|
خبراء اسبانيا الفزعه السلام عليكم ورحمة الله وبركاته نويت انا وزوجتي نسافر اسبانيا لمدة 14 يوم تقريباً في يناير تقريبا يوم 6 يناير بسألكم كيف جوها في يناير بارد جدا او معتدل ؟ وافضل المدن الي ممكن ازورها؟ وهل ميزانية خمسة عشر الف ريال سعودي تكفي او لا ؟ وجزاكم الله خير |
اقتباس:
والله انا حاطه جدول في بالي يمكن يعجبكم طليطله - قرطبة - اشبيلية - رندة - المنستير - غرناطة - مدريد مم الميزانية اذا بس لمصروفكم أتوقع جيده |
اقتباس:
حسب مواقع الطقس فالجو العام في يناير بارد. بالمتوسط 10 درجات نهارا ودرجة واحدة ليلا. طبعا جنوب اسبانيا أدفي من شمالها. الصراحة ميزانية السفر تعتمد بشكل كبير عليك. هناك أناس يمكن ان تمشي امورها بمثل هذا المبلغ بالاستفادة من خصومات الطيران والحجز المبكر وفئة الفنادق ونوعية المطاعم واستخدام النقل العام وعدم التنقل بشكل كثير بين المدن. لا ننسى ان سفرتك تأتي في موسم غير سياحي وبالتالي سوف تجد العديد من العروض. بالنسبة الى الميزانية التي ذكرتها وانا افترض انها تشمل التذاكر والسكن والتنقلات والطعام والترفيه فهي غير كافية. وبحسب خبرتي (لو افترضت انا سافرت مع المدام) فالمطلوب يترواح بين 18-20 الف ريال. هذه وجهة نظري طبعا. |
وعليكم السلام ورحمة الله وبركاته اتفق مع اخوي الفارس بالنسبة للمدن: اكيد العاصمة مدريد وبرشلونة ومالقة(بس بعدوا عنها في الويكند لانه كل شي مسكر) |
اتمنالكم رحله سعيده لكن ماعتقد 15 الف تكفي لهالرحله |
no ceo esta muy cara |
ياخي باحد الردود يقول بكل برود ان 15 الف كمصروف جيد يمكن يكفي ؟!!! ياخي مصروف يكفيك 6 الاف سعودي بالراحه بس عندنا ناس ماتعرف تسير امورها ... اذا قصدك كم تكفي ميزانية الرحله شامله فان اقترح عليك الاتي: اول شي هو ترتبت اهم نقاطك مثلاً النقطه الاولى يكون معك فيزتين تسوق تضع بالفيزا مبلغ الفنادق والفيزا الثانيه مبلغ اختياط بسيط وبكذا انت انتهيت من السكن وعندك مبلغ بالفيزا الثانيه لطواري باقي معك تاخذ الكاش للمصروف اليومي ولاتسمع كلام الناس الي يقولك يوميا 200 يورو او غيره انت حسب مصروفك احيانا تتعشا عشا غالي واحيانا رخيص واذا اليوم صرفت 200 بكره تصرف 100 واذا اليوم اخذت كافي او مشروب بكره ماراح تاخذ ووكذا ...... انا طلعت ل اسبانيا 2014 اشوف انها رخيصه ومعقوله .. وطلعت ل المانيا والنمسا شهر اكتوبر الي راح انا وزوجتي فقط والحمدلله اخذت معي كاش 6 الاف سعودي حولتها يورو ورجعت ومعي فايض 300 يورو بس كان معي فيزتين وحده خاصه بالفنادق وفيها 6 الاف سعودي والاخرى احتياط فيها 4000 لاف سعودي ومعي بطاقة بلاتيني اخذتها من الراجحي عشان استاجر سياره فقط لسياره .. والحمدلله ماواجهة اي عوائق وكانت مدة السفره 12 يوم وسكنت في افضل الفنادق وافضل المواقع ...... وانصحك تاخر الرحله الى اقصى وقت |
رحلة موفقة:72: |
اذا ماكان معك عفش كثير فالتنقل بالطائرة بين المدن البعيدة سيكون اكثر توفير خاصة بين برشلونة ومدريد وبين برشلونة وملقا او مدريد وملقا خطوط فيولنج اذا تحجز رحلات بين 12 منتصف الليل و5صباحاً بتكون بمبلغ زهيد بين 10 و20 يورو ولاتحاول تحجز مكان المقعد لانه بيطلب 10 يورو اضافية لكن قبل الرحلة ب24 ساعة يسمح لك اختيار المقعد مجاناً من المهم جداً اضافة الحقائب بالاونلاين لانها ارخص المواصلات داخل المدن قد يفيدك النقل العام في برشلونه ومدريد لكن في الجنوب الاسباني سيكون مكلف جداً لوجود المدن على مسافات بين بعض كقرطبه واشبيلية وملقا وغرناطه تتراوح من ساعة ونصف الي ساعتين بين تلك المدن يعني استئجار سيارة قد يكون افضل |
خمسة عشر تكفي إن شاء الله بس أهم حاجة يكون معك فيزا يكون فيها مبلغ احتياطي ورحلة سعيدة :17: |
| الساعة الآن 03:17 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO