|
استفسارات عن سياحه في استراليا لزوجين السلام عليكم ورحمة الله وبركاته[emoji177] انا عضوه جديده بس طبعاً دايمًا ارجع للمنتدى واستفدت منه كثيييير والفضل يعود لله ثم لااعضائه الكرام انا ناويه السفر ان شاء الله إلى استراليا بتاريخ 10/3/2017 ولمدة 15 يوم تقريبًا الطيران ناويه اروح دايركت الاتحاد او الامارتيه كيف الجو بهاالوقت؟ ابي اعرف كم يكفيها ميزانيه ؟ وكم كل مدينه اجلس فيها وابي اروح الريف الاسترالي كم يكفيه يوم ؟ وعندي سؤال من ناحية الحجاب والنقاب واللون الاسود كيف الوضع ؟ اي معلومه عندكم اضيفوها لي[emoji179][emoji179][emoji179][emoji254] واسفه على الاطاله أرسلت بواسطة iPhone بإستخدام Tapatalk |
وعليكم السلام الله يحييك والمنتدى مرجع لنا جميعاً لأنه ما شاء الله يضم خبراء سياحة الجو ربيعي و حلو في متوسط العشرينات من 20 الى 25 درجة لا مشكلة عندهم على الاطلاق مع الحجاب شعب محترم جداً ممكن تخلي 5 أيام لكل مدينة وعندك 3 مدن رئيسية تزوريها ملبورن و قولد كوست وسيدني من هذي المدن ممكن تنظمي رحلات يومية للارياف اما الصرف فهو معقول جداً وبالطبع يعتمد على عددكم |
اقتباس:
زوجين احنا وشكراً على سرعة الرد أرسلت بواسطة iPhone بإستخدام Tapatalk |
تقريباً 1000 ريال باليوم شامل كل شي وممكن أقل لو سكنتوا بفنادق اقتصادية وبين المدن طيران اقتصادي تحجزوا من بدري Jetstar Airways - Australia | Jetstar لازال لديكم وقت كثير فيه تقارير جديدة بالبوابة باليت تطلعي عليها |
اقتباس:
شككككراً لك ولي رجعه للموضوع ان شاء الله أرسلت بواسطة iPhone بإستخدام Tapatalk |
15 يوم احذفي منها يومين الذهاب والعوده هاليومين مارح تستفيدي منها شيء الجو صيفي بس بيكون حلو ووقتكم مناسب جدا لزيارة استراليا مالبورن 4 ايام من غير يوم الوصول سيدني 5 ايام جولدكوست 4 ايام وخامس يوم بريزبن الذهاب ع مالبورن والعوده من بريزبن اعتقد الامارتيه تروح للوجهتين هذي زي ماقال ابوغسان الحجاب عادي جدا عند الوصول لازم تفصحون عن كل شي معاكم زي الماكولات مثلا اذا تبين الريف استاجرو سياره من سيدني وسلموها في جولدكوست اكيد الطريق ممتع وبتشوفون الارياف الاستراليه ع الطريق المصاريف انا كان على وقت رحلتي سعر صرف الدولار يساوي 3 ريال وبالصيف مسافر يعني موسم وابو غسان سافر بعدي بسنه وكان سعر الصرف اقل وكمان وقت شتاء مو موسم انا اشوف ان الصرف في استراليا زي اوروبا وكمان الصرفية تعتمد ع الشخص نفسه الفنادق هي من يرهق الميزانية .. وعادي مو لازم فنادق فخمه اهم شي يكون مناسب وسعره الفندق معقول اختلف مع ابوغسان انو 1000 ريال يكفي وشامل كل شي مع الفندق هذا لو انتو شخصين ومقتصدين مع وجبة الغداء والعشاء والانشطه السياحية والمقاهي والمواصلات واكيد لازم من الخفايف... يبي لكم اقل شي 700 باليوم من غير حق الفندق فيه انشطه خارج سيدني مثل رحلة الجبال الزرقاء التذكرة تقريبا من 140 الى 160 دولار ضرب 2 =280 او 320 دولار لشخصين ضرب 2.7347= تقريبا 765 ريال لو ضربنا فقط في 280دولار بيطلع هذا سعر التذاكر من غير الاكل والشرب الانشطه الاخرى نفترض 40دولار × 2=80×2.7347=218 ريال +400 ريال غدا وعشاء وخفايف وقهوه ومواصلات وومكن يزيد المبلغ او ينقص يعتمد عليكم بس دائما سوي احتياطاتك مع ان بعض الانشطه تذاكره ع 20 ويمكن 30 ويمكن اكثر من 50 ع حسب سعر تذكرة النشاط السياحي هذا سعر صرف اليوم ممكن في شهر 3 يزيد او ينقص ونتمنى لكم رحلة سعيده وممتعه بإذن الله |
اقتباس:
شكرًا اخي على التفصيل والمساعده انا جلست اقرا بالمواضيع السابقه جداً استمتعت وتحمست لكن حسيت القولد كوست افضل الوجهات وكأني بديت افكر اخليها اطول مده هناك لأنه فيه قريب من جزر فما رأيكم؟؟! أرسلت بواسطة iPhone بإستخدام Tapatalk |
اقتباس:
كل مدينة احلى من الثانية والامر يعتمد على اهتماماتكم اذا كنتوا تحبوا النشاطات البحرية ممكن تزيدوا ايامكم بقولد كوست |
أهلا و سهلا بك اختي العزيزة مثل ما استفدت من هالمنتدى حابة أفيدك أنا رحتها في إجازة الصيف كان وقتها عندهم شتاء بس كان الجو روعة رحنا بس سيدني و جولد كوست سيدني 5 أيام أحسها مناسب جولد كوست يبي لها أكثر لأنها فيها أنشطة كثيرة ملاهي و حدائق من 7 - 10 أيام مناسب بوجهة نظري ملبورن ما رحتها بس أتوقع 3 - 5 أيام مناسبة لها |
بالنسبة للصرف أبدا ما تعتبر رخيصة تحتاجين مبلغ حول 500-1000ريال اعتقد في اليوم للأنشطة السياحية و دخول الأماكن الترفيهية و الأكل |
5 مرفق استراليا جدا جمميله زرتها بالصيف وأتمنى أزورها مرا ثانية شعبها شي جممميل يفتحون النفس :e328: الحجاب والنقاب جدا عاادي حتى مدن الملاهي فيها مصليات وفيه مطاعم حلال وخصوصا بـ ملبورن ملياانه مطاعم حلال جولد كوست مرا توونس وأنشطتها كثييره جلسنا فيها 11 يوم ولا خلصنا كل الأنشطه والأماكن الي عندهم وملبورن جلسنا فيها 6 ايام وحبيييتها بوقت سفرتنا كان شتاء و عندهم رحله لـ الثلج وتزلج و الحدايق الملكيه ( فكتوريا ) تفتح النفس:e328: شيلي من الجدول يومين روحه و رجعه لا تحسبينهم لانها بعييده و لما توصلون من التعب ما بتروحون مكان بالنسبه لنا نزلنا في ماليزيا يومين عشان طول المسافه . بالنسبة لسكن أنصحك بالشقق الفندقيه .. بجولد كوست سكنا في سيركل جميل حجزنا من موقع مكتب أسمة holiday بحط كرتهم بالمرفقات و ملبورن سكنا بشقه فندقيه راقيه و جميله دورت ايميل حجزي شكلي حذفته بالنسبه للاسعار ترا مو رخيصه ابدا .. يعني دخول الاماكن حطي له جزء كبير من الميزانية .. وياخذون نسبة على الدفع بالفيزا و عملتهم تنزل وترتفع فيتغير سعر الصرف . حطو ميزانية حلوه .. وأسعار الدخول عندي كم بروشور بحطها بالمرفقات مكتوب عليها الاسعار عشان تاخذين فكره عن الاسعار. ( السعر اللي على برشور الموفي ورلد كان عرض شامل الموفي ورلد و السي ورلد وملاهي ثالثه مارحنا لها دخول لا محدود لمده سنه ) . لاتفوتكم الدريم ورلد مرا حلوه . واذا كان فيه عروض و سرك عن حياه الاسترالين القديمه لاتفوتينها رحنا عرض تبع اوت باك مع عشا حلال حبيته ابدعووو فيه المواصلات بجولد كوست بالباصات و بعض الاماكن بعيده خذي المواصلات شامله مع تكت الدخول والمواصلات بملبورن الترام مجااني والرحلات البعيده خذي المواصلات بعد مع تكت الدخول واذا تقدرون تستأجرون سياره أفضـل و أوفر نصيحه تكت الدخول لا تشترونه على طول ادخلو كذا مكتب وقارنو العروض و الاسعار وأكتبوها على البروشورات بعدين رتبو جدولكم على رواقه بالفندق حنا لقينا مكتب صيني كان اوفر مع المواصلات نصيحه ثانيه بالنسبه لرحلات اليوم الكامل حسيناها متتعبه نص يوم أحلى وأرييح واستراليا جمممميله وتستااااهل العنوووه:e32d::e32d: كان ودي أنزل تقرير عنها لكن الكاميرا خربت علينا يوم رحنا الثلج بملبورن و ما بقى عندنا إلا صور الجوال واغلبها شخصيه |
ما قصرتي لين تسلمين لكن مثل هالمعلومات عن السكن والاماكن يغني عن الصور لو تشاركينا فيها |
ممتع |
عطينا رايك عن استراليا بعد ما زرتيها |
| الساعة الآن 09:38 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO