شبكة و منتديات العرب المسافرون - برشلونه واقتراحاتكم ؟

- بوابة اسبانيا (https://www.arabtrvl.com/vb/f141.html)

- - برشلونه واقتراحاتكم ؟ (https://www.arabtrvl.com/vb/t45480.html)

برشلونه واقتراحاتكم ؟

مساكم الله بالخير

اختكم تبي مقترحات للسكن في برشلونه بصراحه احترت شنو اختار اللي مجرب او عنده علم يعطيني ماعليكم امر ..

وإذا في مقترحات لزيارات لازم اشوفها في برشلونه غير المعروفة ينورني ..

وشكرا لكم

حي الله اختي كويتية متنقلة بالنسبة للسكن افضل شي يكون على شارع الرامبلا او ساحة كتلونيا كانت لي زيارة لمدة اسبوع لبرشلونة في عام 2014 كانت ممتعة جدا اما بالنسبة للاماكن السياحية عندك الكامب نيو وقرية اسبانيا وجولة الكروز بجانب نصب كولومبوس و متحف الشكولاته ومتحف التاريخ الكتلوني ومتحف بيكاسو والحي القوطي وكنيسة سجرادا فاميليا ( ممكن المرور بجانبها ) ومباني الفنان جاودي عموما ومتحف الشمع وسوق لابوكوريا للخضار والفواكه والأسماك وحديقة الحيوانات وبجانبها قوس النصر والحديقة الملاصقة لها ونافورة برشلونة الراقصة والتلفريك وحديقة جويل وخارج برشلونة حوالي 80 كيلو جبل مونتيسرات وبالنسبة للمولات مول ماري ماجنوم وفيه حديقة نباتات برشلونة على هضبة المونجويك وايضا بنفس المكان القرية الأولومبية الي افتتحت في عام 1992 وان شاء الله مانسيت شي

اقتباس:

المشاركة الأصلية كتبت بواسطة ABOOO NASER (المشاركة 515627)

مشكوووور بوناصر كفيت ووفيت على هالمعلومات الطيبة

أنا سكنت في برشلونة بشقة دورين مطله على ساحة كتالونيا

كانت مرتبه و يميزها بالكونة كبيره جداً

برشلونه من المدن الجميلة

أنصحك بزيارة مقهى اسباني مميز اسمه Brunch & Cake وفتح له فرع بدبي

كذلك ملعب برشلونه وحضور مبارة هناك تجربة حلوه

أولا الله يحيكي في برشلونة.
بالنسبة للسكن أشوف passige de gracia الأفضل لأنه المنطقة تفتح النفس وعلى بعد دقايق من الرامبلا وساحة كاتالونيا( الفندق لازم يكون تقيمه أكثر من 8 جدا مهم) . الأماكن السياحية الصراحة الأخوان ماقصرو أعطوكي المفيد...
كمقيم في برشلونة أتمنى كل عربي يزورها أنه يقضي أقل شيء ٣ أيام في منطقة Girona بالأخص الساحل اللي إسمه Costa Brava بين الخضار والطبيعة وبحرهم جدا نظيفة والخيارات كثيرة وطبعا جبل البركان في Girona.. لاتنسي la roca village اللي هيا الأوت ليت حق الملابس... واذا ماودك تروحي جيرونا تقدري تاخذي قطار وتروحي Platja De Castelldefels نص ساعه بالقطار من برشلونة أو في نفس الاتجاه بنفس القطار تروحي sitges.... ومدينة الملاهي porta ventura تقدري تروحيلها بالقطار مسافة ساعة كمان فيها فنادق اذا حابة اكثر من يوم... أخيرا لاتاكلي في الرمبلا لانه أغلب المطاعم غاليه وكل الاكل مجمد وجاهز،،، جربي مثلا هذا المطعم Els 4gats...

بالتوفيق إنشاءالله

اقتباس:

المشاركة الأصلية كتبت بواسطة eman79 (المشاركة 516657)

شكرا ايمان على النصيحة والاقتراح
وان شاءالله نجرب الكافيه ونزور الملعب
قواج الله

اقتباس:

المشاركة الأصلية كتبت بواسطة Alaa Bajiber (المشاركة 516672)

أولا الله يحيكي في برشلونة.
بالنسبة للسكن أشوف passige de gracia الأفضل لأنه المنطقة تفتح النفس وعلى بعد دقايق من الرامبلا وساحة كاتالونيا( الفندق لازم يكون تقيمه أكثر من 8 جدا مهم) . الأماكن السياحية الصراحة الأخوان ماقصرو أعطوكي المفيد...
كمقيم في برشلونة أتمنى كل عربي يزورها أنه يقضي أقل شيء 3 أيام في منطقة Girona بالأخص الساحل اللي إسمه Costa Brava بين الخضار والطبيعة وبحرهم جدا نظيفة والخيارات كثيرة وطبعا جبل البركان في Girona.. لاتنسي la roca village اللي هيا الأوت ليت حق الملابس... واذا ماودك تروحي جيرونا تقدري تاخذي قطار وتروحي Platja De Castelldefels نص ساعه بالقطار من برشلونة أو في نفس الاتجاه بنفس القطار تروحي sitges.... ومدينة الملاهي porta ventura تقدري تروحيلها بالقطار مسافة ساعة كمان فيها فنادق اذا حابة اكثر من يوم... أخيرا لاتاكلي في الرمبلا لانه أغلب المطاعم غاليه وكل الاكل مجمد وجاهز،،، جربي مثلا هذا المطعم Els 4gats...

بالتوفيق إنشاءالله

ماشاءالله علاء مقترحات حلوووه وتم تدوين المعلومات وان شاءالله اقدر ازور منهم
راح اخذ في نصيحتك ان شاءالله ..
كلكم ما قصرتوا يزاكم الله خير كفيتوا ووفيتوا