اسبانياا انا قادم
 

السلام عليكم ورحمة الله وبركاته
عدت لكم من جديد للاستفسار عن رحلة جديده ومكان جديد

لو سمحتوا اخواني انا ناوي اسافر الى اسبانيا ان شاءالله
هذا الشهر تاريخ 17-11 ميلادي والرجعة تاريخ 23-11 ان شاءالله
المسافرين انا وزوجتي وابني عمره 8 اشهر
اول سؤال شو رايكم في الطيران الاردني..! ناوي احجز عليه واسافر الى اسبانيا عن طريقه علماً اني بسافر من ابوظبي
ثاني سؤال ممكن جدول لهذه المدة في اسبانيا
بغيت فنادق اربع نجوى الى خمس نجوم اذا فيه وبغيت اهم الاماكن اللي ممكن ازورها وماتكون متعبه نظراً لوجود ابني

ثالث سؤال هل افضل احجز لي سياره للتمشيه هناك؟ واذا نعم هل لديكم موقع اقدر احجز منه من هنا ويكون رخيصص

واخر شي نصايحكم اخواني واخواتي للسفر مع طفل ف هذه اول سفره لي وانا معاي طفل ..

بالنسبة للطيران الاردني جربته في 94 الى لندن
طبعا طيارة الوصول الى الاردن عادية من تركب الطيارة اللي رايحة لأروبا تصير الطيارة اكبر و الخدمات افضل

السيارة ليش تحتاجها ؟ انت اي المدن رايح ؟

طفل 8 شهور وايد صعبة لو في مجال تخلوه مع احد الاهل

السفر مع الطفل مو صعب بس متعب شوي

انا شخصيا مجربه اسافر مع طفل بهذا العمر و اصغر .. ميزه العمر هذا انه مايتحرك ولا يتطلب :1:

ماشالله الطفل اذا كبر وصار يتحرك بروحه يبدي يحوس و يطلب و ابي هذا وهذاك

فالوضع مسيطر عليه

ان شالله سهالات بس لازم تحطونه بعربانه



المهم اذا سافرت نبي تقولنا عن الوضع هناك

انا ودي احجز اروح برشلونه بس زوجي يقول في مظاهرات والوضع مو امن للسفر هناك

طمني