من باب رد الجميل للقسم جدول مقترح لرحلة مدتها 12 يوم لأسبانيا..
 

السلام عليكم ورحمة الله وبركاته..

مساء/ صباح.. الفل.

مخطط تقريبي لرحلة أسبانيا سويته ما ألتزمنا فيه حرفياً وغيرنا بعض الوجهات لما وصلنا هناك أخذنا الخرائط للأماكن السياحية في مكتب المعلومات بالمطار .. كذا تجي لوحاتها أحمر مدري اورنج وعليها استفهام .. او اذا رحتوا الباصات السياحية يوزعونها هناك كمان..

لاتخاف الشعب لطييييف مره ويحاول يفهمك ويجاوب على أسئلتك حتى لو ماعندك لغه وبالاشارة وكلمه انجلش وعشره عربي ههههه والله يخلي قوقل ماب وريهم بس المكان وهم يدلونك ..

اقتصرت الرحلة علي برشلونه ومدريد فقط لظروف عمل.. وكل مدينه لها طابعها الخاص.. استمتعنا والرحلة كانت أيضا شخصين أنا وزوجي.. وكلها تقريبا بالفنادق والطيران وأكل وشرب وتسوق كلفتنا 20 ألف تقريبا..

ضروري أول يوم أو ثاني بعد راحتكم تروح الباص السياحي يكون في وسط ساحه المدينة وفيها من يتكلم عربي لو طلبت عشان تستكشف المدينه بالكامل والمكان اللي يعجبك انزل فيه أو احفظ مكانه وتعاله اليوم الثاني على روقان ... الباصات السياحية فيها شرح لكل الأماكن بجميع اللغات وفيها اللغة العربية...

وافكر ازورها ثاني مره بس مناطق ثانيه مارح اروح برشلونه ومدريد..


وان الله تستفيدون لو شيء بسييط وتدعون لي...:6:

ما أتذكر والله وش هي الفنادق اساميها بس كلها في الشوارع الشهيره في برشلونه على شارع الرامبلا


وفي مدريد كان الفندق في شارع غران فيا.. واتذكر حق برشلونه افضل الغرف وسيعه شويه بس مدريد صغييرة

ضياق الله لا يضيق علينا هههههه كذا كل أوروبا فنادقها الغرف صغار ياربي هذا وهم طوال عمالقه اتوقع سقانهم تصك في الجدار هههههه..

شكرا لج
نبي الصور :18:

العفو ياحبيبتي أبشري ياقلبي بس انزلها على الجهاز ... بس خليني استقر:28:

الله يسلمك شكرا لمرورك وردك...

الله يعافيك يارب..

جدا التخطيط حلو عشان تستمتع مو تروح هناك زي الضايع هههههه
ايوه الباص السياحي يلف فيك كل الأماكن وعادي تقدر تنزل المكان اللي تبغي وترجع في الباص ثاني وتكمل.. صحيح الأسبان لطيفين ولو الأكل فيه شيء حرام وشافوك مسلم يخبرونك ..

بالنسبة للأكل الحمد الله ماعانينا عاددي حلو أكلهم وللسلامة لا تطلب الا دجاج وروبيان وكذا.. لأنهم يأكلون لحم الخيل ترى غير لحم الخنزير ههههه لذلك وخر عن اللحوم.. وفي برشلونه فيه مطاعم عربية ياكثرهااا لو يعني اشتهيت أكل عربي ...

.
.

كويس استوعبت ههههه ارفقت الجدول ملف وورد للي بيستفيد .. وكلن يخطط على اللي يناسبة ..

وان شاء الله الصور ارفق لكم بعضها بس حاليا مسافرة.. بس ارجع وامخمخ عليها ..

شكرا على التخطيط الرائع الذي اكيد حيستفيد منه الكثير ونتمنى يترفق التقرير بالصور لاضافة جمالية أكثر. بالصحة والراحة وحمد الله عسلامتكم

Envoyé de mon SM-N910C en utilisant Tapatalk

باذن الله ارفق لكم بعض الصور ..

والله يسلمك يارب..:e022:

مروك الأجمل فعلا جمييلة وحبيت شعبها لطيف يحب الاستمتاع بالحياة..

ماقصرت
ترتيب وجدول مريح
شكرا لمشاركتك وعمل الجدول

اللي ان شاء الله بيستفيد منه الكثير

جميل:e301:

وايد حلوو الجدول
الله يعطيج العافيه
بعد لو حاطه جم صور احلى و احلى

هذا ماتعودناه منكم فانتم اساس هالصرح

وننتظر المزيد دايم

وشكرا على مشاركتك وردك الجميل لمنتداك

شكراً على الجدول

حبيت استفسر منك عن تأشيرة اسبانيا من الرياض
تعريف الراتب هل لازم يكون مصدق من الغرفة التجارية
في شركتي نطبع تعريف الكتروني دايما يجي مكتوب عليه لا يحتاج ختم او تصديق من الغرفة التجارية

☺

موفقه وشكرا على التقرير:e112::e511:

يعطيكم العافيه

شكرا لك
مافي صور ؟

ألف شكر
عمل جميل

شكرا

الله يعطيكم العافية

اعتذر عن الانقطاع وعدم الرد على بعض الاستفسارات لظروف

عدت والعود أحمد بإذن الله ارفق التقارير المصورة قريبا ...

وبالنسبة لسؤالك بند 999 اعتذر والله ما أعرف لأن فيرتي كانت شنغن يوم رحت أسبانيا واستخرجها لي مكتب سياحي في الرياض وسوا كل شيء بس جيت للسفارة يوم المطابقة ..

رائع
شكر ا لك

مرااا شكرا ع الجدول صدق راح نستفيد انا رح اروح شهر عسل ب نوفمبر ومرررره شايله هم الاماكن وكذا ننتظر الصور:7:

ننتظر الصور:1:

كيف الامان فيها خاطري اروح لها ومتردده تجي نفس مستوى باريس ؟

شكرا

الأمان ماحسيت بأي شيء يخوف أبدا رغم أننا كنا أغلب الأيام نرجع متأخر للفندق أمان عادي ولم اتعرض لمضايقات أبدا بالنسبة للحجاب ..

بالعكس صار موقف مع سواق تاكسي وهو مرجعنا الفندق سألنا من وين بس عرف أننا من السعودية بلاد الحرمين يقول رفض يأخذ فلوس المشوار يازينه طلع مسلم باكستاني متجنس وله أكثر من 30 سنه في أسباينا..


حبيت أحترام الشعب الأسباني للأديان الأخرى في تعاملهم.. غير عن بلدان كثير في أوروبا..

جدول وترتيب ممتاز