|
تجربتي كمبتدئه أتمنى أفيدكم السلام عليكم ورحمة الله وبركاته اشكر كل القائمين على هذا المنتدى الأكثر من رائع وعلى رأسهم بالنسبه لي أم معتز الله يجزاها الجنه ونعيمها كل ما احتجت استفسار ماقصرت ببدأ بالاشياء اللي احس ممكن تفيدكم كمبتدئين * ميلانو أرخص من سويسرا تقريبا فرق الدبل اتكلم ع المطاعم التركيه اكلنا وجبه بميلانو ب 12يورو نفسها تقريبا بجنيف ب 23فرانك وطبعا الفرنك اعلى بشويتين من اليورو. * التنقلات بالميترو (metro)اللي هو تحت الأرض وعلامته حرف ال M ابيض بلوحه حمرا يبغالها تعود وانتباه لاسم المحطه اللي حتركب منها واللي حتروحلها مثال ًM3 الاصفر هذا حق المحطه المركزيه بالنسبه لنا لاننا كنا ساكنين بالدومو نطلعه ونشوف كم توقف من الدومو الى ميلان سنترال (4توقفات )والعكس من ميلان سنترال للدومو) الحمدلله ماتعبنا فيه بس ماكنا نعرف وين الخروج في البدايات وتعلمنا الموضوع مو سهل جدا ولاصعب وهو المتاح لان من نظرتي احس سباره بميلانو صعب والتاكسي غاالي *التنقلات بالقطار(train) اهم اهم اهم نقطه تشوفون رقم القطار مو اسم المدينه اللي رايحيين لها لييييش؟ لان اوقات اسم المدينه يكون من ضمن خط الرحله وليس الوجهه الاخيره وهم يحطون اسم الوجهه الاخيره وبسبب هذا الغلط فاتنا قطار فيتيسيا واحنا جايين قبل الموعد بساعه تقريبا نطالع ندور ع فينيسيا مو لاقيين رحنا سألتا المكاتب لما شفنا ان الموعد جا وماشفنا قطار قالو خلاص راح الحمدلله على كل حال حجزنا في القطار اللي بعده وللاسف كان تقريبا ع 12 يعني ضاع يومنا الخطه فينيسيا من بدري وبعدها فيرونا وبسبب اللي صار بس رحنا فينيسيا وطبعا النهار قصير طلعنا الجندول ع المغرب اللي هو 5تقريبا والدنيا كامت مظلمه بس اتمشينا بفينيسيا واتغدينا بعدين طلعنا الجندول مو عارفين ان الساعه 5خلااص شبه مظلم لان كنا ميتين جووع ورحنا محل شوكلاته رااائع اسمه nino يذوقونا واشترينا لنا واخذت هدايا لاهلي واخواني انصحكم فيه بس يبغاله ميزانيه شويتين فانتبهو احنا اخذنا وفرحانين وطلع حسابنا 140يورو تقريبا 600 ريال وماكان اصلا بالحسبه لان ببالنا مصنع الشوكته بزيورخ فقلنا خلاص حق زيورخ نمسك فرامل :32: *انتبهو جدددا من النشالين تعرضنا لموقفين الموقف الاول سلمنا الحمدلله اما الموقف الثاني الله يعوض علينا بالذات باوت لت سيرفالي مع اني قريت هذي المعلومه ومنبهه زوجي مليوووون مره هليها بس قدر الله وماشاء فعل *حجز تذاكر القطار من تجربتي الافضل عن طريق الكبينه قبل الرحله بيوم ندمت اني حجزت حق كومو اون لاين لان ايش سوييت حجزت كومو ولوقانو كان يمديني اخلصهم الاثنين بالراحه لاني طلعت من الفندق الفجر الدنيا ظلام طبعا ما انصحكم تطلعون بدري جدا مو أمان المهم وصلنا كومو 7ونص تقريبا قلت اخذ لفه ونفطر ونركب العباره احسب انها الساعه 9قلت حلو اروح بيلاجيو وفارينا وبعدها ع الساعه 1 اروح لوقانو خلاااص محجوزه التذاكر اون لاين المهم طعت العباره تتحرك 11ونص اووف انصدمت قالت بس يوم الاحد الساعه 9 طلعنا العباره الكبيره رووووعه روووووعه اتوقع ب 18 يورو ع الواحد مو متاكده مدتها ساعه و 45 د لبيلاجيو رحنا بيلاجيو ماشاء الله جنة الله في ارضه وقعدنا نستكشفها وضعنا الحمدلله ومامداني اروح فارينا واتكنسلت طبعا لوقانو الله يعوضنا ورجعنا كومو بالباص مضطرين لاننا ضعنا وبالقوووه وصلنا محطة توقف الباص انكرفنا مشي الباص تقريبا ساعه لكومو مو متاكده ومن كومو طلعنا قطار لميلانو *اكتشفت لما احجز قبلها بيوم مو هذاك الفرق اللي يخليني اجازف واحجز اون لاين ما تعرفون ايش يصادفكم * التكمله ان شاء الله في اقرب وقت اذن الفجر في جنيف في امان الله |
*معلومه هامه صادفناها طبعا احنا بعض تذاكر القطار نحجزها بنفسها من الكبينه جددددا جدددا سهل اهم شي اتاكدو من التاريخ والوقت المهم طلعت التذكره بدون وقت مافي الوقت استغربنا ايش هذي التذكره طيب متى رحلتنا طلعت هذي التذاكر مفتوحه عااادي تروح الوقت اللي تبغاه وترجع الوقت اللي تبغاه لان القطار يجي كل ساعه مع اني من الكبينه اخترت الساعه اللي ابغاها بس ماطلعت وللامان في نقطه مهمه احنا صادفنا عذي التذكره مرتين مره حجزناها بنفسنا نطالع تحت مكتوب انه صالح لمده 4ساعات من التحقق قلت خلينا قبل ماتخلص ال 4ساعات من الموعد اللي اخترناه احنا بالكبينه مطلع القطار لاني مافهمت ايش يقصد اما الثانيه كانت عن طريق المكتب قالت عاااادي خذو راحتكم الوقت اللي تبغوه اطلعو القطار لانه يجي كل ساعه وماجابت سيرة ال 4ساعات حبيييت جدا هذا النوع بس مو متوفر لكل المدن ما اعرف وين يتوفر لانه صادفناه بس مرتين * نصيحه اختارو سكن قريب الدومو انا كنت مو مره مهتمه قلت عادي حتى لو 20 د او نص ساعه مشي مستسهله الموضوع ساعات نرجع تعبانيين من الرحله تخيلو لو سكني بعيد عن الدومو الحمدلله سكني 10د من الدومو شقه نظيفه انا اخترت شقه لاني ابغى غساله وكانت الشقه نظييييفه ورائعه وجدا متعاونين وكل واحد يختار اللي يريحه ويحتاجه في أمان الله |
وعليكم السلام ورحمة الله بركاته الله يسلمك حبيبتي أم يزن هذا من طيب أصلك والله واشكرك ع هذي دعوات الجميلة التي اسعدتني الله يسعدك يارب .. وهذا واجب طالما انا في هذا المنتدى الرائع حابة افيد بشي لو بالقليل واستفيد لنفسي ايضاً الحمدالله.. الجميع ماقصرو ايضاً الله يعطيهم العافية .. الحمدالله ع سلامتكم :e306:. عجبني ماشاءالله السرد التبسيطي لرحلتكم وفيها معلومات مفيدة ومهمه صراحه كان فيها الأجابي من الحظات الجميلة والممتعة والسلبي منها للفائدة واخذ الحذر للمره القادمة بأذن الله العنوان جميل مبتدئة ولكن اشوف البدايات جميلة ورائعة مع الوقت وسفرات بأذن الله راح يطور عندك كل شي . مع ما تقدمينه راح يكون هناك أضافات لبعض الصور لكي يزيد أبراز الانشطة الموجودة في الرحلة لانو سردك جميل جداً وسلوبك كله سلاسة و يتخللها عدة تنبيهات وتعليمات ونصائح تفيد السائح يعطيك الف عافية استمري . وأشكرك يا أم يزن وضحتي وشرحتي الجوانب المهمه وهذا المهم من رحلتكم تفيد السائح ..:e204: |
الله يسلمك أم معتز وبالفعل كفيتي ووفيتي وكل ما أتورط أقول لازم اسأل أم معتز وماتقصرين جزاك الله الجنه ونعيمها اليوم وصلنا انترلاكن وجدددا مرهقين مرينا بصعوبات بس الحمدلله لعله خير |
بالتوفيق ان شاء الله ولاتنسونا من التقارير المفصله المفعمه بالصور والفديو :63: |
اقتباس:
مراح تتورطين بأذن الله الأمور تمام ولا يهمك في الخدمة اكيد . وجميع أعضاء المنتدى ما يقصرون معك ماشاءالله الله يهنيكم يارب جميلة مدينة انترلاكن من المدن المهمة في سويسرا وصلتو للاستجمام الان وجمال الطبيعة ينسيكم يا أم يزن الارهاق والتعب الي صار فعلاً لعلها خيرة .. |
بداية جميلة أم يزن أعجبني تركيزك على تنبيه الجميع بالسلبيات قبل الإيجابيات دايم أقول في إيطاليا يسرقون الكحل من العين محترفين في تنفيذ السرقة بدون ما يضايقوك :32: أم معتز ما تقصر دايم مع الجميع :e032: |
السلام عليكم صباح الخير كتبت كلام وطااتر للاسف :26: جزاكم الله خير ام معتز الغاليه واخر فرصه الله يسعدكم اكمل التنبيهات *اذا حاجزين بالقطار (train) درجه ثانيه انتبهو انتبهوووو نجلسون بالدرجه الاولى يغرمونكم تخيلو انا وزوجي حجزنا تذكره رايح راجع للوقانو بسعر ممتاز وجلسنا بالدرجه الاولى واحنا مو عارفين لقينا مكان فاضي جلسنا وبدأو الناس يزدحمون وفي ناس واقفين المهم قريب نهاية الرحله جا حق التذاكر وبدأ يغرم بعض الناس واحنا مو عارفين ايش الموضوع ولما جا عندنا قلت له احنا مانعرف و و ماااافي عندهم القوانين قواااانين بالذات في الفلوس مافي طيب وامشيها لكمً مستحييييل لاتحاولون احسن دفعنا والله يعوضنا علينا خير *بخصوص الاكل الحلال اسألو وانتو مرتاحين في كحول او مشتقات الخنزير ترى جدددا متعاونين واوقات ما اسأل هم ينبهوني زي محل الايسكريم اللي بالدومو اسمه اتوقع (سيفيني) اخترت نكهه قالت مايصلحلكم فيها كحول حتى محل شوكلاته( nino ) اللي بفينيسيا جيت اشتري شوكلاته تحبها امي اللي زي الكور محشيه بفستق او لوز تجي قاسيه اهذت كرتون مشكل قالت في نوع من ضمن الانواع مايصلحلكم يعني اسألو واسألو وانتو مرتاحين عااادي * بعض الفنادق تطلب ضريبة المدينه عادي لاتنصدمون يحسبونها ع الشخص وعدد الايام واذا كنتو 2 يضربون المبلغ ب 2 الحمدلله انا كنت علرفه لاني عارفه فنادقنا وبحثت عنها وحاطه على جنب يعر الضريبه فلما وصلنا بسرعه دفعناها قالنا الرجال غريبه ما اتفاجأتو كثيير ينصدمون ويقولن احتا خجزنا خلاص ليش ندفع قلت له احنا عارفين وجاهزين لكم:25: * بعض الفنادق ماتوفر فرشاه ومعجون واغلبها اللي دخلتها مافيها شباشب جبت معايا اصلا مجموعه شباشب ومجموعة فرش اسنان باغطيتهم * اشتريت من الموقع مناشف استخدام مره واحده حبيييتها وتنفع كذا مره وكمان شراشف للسرير استخدام مره واحده والحمدلله ماتتقطع بسهوله *ودمتم بخير هذي النصايح اللي عندي اتمنى تستفيدون في أمان الله |
شكراً مرره يا أم يزن والله يجزاك خير .. وحلوه الفقرة هذي من الرحلة فيها فوائد وتنبهات لسائح خاصة الي يكون اول مرة اوحتى الي سبق وراح احياناً نحتاجها من بعض هذي التجارب . تصير للانسان مطبات ف السفر لازم بنسبة للاغراض زين انك اخذتي معك الواحد ما يعتمد عليهم اصلاً افضل الاغراض الشخصية تكون معنا الله يجزاك خير نصائح جميلة ومفيدة . الله يعطيك الف عافية :13: |
شكرا لذكر تجربتكم وسفرة ممتعه لباقي الرحله باذن الله |
| الساعة الآن 01:15 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO