شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة اسكندنافيا (https://www.arabtrvl.com/vb/f162.html)
-   -   ترتيب جدول للسويد و الدنمارك و النرويج (https://www.arabtrvl.com/vb/t17585.html)

memo 08-05-2016 09:56 PM

ترتيب جدول للسويد و الدنمارك و النرويج
 
كنت مخططه هذا الصيف اسافر الى سويسرا و المانيا و يما اني زرتها من قبل
و بعد قراءة موضوع الأخت نور و رد الأخ فارس من خيال عن رحلة للسويد
قررت اغير الوجهه الى السويد
ولكن محتاره في التخطيط و نحنا شخصين من غير اطفال و نرغب في زيارة
السويد و الدنمارك و النرويج و اتمنى تساعدوني في التخطيط للرحله
ويكون التنقل عن طريق القطارات
و ربي يجزاكم خير

فارس من خيال 08-05-2016 11:13 PM

حياك الله ياميمو في بوابة الدول الاسكندنافية

ابشري راح نساعدك باللي نقدر علية

الحلو في الرحلة انكم اثنين والسيئ ان تنقلاتكم بالقطار ليش ماتأجرون سيارة احسن
ويكون انتقالكم من منطقة لمنطقه بالقطار مثلا ستوكهولم مايحتاج لها سياره وانتقالكم الى جنوب السويد عادي بالقطار
وهناك لازم السيارة وإلا راح تفقدون كثير من المتعه من غير التعب والتنقل بين الباصات والقطارات

كم عدد ايام الرحلة + الوصول والمغادره من وين + تاريخ السفر

memo 08-05-2016 11:30 PM

حياك الله اخوي فارس
عدد الأيام تقريبا 20 يوم ممكن تزيد او تنقص لأني لسه ما حجزت
في الفتره ما بين 8جولاي الى 3 اوغست
عادي ممكن نستأجر سياره بس اذا كان العمر 23 سنه ما في شروط خاصه للإيجار
و بالنسبه للوصول و المغادره لسه ما قررت بس فكرت لو الوصول اوسلو و المغادره
من كوبنهاجن و صراحه ما عندي فكره اذا كان اختياري مناسب و لا فيه افضل منه
عادي نغير المهم الأنسب على حسب برنامج الرحله
و جزاك الله خير

فارس من خيال 09-05-2016 12:33 AM

20 يوم مناسبه جدا لزيارة 3 بلدان وحتى وان كانت المسافات بعيده فالطيران ساعه وانتي في المدينه اللي تبينها

انصح بالوصول على ستوكهولم والمغادره من كوبنهاجن

http://www.arabtrvl.com/up/uploads/a...2741984661.png

5 ايام ستوكهولم

3 ايام اوسلو

6 ايام بيرغن + فوس + فلام

6 ايام كوبنهاجن + جنوب السويد

السيارة لاتحتاجونها إلا في بيرغن وجنوب السويد وسن 23 عادي تنطبق علية شروط القياده وفي اوروبا اقل سن يكون 19 ومن هذا السن الىى سن 24 ينطبق عليهم مبلغ رمزي لايتعدى10 يورو في اليوم تقريبا وعند حجز السياره انصحكم بموقع رنتل كار وتقدرون تتاكدون من هالشي بالاتصال عليهم على الهاتف المجاني والتحدث معهم باللغه العربيه ولو احتجي الرقم ساضعه هنا وكذلك الموقع اعتقد انو موجود

هذا تخطيط مبدئي ممكن تقللين من عدد ايامك وممكن تضيفين ايام ونضيف لك وجهه جديده زي جيرانجر بالنرويج

اول خطوه حجز الطيران وهي الاهم في الرحلة ومنها نعرف كم يوم تكون الرحلة ولاتنسين وقتكم عز الصيف وكل الناس مسافره والحجوزات تنفذ من غير ارتفاع الاسعار سواءً للطيران او الفنادق

memo 09-05-2016 12:48 AM

المشكله الآن بالفيزا ما تتوفر المواعيد الا في الرياض و بالنسبه لي صعب جداً حاولت من جده و لكن غير مفعل
خايفه احجز و بعدين تتعقد امور الفيزا
غير انه اللي معايا عنده فيزا فرنسيه و دخل فيها فرنسا و اسبانيا يعني عادي يستخدمها في السويد لان مدتها 3 سنوات
ما ادري هل اتوكل على الله و احجز الطيران و لا انتظر لما اشوف وضع الفيزا


أرسلت بواسطة iPhone بإستخدام Tapatalk

فارس من خيال 09-05-2016 01:00 AM

اذا عندكم سفارة الدنمارك سوي موعد معاهم واعكسي الجدول يصير الوصول كوبنهاجن والمغادره ستوكهولم

واذا مافية إلا بالرياض الله يعينكم بس انصحكم بالحجز المبكر

تعالي ع الخاص لو حبيتي اعطيك رقم مكتب في الرياض ممكن يساعدكم بس وقت البصمه لازم حضوركم

memo 09-05-2016 01:20 AM

مشكور اخوي الرياض صعبه
راح انتظر اسبوع و اشوف اذا تيسر الموعد حجزت و اذا ما تيسر اغير الوجهه
مع انه مخطط الرحله اللي سويته رائع
وجزاك الله خير على المجهود و ما قصرت
الله يعطيك العافيه


أرسلت بواسطة iPhone بإستخدام Tapatalk

فارس من خيال 11-05-2016 10:43 PM

موفقة اختي وان شاء الله تتيسر اموركم
واي خدمة حنا حاضرين باللي نقدر عليه

memo 11-05-2016 10:51 PM

جزاك الله خير اخوي فارس
انا الآن حجزت فنادق في المانيا و سويسرا
و ما حجزت طيران لسه بحاول اعبي الابلكيشن السويدي و اقدمه في مكتب جده بدون موعد اذا تيسرت الحمد لله كملنا البرنامج للسويد و اذا ما تيسرت نرجع لبرنامج المانيا و سويسرا


أرسلت بواسطة iPhone بإستخدام Tapatalk

memo 12-05-2016 10:46 PM

انا حجزت طيران الوصول الى ستوكهولم 8 جولاي الساعه 6 الصباح
و المغادره من كوبنهاجن في 28 جولاي
كيف حيكون السكن في بيرغن + فوس + فلام
في اي مدينه احجز السكن لأن صراحه ما عندي اي خلفيه عنهم
و المعلومات قليله جدا


الساعة الآن 12:34 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO