليل واعتذر زحمة الافكار خلتني اكتب بشكل عشوائي ولكن باذن الله وصلت لك الفكرة وماحبيت اطلع ولا ارد عليك لاني مريت بالمرحلة اللي مريت فيها وتحتاج اي مشورة او استفسار وارجع واقول لاتخلي احد يخطط لك سفريتك ، شف انت وش جوك ووش تبين ووش يتاسبك سوه وابد اي استفسار شي باذن الله ارجع وارد عليك والشباب ماهم مقصرين |
| الساعة الآن 01:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO