|
تجربتي الفاشلة للسفر الى النرويج مع مكتب الفصول الاربعة للسفر والسياحة بحثت عن رحلات لزيارة الريف النرويجي وحصلت رحلة يقدمها مكتب الفصول الأربعة والذي مكتبهم الرئيسي في ابو ظبي وجدت رقم تواصل سعودي الرقم اتصلت به فوراً وذكرت باني سأنضم معكم في رحلة الشباب وقال التكلفة ٨٠٠٠ ريال تشمل السكن والمواصلات وشريحة انترنت والرسوم يتبع ⤵️ حسب الصورة المعلنة من قبلهم للفترة من ١٥-٢٣ يوليو حاولت ان يزودني بمعلومات مفصله عن الرحلة ولكن قال هناك سترى كل يسرك قدمت من بلادي المملكة الى النرويج في تاريخ ١٢ يوليو مع العلم انني كنت سأحرج لو تم سؤالي من قبل الجوازات النرويجية عن الفاوتشر ومكان الإقامة ولكن الحمد لله عدت جلست ١٢-١٣-١٤ في اوسلو ويوم ١٥ هو بداية الرحلة المقرر من المكتب اتصلت ب المنسق السعودي في نهاية يوم ١٤ اتصلت ب المنسق السعودي عبر الواتس وذكرت له باني موجود في ريدسون بلو بلازا وغداً اريدكم ان تأخذوني من هناك ورد علي الساعة ٨ صباح ١٥ وارسل لي رقم نرويجي اسمه احمد ناصر يمني اتصلت به وقلت له انا من طرف المنسق السعودي وأعطاني رقمك فقال من انت قلت اسمي وقال انت لست موجود معنا في الرحلة اتصل ب المنسق اللي اعطاك رقمي حيث تطول السالفة في هذا الموضوع اتوقع بان هناك مشكلة في التنسيق بينهم اتصل بي احمد ناصر وقال بجيك الفندق وارسل لي الفاوتشر الساعة ١٠الصباح يوم ١٥وجاني وفي الطريق ذكر لي بان فوس ليست موجودة في الجدول المعد والذي لم أراه ولم يخبروني عنه فاتصلت بصاحب الشركة ابو خالد الإماراتي وذكرت له بان فوس غير موجودة لماذا وقال جميع رحلات ال ٩ ايام لايوجد فيها فوس فقلت له هذا لا يعقل لم يذكر لي سابقاً فقال هذا هو نظامنا قال مشكلتكم من منسقكم السعودي هو اللي ماخبرك طال الحديث في هذا الموضوع وقال سأحاول ان احجزلكم في فوس انتم جدولكم الأساسي من ١٦-٢٢ في سترين ومن ٢٢-٢٣ في اوسلو ولكن سأحاول ان احذف يومين من سترين اللي والتي هي ٢٠-٢١ واضيفها لكم في فوس ويبقى الجدول مثل ماهو خلصنا رحلتنا الملئيه ب النقص في الخدمات وعند ذهابي يوم ٢٢ حسب الفاوتشر المرفق الى رديسون بلو بلازا تاكدت من موضف الفندق وقال ليست لك حجز هنا اتصلت ب ابو خالد وقلت له ليس لدي حجز في ريدسون بلو بلازا اتمنى حل الموضوع فقال ابو خالد انا عطيتك في فوس ودفعت ٨٠٠٠ وسويت وصنعت لكم يتمنن وتبون ريدسون بلو بلازا قلت الفاوتشر مكتوب فيه ماجبت شي من راسي قال ماعليك في الفاوتشر انا حجزت لكم في ردسون بلو المطار والمشكلة مانتحملها احنا عدلنا ع رحلتكم وأضفنا فوس لكم وش تبون اكثر قال لا تكلمني كلم المدير احمد ناصر وقفل بوجهي دقيت على احمد ناصر اليمني وقال بأسلوب سخيف انت ع كيفنا وين مانوديك ودنياك تبي الله يحيكك ماتبي صرف نفسك هذا اللي عندنا عجبك ماعجبك مو شغلي قلت الفاوتشر مختوم من مكتبكم قال مانعترف فيه وقفل بوجهي دقيت ع ابو خالد فوراً قلت له انت صاحب المكتب والمدير قال كذا قال مااقدر اسوي لك شي خلاص ☕️الافطار: عبارة عن بيضه لكل شخص +لبنه بدون عسل + حمص بدون شاهي او ماء +خبز 🍲العشاء: مره فاصوليا ب اللحم مع الرز الابيض السادة ومره جانا مندي دجاج ويتكرر عليك بدون مشروب او ماء ℹ️لا يوجد قهوة نهائياً حتى في بيت الشعر بس دلال ℹ️الانترنت ليس شرائح جهاز واي فاي الجميع يشبك عليه كان السائق سوري الجنسية رجل طيب ومحترم ولكن لأول مره يشتغل عند الشركة وخلوه معنا يقول وين مابدكون بوديكون ومافيه اي جدول ابو خالد صاحب الشركة يرسل اللوكيشنات ع الواتس اب ومافي اي معلومات اللهم تشوف وماتعرف عنها شي بعني شغلة مرشد سياحي غير موجودة كان معانا شخص الله يجزاه ب الخير يبحث ويرتب لك التنقل من مكان الى مكان مافي جدول معلن او الجميع يعلم به من الاخير كانك طالع رحلة مدفوعه وينمن عليك فيها ودك تقول رجعوني وفكوني من رحلتكم اجتمعنا في قروب وآتس اب وكان معنا ابو خالد وشخص يدعى فارس من مكتب ابوظبي عندما نسالهم يرسلون لنا محادثات بعضهم في قروبنا عشان يبون يقنعونا انه خلل ويرسلون صوت واحد من موظفين الشركة يقول انا ارسلت لهم وسويت يعني الاشياء الادارية اللي بينهم يرسلونها بقروبنا نحن سياح مالنا علاقة صراحة حسيت رحلتي غير منظمة بسبب كثرت الاخطاء من بداية الرحلة اخطاء فادحه وكل مره نقول خلها تمشي ونتصبر ابي شي امدحهم فيه |
كان الله في عيونكم والحقيقة المكاتب السياحية لمن تتشوف برامجهم ودعاياتهم تكون مغرية ولكن في الواقع همهم الاكبر كيف الحصول على السائح واخذ فلوسه وبعد الدفع هم يمشونك على كيفهم وربما البرنامج يكون مختلف عن الاتفاق وفوق هذا تكون مقيد وليس لديك اي خصوصية افضل الرحلات السياحية يكون بتخطيط مسبق من السائح وترتيب الرحلة بمزاجة وحسب هواه وفي منتدانا الاعضاء يضعون خبراتهم بالتقارير المفصلة عن كل شيء من انشطة واماكن سياحية وحتى المصاريف والحقيقة كلنا هنا لا نتوانا في مساعدة بعضنا فلماذا المكاتب السياحية ؟؟؟ وانت تقدر تخطط رحلتك بنفسك كنت اسمع عن هذا المكتب وصاحبة معروف واسمه اشهر من نار على علم في برامج التواصل ولكن بعد ذكر تجربتك اتضح لنا ان لا مصداقية عندهم وانصح جميع الاعضاء بعدم الثقة بجميع المكاتب السياحية الله يعوضك خير وان شاء الله يرزقك برحلة اخرى انت من يخطط لها الف شكر لمشاركتنا تجربتك |
صحيح المفترض احجز بفسي واخلص كل شي بفسي ولكن شفت فيديوهات ومشاهير راحو معاهم وثقت فيهم ورحت وياليتني مارحت ماشفت التعامل اللي تعاملو فيه المشاهير ولا الاكل اللي اكلوه المشاهير سكنت اخر يوم ع حسابي بعد تخلو عني وسكني كان عندهم ومحجوز حسب الفاوتشر ابلغت السفارة السعودية بالموضوع وبجميع الادلة اللي تبين انهم اخفقوا في الخدمة يعتقدون بان العميل الغير مشهور لن يؤثر عليهم لذا مايهتمون بالخدمة كتبت هذه التجربة لكي لا ياتي غيري ويقع فيما وقعت انا تضررت ولكن الحمد لله ليست معي عائلة وتصرفت بعد معناة في وقت المطر وبدون مظلة ابحث عن فنادق ، كيف الامر لو كان معي عائلة وتخلو عنا هنا الكارثة العظمى |
المشاهير هم من يرفع سوقة ولازم يسوي لهم خدمة الخمس نجوم واتوقع رحلتهم مجانية بعد عشان الدعايات لمكتبهم ورحلاتهم ارسل لهم رابط الموضوع عشان يعرف أنك لم تسكت عن حقك |
اشتكي عليهم Sent from my Pixel 3a using Tapatalk |
بما ان لهم مندوب بالسعوديه تقدر تشتكي عليهم وعلى المندوب شغل فاشينستات السفر المفروض محد يصدقه من أكبرهم لأصغرهم |
ليست فاشله.....الحياة دروس اعتبرها درس في الحياة دفعت ثمنا باهضا لتتعلمه :e032: |
ممكن سائق خاص بالنرويج ؟ |
انا تواصلت معهم بعد ولاكن من البداية حسيت ان وضعهم مو مضبوط ياريت حد يبلغ عنهم في القسم السياحي في النرويج هاذول تشويه للسياحه في النرويج والمشكله في السناب يقول انا من قطر وصاحبة يقولي هو يمني وكلامه قريب للايراني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
ممكن تستأجر سيارة و تسوق بنفسك اما السائق فهو مكلف جدا بالنرويج و الافضل حجز رحلات مع شركات نرويجية اذا ما تقدر تسوق السائق و الرحلات السياحية هي الاكثر كلفة في الدول الاسكندنافية |
الله يعوضك حير يابو تركي لا يمكن الثقة بشركات سياحية وهمية همها المال أكثر من الخدمة اللي تقدمها للاسف شركات زي هذي كثير موجودة في السوق لذا لابد من الحذر و التفكير 1000 مرة قبل شراء برامج منهم |
اخوي المفروض من الاول يكون عقد بينك وبينهم مكتوب فيه كل شي والافضل من هذا كان رتبت رحلتك بنفسك بالنسبة لي لما رحت النرويج ماشاءالله عليهم الاعضاء ماقصروا معاي مثل ماقلت الحياة تجارب والواحد يتعلم |
اكبر جذبه ووهم هي اعلانات الفاشينستات لاذمه ولاضمير اغلبهم بس للفلوس تقارير الاعضاء هي الحكم وتشوف على ما تشتهي وخاصه الاسعار والمعلومات اليوميه ربي يعوضك وياخذ حقك منهم |
يا اخوان هذي مو وهمية ولا اعلن عنها فاشنستات ولا حاجة هذي شركة صاحبها يتابعه 200 الف بالانستا وكل مشاهير السياحة بالسنتين الاخيرة يطلعون معه للنرويج مجاني وشغل تلميع وعصابات انا توهقت سنة 2016 بمكتب اعلنوا له مشاهير السياحة ع التويتر والسناب وللأسف نفس اللي حصل مع الاخ صاحب الموضوع بالبداية حلوين معك لين تحول كامل المبلغ بعدها كلن يرميك على الثاني اخر شي سحبت جوازاتي منهم وسويت كل شي بنفسي والان هالمكتب موقف حسابهم بتويتر من شكاوي الناس. والان مشاهير السياحة بتويتر شغالين على رحلات القروبات ومدري من اللي طايح ع راسه يروح معهم كل هذا خوف وضعف؟ سافر بلحالك بس لاتروح معهم، استغلال باستغلال ولا تصق أي احد منهم بغض النظر عن جنسيته. |
الحمدلله على السلامة أخي الكريم ابوتركي العمزي وجزاك الله خير على التنبيه من هذه المكاتب التي لا تخاف الله في الناس وهمها الفلوس وأتمنى الاعتماد على النفس والبحث والسؤال فالمنتدى مليئ بالتقارير والتجارب الناجحة ابحث دائماً عن أهم الأماكن السياحية للبلد واحجز الفندق أو الشقة والسيارة وتوكل على الله وجوجل ماب ما يقصر يعرف كل مكان :1: والدنيا تجارب والله يعوض عليك ويحفظك الرحمن ويسعدك ويرعاك |
:4::الله يعوضك ودرس لك ولنا اكره الرحلات الجماعيه ،،،،، |
الله يعوضك لو خططت لرحله بنفسك بمساعدة الاعضاء اللي ما يقصرون كان استمتعت باالرحله |
اقتباس:
|
معوض خير يا بوتركي وفعلا مكتبهم معروف ومشهور بالسوشال ميديا ومتابعتهم عدل ما توقعت منهم هالتصرفات صراحه شكرا على ذكر تجربتك وتحذيرنا منهم |
| الساعة الآن 02:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO