|
افضل مسار ولاعليكم امر ( السويد-النرويج-الدنمارك) السلام عليكم ماشاء الله تبارك الله استفدت كثير منكم ولكن احترت بالمدن المختاره احنا 4 اشخاص انا و زوجي و ابني 10 سنوات و بنتي 5 سنوات عيالي هادين ويتحملون خطوط مخططي كان ستوكهولم 4 ايام اوسلو 3 ايام ( هل تستحق الزياره )؟ بيرغن 5 ايام ولاعرف فوز وفلام كيف ازورهم وهل انام فيهم ؟؟ كوبنهاجن 5 ايام نحب السواقه مافي مشكله لكن اذا اسهل قطار او طياره عطونا اي اقتراحات اخرى سمعت عن جيرنجر ! بانتظار اقتراحاتكم 💗💗💗 للمسار الافضل تقريبا 19 الى 20 يوم في اوغست |
اقتباس:
اغسطس احلى وقت للسفر للنرويج ودول اسكندنافيا بصفه عامة عدد ايام الرحلة مناسب جدا لزيارة 3 دول وتعتبر من اجمل الدول في اوروبا توزيع الايام اذا كان الوصول ستهوكهولم والعودة من كوبنهاغن 4 ايام ستوكهولم بعدها طيران على بيرغن 5 ايام بيرغن وضروري يكون معاكم سيارة افلام الافضل زيارة يوم وترجعين بدون مبيت والسكن حسب رغبتك اذا تبين تسكنين في مكان واحد انا اارشح بيرغن مدينة كبيرة وفيها كل الخدمات اذا عادي التنقل اسكني يومين بيرغن و3 ايام فوس او احد القرى القريبة حسب رغبتك علما ان النهار طويل جدا هناك يعني بيجي الساعه 12 بالليل وتو الغروب يبدأ والمشوار من بيرغن الى المناطق السياحية القريبة بياخذ من ساعة - ساعتين ونص تزيد او تنقص قليل حسب المكان اللي بتروحون له وفي الطريق طبيعه جميلة تنسي مشوار الطريق 4 ايام جيرانجر وسترين 3 ايام اوسلو او يومين حسب رغبتك باقي ايامك كوبنهاغن لو رجعتي لتقريري اعتقد في طيران ايدرو من مطار مولدي يودي كوبنهاغن مباشر تاكدي حسب الشرح في التقرير لمعرفة الوجهات من والى مطار مولدي لو ماتبين اوسلو |
مافصرت والله فارس من خيال كفيت و وفيت الله يجزاك خير ولكن عندي استفسار ليه اخذ طياره من ستوكهولم مو افضل سياره او قظار لاوسلو واكمل المسار ؟ لان بمشي جيرانجر وسترين بالنص هم صح ؟ بين ( اوسلو و بيرغن ) |
الطيران افضل من عدة نواحي اولا اختصار للوقت والتعب وكذلك تسليم السيارة في بلد اخر علية ضريبة عالية لو حسبتي مع البنزين يطلع هالمبلغ يقص لكم تذاكر طيران من ستوكهولم الى بيرغن وتختصري المسافة والوقت ثانيا اسعار تذكر الطيران ارخص من اوسلو الى كوبنهاغن ومباشر عكس من بيرغن اغلى وتقريبا فيها ترانزيت القطار نفس الشي اسعار التذاكر غالية وكمان توقفات ووقت اطول ويمكن فيه تغيير محطات وشيل شناط من محطه لمحطه شوفي اللي يناسبك واحسبيها صح:7: |
واضح كلامك يعطيك العافيه و ايش تنصح شركات طيران داخلي |
شركات الطيران الافضل اللي انا مجربهم الطيران النرويجي والطيران الاسكندنافي SAS الاسعار اقتصادية كل ماتحجزين بدري السعر يطلع ارخص |
| الساعة الآن 11:04 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO