|
احتاج رايكم السلام عليكم احتاج مشورتكم باسرع وقت انا الان في مرحله الحجوزات واحتاج رايكم في مخطط الرحله لشخصين انا وزوجي ودي بزيازة كوبنهاغن واستكهولهم والنرويج ابي مخطط لها الدول المخطط الاول كوبنهاغن (4ايام) ثم طياره الي بيرغن (المشكله هينا ) لما اوصل بيرغن كيف ابدا المخطط وكم مدينه كم اجلس فيا التقارير والمعلومات جداً قليله عطوني اهم الاماكن اللي ازوها واللي اقدر استغني عنها انا خايفه من طرق الوعره والله يسسسسسسعدكم |
عليكم السلام بما انك في مرحلة الحجوزات الافضل يكون الذهاب كوبنهاجن والعودة من ستوكهولم باقي الامور سهله ان شاء الله بس انتي حددي كم عدد ايام الرحلة عشان التخطيط ومتى وقت الرحلة النرويج ضروري ايجار سيارة |
الرحلة ١٥ يوم 28 july الي 11aug |
15 يوم قليلة وخاصة اذا فيها يوم الوصول والمغادره لانو هاليومين اما وصول وتعب وارهاق او استعداد للمغادره 3 ايام كوبنهاجن تكفى بالراحة وهناك اليوم طويل بمعنى انو اكثر المعالم تزورونها بيوم واحد يفضل المغادره من كوبنهاجن الى مولدي وطبعا الرحلة فيها ترانزيت باسلو المبيت ليله في مولدي ومنها مشاهدة طريق الاطلسي تاجرون سيارة من مطار مولدي وتسلم في مطار بيرغن 3 ايام مابين جيرانجر وسترين 5ايام بيرغن+فوس+فلام والمناطق اللي حولها المغادره من بيرغن الى ستوكهولم اخر 3 ايام -------------------- 3 ايام كوبنهاجن 1 يوم مولدي 3ايام جيرانجروسترين 5 ايام بيرغن 3 ايام ستوكهولم لايوجد وعوره في طرق النرويج ابدا ولكن المسار واحد رايح جاي اغلب طرق النرويج وكذلك ممتعه جدا |
يعطيك العافيه والله يسعدك هل مهم اشوف طريق الاطلسي ومولدي ؟ وانا كنت في بالي اكنسل مولدي اوصل الي بيرقن واستجر سياره واكمل المشوار هاذا وصلت الي جيرانجر في مطار او لازم ارجع الي بيرقن واذا مافيه في جيرانجر اكنسله واكتفي بيرقن واللي حولها ايش رايك في ذا ؟؟؟ |
كيف خططتي لرحلتك في بيرغن انا محتاره مثلك |
اقتباس:
عطيني مخططك كيف ايش رايكم طبيعه سويسرا ولا النرويج ؟؟؟ |
انا مابي تنقلات كثير ومابي طيران داخلي كثير ميزانيتي محدودة جداً تقريبا 27الف مع حجز طيران وتذاكر مثلاً لو بديت المخطط طيران الي كوبنهاغن 4 ايام وطيران الي بيرغن او عباره افضل ثم الرجوع من بيرغن الي البلاد او بالعبارة الي الدنمارك ويومين والرجوع الي البلاد ايش رايكم |
انا حطيت مولدي عشان تاخذين مسار مو تروحين بيرغن وبعدها جيرانجر وترجعين مره ثانيه بيرغن بما انك تبين تطلعين طيران من كوبنهاجن خليها ع مولدي وطريق الاطلسي تشاهدينه لانك قريبه منه وكمان تستفيدي من يومك في مولدي ------------ الخيار لك اذا ماتبين تروحين جيرانجر مع ان الوجهه لاتعوض -------------- اذا ميزانيتك محدوده احذفي ستوكهولم او كوبنهاجن |
السلام عليكم مخططك سهل جداً الطيران من والى ستوكهولم بتحصلينه ارخص سعرا من كوبنهاجن ٣ ستوكهولم طيران الى كوبنهاجن و ٣ ايام ومنها طيران الى بيرقن من مطار بيرقن تستلمين سيارتكم وتروحون مباشره الى اكواخ جولسترا تبعد ساعتين تقريبا من المطار تجلسون فيها يوم كامل تريحون مكان جميل جداً ومن جولسترا الى ستيرن ٣ ايام ومن ستيرن الى فوس ٤ ايام ومن فوس الى بيرقن ليله ومنها طيران ستوكهولم والعوده منها للوطن من ستيرن تزورين قرية جيرانجير ووادي اولدن ومن فوس تزورين اوددا وفلام |
| الساعة الآن 07:27 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO