شبكة و منتديات العرب المسافرون - فزعتكم ،،، برنامج سياحي

- بوابة اسكندنافيا (https://www.arabtrvl.com/vb/f162.html)

- - فزعتكم ،،، برنامج سياحي (https://www.arabtrvl.com/vb/t35258.html)

فزعتكم ،،، برنامج سياحي

السلام عليكم ،،،

خبراء الدول الاسكندنافيه محتاجه فزعتكم لترتيب برنامج سياحي لمده 16 ليله شخصين و طفل رضيع 9 شهور
المقترح
12 ليله في النرويج الوصول الى مطار اوسلو و استلام السياره ،،، والمغادرة من مطار بيرغن مع تسليم السياره
ثم السفر بطيران داخلي من بيرغن الى ستوكهولم
ابا فزعتكم في ترتيب المدن و اماكن السكن المقترحه ،،،
و هل اضافة ستوكهولم بيزيد التكلفه و و هل اذا كان البرنامج السياحي لمدة 16 ليله في النرويج فقط مع الغاء السويد بيكون بتكلفة اقل ؟؟

حياك الله ام فهد

ابشري بالفزعه
لي عودة بالليل ان شاء الله

اقتباس:

المشاركة الأصلية كتبت بواسطة ام فهد 2017 (المشاركة 408454)

السلام عليكم ،،،

خبراء الدول الاسكندنافيه محتاجه فزعتكم لترتيب برنامج سياحي لمده 16 ليله شخصين و طفل رضيع 9 شهور

اتمنى مايكون وقت رحلتك بعد شهر اغسطس عشان الطفل لان الاجواء بتكون باردة

المقترح
12 ليله في النرويج الوصول الى مطار اوسلو و استلام السياره ،،، والمغادرة من مطار بيرغن مع تسليم السياره
3 اوسلو بيوم الوصول عشان تاخذون راحتكم ويمديكم تشوفون اوسلو

4 ايام جيرانجر وسترين

3 ايام فوس ماحولها
اخر يومين بيرغن

ثم السفر بطيران داخلي من بيرغن الى ستوكهولم
تمام

ابا فزعتكم في ترتيب المدن و اماكن السكن المقترحه ،،،
اعتقد ام فهد شفت لك رد في تقريري المثبت في الاعلى ومن خلاله تقدرين تطلعين على كل الاماكن السياحية وكذلك السكن حسب رغبتك سواء فنادق او اكواخ وبيوت ريفية

السكن انتي من يحددة على حسب ميزانيتك علما ان في هذه الايام حتى نهاية اغسطس السكن ربما تجدينة بصعوبة في المناطق الريفية بالنرويج خاصة جيرانجر وسترين حاولي تبحثين وتحجزين من الحين

و هل اضافة ستوكهولم بيزيد التكلفه و و هل اذا كان البرنامج السياحي لمدة 16 ليله في النرويج فقط مع الغاء السويد بيكون بتكلفة اقل ؟؟

اي عادي ممكن اضافة 4 ايام في ستوكهولم ويمكن تزيد التكلفة شوي ولكن لو حسبتي قعدتك لاربع ايام اخرى في النرويج مع ايجار السيارة يمكن يطلع نفس التكلفة

انصح بزيارة ستوكهولم

اقتباس:

المشاركة الأصلية كتبت بواسطة فارس من خيال (المشاركة 408696)

اشكرك اخوي على سعة صدرك و ردك ،،، و يعطيك العافية على المعلومات القيمة و المفيدة،،
ما قصرت ،،،،

اقتباس:

المشاركة الأصلية كتبت بواسطة فارس من خيال (المشاركة 408696)

أخوي بالنسبة لاوسلو سكني بيكون ف نفس هالفندق Thon Hotel Slottsparken اللي سكنته ،،،
لاحظت ان عدد باركناته قليله و ايجار اليوم الواحد فوق 150 ريال،، ف لو خليني حجز السيارة لاخر يوم قبل مغادرة اوسلو و خذنا من المطار تاكسي،، هل موقع الفندق مركزي و ما نحتاج سيارة خلال فترة تواجدنا ف اوسلوو،، اقصد اذا استخدمنا المواصلات العامه باص و ترام ،،و الخ

اي يام فهد السيارة في اوسلو ماتحتاجون لها ابد

المفروض اخر يوم بعد ماتسوين اتشيك اوت من الفندق زوجك يروح يستلم السيارة ويرجع لكم الفندق عشان الحقائب وكمان يمديك تروحين معاه والشناط تبقى في الفندق لحد ماترجعون لها تبقى في الامانات

الفندق فعلا سكنت فيه عام 2013 موقعه رائع جدا مقابل للحديقة والقصر الملكي وقريب من الميناء والقصر يقع على امتداد اشهر شارع للتسوق في اوسلو كارل يوهانز
كذلك نهاية شارع كارليوهانز تقع محطة القطارات المركزية في اوسلو

الشارع طويل مايقارب 1-1ونص كم وفيه كثير من المطاعم والمقاهي ومحلات التسوق

بداية الشارع محطة القطارات المركزية وينتهي بالقصر الملكي او العكس

هل التكلفه في النرويج أعلى من سويسرا

كثير من الأعضاء ينبهون من غلاء المعيشه في النروج

شكرا ع المعلومات ^^