|
ضروري مساعدتكم ( فارس من خيال ، اخر فرصه ) والجميع السلام عليكم ورحمة الله وبركاته عدنا لهالمنتدى الجميل كطرح استفسار فقط والا دائمًا متواجده فيه كمطلعه .. الله يسعدكم عندنا سفره في منتصف اغسطس لمدة 15 يوم شخصين وطفل 6 سنوات وحبينا نخليها كلها في النرويج لاني حابه نعطي كل دوله حقها وبصراحه النرويج مره كبيره ويارب هالمده مناسبه لها او تشوفون انها كثيره عليها ؟ بصراحه تعبت في البحث عن تذاكر للطيران ولقيت سعر حلو مره على القطريه الذهاب والعوده أوسلو بعطيكم مقترح مبدئي بعد الاطلاع على كثير من التقارير هنا وخاصه تقارير فارس وردود اخر فرصه الرائعه .. طبعا بحثنا عن سياره لقيناها مره غاليه لو اخذناها من اوسلو عشان كذا قررنا ناخذها من اليسوند مره سعرهم رخيص مقارنه باوسلو سياره اوتوماتيكي اربع ابواب وعشان كذا بيصير اول ماننزل مطار اوسلو ناخذ طياره الى اليسوند وكانت قيمتها مع الامتعه 1100 بيكون المخطط بعد مانوصل اليسوند ( اليسوند ليله ، جيرانجير ليلتين ، سترين ثلاث ليالي ، فوس خمس ليالي ، اوسلو ثلاث ليالي ) ونسلم السياره اول مانوصل اوسلو . شرايكم كبدايه في المخطط . والشيء الثاني لو طلعنا الشنغن من الالمانيه هل ممكن يكون اشكاليه معنا في مطار النرويج احنا نبغى نطلعها من الالمانيه لاننا سبق طلعنا منها مرتين وحابين يعطونا مده اكبر. انتظر ردودكم واقتراحاتكم ❤ |
وعليكم السلام يا هلا ومرحبا لا شك أن المخطط رائع أعجبني بحثك عن الفرص وأفضلها جدوى قد يكون النرويجيين الأقل تشدد في موضوع الفيزا لكن ضروري يكون معنا مخطط رحلة يوضح المانيا أطول مدة تحسباً لأي سؤال لكن أعتقد لن تواجهوا أي مشكلة يكون معكم حجز فنادق النرويج الايام الاولى وتذكرة العودة مؤكدة |
يعطيك العافيه يارب شكلنا بنطلعها من النرويجيه عشان نرتاح من التفكير |
اقتباس:
أفضل لكم ولا زال عندكم وقت طويل لكن ابدأوا بالاجراءات في أقرب وقت https://www.arabtrvl.com/vb/t34224.html |
وعليكم السلام ورحمة الله وبركاته أهلا وسهلا فيك أختي الغالية ابرار أنا الآن في النرويج ولما كنت في المطار كانوا يرجعون الناس اللي فيزتهم دوله ثانية وكانوا متشددين كثير إلا إذا تدخلون المانيا ثلاث أيام وبعدها أوسلو ولكن يفضل استخراج الفيزة النرويجية تجنبا للمساءلة ويجب أن يكون عندكم أوراق تثبت جميع حجوزات الفنادق وحتى جدول الرحلات سألونا عنه وكان إماراتي معانا ما رضوا يدخل لأنه ما عنده حجز فندق لولا تدخل السفارة والحمدلله دخل بعد عناء أما الجدول الغي السكن في جيراجير واسكني استرين وروحي جيراجير يوم كامل والتي تبعد عنها ساعة فقط . اتمنى لك رحلة سعيدة وموفقة ويحفظكم الرحمن ويسعدكم |
نبغى نطلعها من الالمانيه لازم يكون عندكم حجز فندق في النرويج وتذكرة عودة |
اختي السفيره شكرًا لك وربي يعطيك الف عافيه معلومات مهمه وان شاء الله بنطلعها من النرويجيه ونرتاح خصوصا قدامنا وقت .. جيراجير حلوه وبصراحه روحتنا للنرويج عشانها وكذا قلنا لازم ننام فيها ، وبعدين احنا حبينا نغير في الفنادق لاننا خاف نطيح في فندق ولا سكن يكرهك السفره بكبرها عشان كذا قلنا نقسم الايام حتى لو الاماكن قريبه من بعض . شكرا لك مره ثانيه والله يهنيكم ويسعدكم وترجعون الى ارض الوطن بالسلامه يارب .. لاتحرمينا من المعلومات لو حصلتي شيء حلو جديد لاني بصراحه اغلب التقارير الي قريتها لها اكثر من سنه فا اكيد فيه شيء جديد . |
ماقصروا الاخوان ربي يبارك في جهودهم ونتمنى منج سفيرتنا ام محمد ماتنسينا بالتقرير |
اقتباس:
اختي ابرار ماشاء الله مايحتاج لك دليل تخطيطك للبرنامج رائع جدًا ولازم زيارة بيرغن وانتي في فوس فهي المدينة الأجمل في النرويج دخول النرويج بالتاشيرة الالمانية فيها مغامرة ان لم تدخلين المانيا اول يمكن ترجعين من المطار التأشيرة انتي وحضك كم يعطونك ممكن سنة ممكن اربع انصحك اسكني في فنادق او شقق او اكواخ تكون مكيفه واحسبي حساب الاكل ترا اكلهم خايس واذا تطبخين انتي افضل وتوفرين اكثر |
ماقصروا الاخوان جزاهم الله خير ولاتنسونا من التقرير المفصل |
| الساعة الآن 04:08 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO