رحلتي الى برشلونة ومدريد في الاوضاع الراهنة
 

السلام عليكم , اتمنى انكم بأتم الصحة والعافية

انا حجزت تذاكر الطيران وايضا حضور لمباراة دوري ابطال اوروبا في برشلونة بتاريخ 27 نوفمبر

ولكن اشوف الاوضاع حاليا في برشلونة غير مستقرة ومضطربة علما اني بجلس في برشلونة 4 ايام ومدريد 3
والسفرة باقيلها اكثر من شهر


فكيف تشوفون الاوضاع والامان ؟

وعليكم السلام ورحمه الله وبركاته:-


ان شاء الله تكون الامور طيبه, تخيل انا المفروض احضر الكلاسيكو الاسبوع القادم وكل شي تفركش ):

ان شاء الله تمام .. اتوقع الشوارع السياحية مافيها شي .. احنا بعد رايحين ان شاء الله .. وعلى الله:e335:

أنا رحلتي اسبوع الجاي والله خير حافظ لاني افتح سنابات لايف اللي فبرشلونه الاماكن السياحيه مافيها شي

انا حاجزه حق شهر ديسمبر و فكرت اغير الوجهه

لكن من وجهه نظري الاعلام دايما يهوول الموضوع .. و غالبا الاماكن السياحيه مافيها شي

والله للامانه مرررره مهول الموضوع ....كلمت ناس حاليا في اسبانيا ويصورون يومياتهم مافيها اي شي عندهم مظاهرات في يوم معين ولكن مظاهرات سلميه وفي شارع محدد ....ومقفل من قبل الشرطه
والمقاطع المنتشره للتفجير والحريق واعمال الشغب هذي مو في برشلونه في مدينه قالو اسمها ونسيت 😁

الاوضاع مافيها شي انا حاجزه وبغيت اكنسل لكن من شيكت اتضح ان المقاطع المتداوله لتشيلي اما برشلونه مظاهرات بسيطه سلميه

والله حتى انا شفت وسألت وشكل الامور تمام باذن الله
اتمنى للجميع سفرة ممتعه