|
ساعدوني بخطتي للسويد والنرويج سلام عليكم دمتم بخير يا الاعضاء الغالين حاب اعرض خطتي المبدئيه واتمنى من اهل الخبره يدلني على الصحيح فضلا لا امرا ان شاء الله انا ناوي اسافر من الرياض الي ستوكلهام السويد واجلس فيها كم يوم وبعدها الي اسلو النرويج طبعا كل التنقل بالسياره انا وزوجتي فقط ومن اوسلو الي ليلهامر ثم الي جيرانجير ثم الي فلام ثم الي برقين ثم الي اولفيك ثم الي رولداك ثم الي اوسلو وبعدها ستكولهام السويد لتسليم السياره هل هالخط كويس ؟ وهل فيه قرى في النرويج تستحق الزياره غير هذي ؟ وهل عندكم اي مقترح اخر للي جرب ؟ اكون شاكر لكم جدا.... |
حياك الله يابو سعود في البوابة الاسكندنافية مشوارك طويل وبصراحة متعب جدا ونص ايامك راح تروح عليك في الطرق اولا مشوارك من ستوكهولم الى اوسلو اقل شي 7 ساعات واكثر ثانيا في النرويج 200كم ممكن تاخذ فيها اكثر من 5 ساعات وكمان على حسب توقفاتك وزحمة الطريق احيانا يكون قدامك شاحنه ماتقدر تتجاوزها ويمكن تمشي وراه 10 او 20 كم انت وحظك وزحمة الطريق وسرعه لاتتجاوز 50كم والمسار واحد رايح جاي طبعا مخططك ما اقدر اساعدك إلا بعد مانعرف عدد ايام الرحلة كامل وكمان انصحك خلي وصولك ستوكهولم والعوده من اوسلو وكمان اطلع طيران من ستوكهولم الى بيرغن ومناك استلم السياره وسلمها في اوسلو |
صباح الخير اخوي فارس اشكرك جدا وفعلا ماجاء في بالي اني استلم سيارتي بالنرويج فعلا فكره عدد ايامي بالقليل شهر الي 35 يوم فأعطيني رأئك وبالتوفيق لك ولنا ... |
ماشاء الله يابو سعود اعتقد شهر كافي لزيارة أجمل مناطق النرويج السياحية ومعاها ستوكهولم ومقاطعة سكين جنوب السويد وكوبنهاجن طبعا مع هذه المده وماشاء الله انت والمدام فقط يعني ماراح تفرق التنقلات في النرويج وبيكون فيه وقت يكفي لراحتكم في كل منطقة ---------------------- مبدأياً انا اقترح عليك الوصول ستوكهولم والمغادره اوسلو وانت براحتك اللي تبي بس هذا الاختيار انسب واريح لك 4 ايام في ستوكهولم >> اذا وصولكم متاخر من النهار اضف يوم يعني يصير 5 ايام ستوكهولم 4 ايام مقاطعة سكين + كوبنهاجن >> والبرنامج جاهز لزيارة هالاماكن باقي من ايامك 22 يوم تكون في النرويج ويمديك تزور كل المناطق اللي ذكرتها في استفسارك + 5 ايام اذا حبيت تضيفها او تكتفي بشهر براحتك من ستوكهولم تطلع قطار الى لوند والمسافة تقريبا 4 ساعات يوجد توقفات للقطار بس مافية تبديل ومن لوند تاجر السيارة او اذا حبيت من مالمو >> خيارات السكن اما في لوند او مالمو اللي تبي السيارة تاجرها لمدة 3 ايام او اذا حبيت تضيف يوم وتاجر السيارة لمدة 4 ايام وتسلمها في مطار مالمو ومناك تغادر طيارة الى بيرغن وتستلم السيارة في اخر يوم لك في بيرغن وتسلمها في اوسلو ----------------- طبعا هذا تخطيط مبدأياً وبعد ماتحدد ايامك وكمان وصولك ومغادرتك نسوي لك البرنامج كامل وجهتك الاولى السويد اصدر التأشيره من السفارة السويدية |
[B] الله يسعدك يا فارس ماقصرت [/B]باذن الله احدد جدولي وارجع لك اشكرك جدا |
وياك ابوسعود ننتظرك وحنا في الخدمة باي وقت |
| الساعة الآن 07:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO