وعليكم السلام أخوي ..

ملقا بسبب موقعها أشوف إنها أفضل مدينة الواحد يستقر فيها
ويطلع منها يزور المدن اللي حولها وطبعاً هنا لا بد من إستئجار سيارة أفضل وأريح بكثير .

عندك خط ساحلي ومدن حول بعض تروميلينوس وبنا المدينة وفينخورلا والقرية الجميلة ميخاس
وآخرهم ماربيا ، وإنت ممكن تخصص يوم كامل من الصباح للمساء تمر عليهم بالسيارة .

وإستغل وجودك فيها وخصص يوم لزيارة غرناطة وقصر الحمراء تقريباً ساعة ونصف إذا كنت من هواة التاريخ

ولو جيت للمدينة نفسها هي حلوة ومركز سياحي مهم تحتوي على آثار إسلامية "القصبة"
وجنبها مكان مرتفع ما يحضرني إسمه ويطل على المدينة بشكل جميل ، عندك البحر والبورت أماكن مميزة
وتنفع للتسوق في شارع حلو إسمه إن ما خانتني الذكرة لاريوس أو شي زي كذا وفيه مول كبير على طرف المدينة

بالنسبة للعائلة شف في زيارتي الأولى لي لأسبانيا كانت رحلة شبابية فما أهتميت للأنشطة العائلية
بس حسب ما سمعت إنه في المدن اللي حولها وأعتقد فينخورلا فيها مدينة ملاهي وأعتقد فيها زي السفاري
وتلفريك بعد وممكن أتاكد لك من أماكنها بالضبط .

بالنسبة للسكن نزلنا في فندق إسمه بارسيلو ملقا والحلو فيه أنه بالضبط في نفس مبنى محطة القطار
وفيها جميع مكاتب إستئجار السيارات المعروفة ، وللأمانة الفندق نظيف وحلو
بس من رائي للي يبي يستقر في ملقا أكثر ياخذ في الستي سنتر أو المناطق حول البورت والبحر .

الأسعار بصفة عامة في أسبانيا أقل من دول أوروبا الغربية الأخرى هنا أتكلم عن الفنادق والصرف اليومي .
بس بالنسبة للي بيطلع سيارة لازم يعمل حساب البنزين طبعاً مرتفع عندهم

على فكرة جيناها ليلة وحده وبعد كذا إستقرينا في ماربيا
وندمنا إنه إخترنا ماربيا اللي ماخذه حجم أكبر من اللي تستحقه على ملقا

وأي أسئلة إحنا في الخدمة أخوي ..