|
رد: ايسلندا ... اجتماع البراكين بالثلوج بقلم احلى من العقد خلوني اقولكم فكرة السفر الى ايسلاند بالنسبه لي كنت اعرفها كأسم ... واعرف ان فيها بركان يثور و يمنع الطائرات من الطيران في يوم من الايام .. بينما كنت افكر بمخطط الصيف ... كنت حابه ان احنا نجرب شي جديد وقمت افكر وافكر .. وجات ايسلاند في بالي .. قلت يا بنيه ليش مانروح نشوف اش سالفة هالبلاد الي كل ماقرب الصيف ثار بركانها ومنع الطيارات من الطيران بديت ادور في المنتدى .. لقيت تقرير مااذكر لمن بالضبط بس التقرير يحكي فيه صاحبه قصته في ايسلاندا والتقرير قديم يمكن من 2008 و صاحب التقرير زار ايسلاند من زمااااان يمكن في اوائل التسعينات .. كنت وانا اقرا تقريره وكلامه (( كان التقرير بدون صور )) كنت اتخيل المكان ببالي وكنت انبهر حسيت اني اقرا قصة خياليه لمكان خيالي بعيد عن الارض .. كان يمدح اخلاق الشعب وطيبهم وتعاملهم و كان يقول ان الايسلنديين ضخمين وطوال وعراض (( مع احترامي له )) لكني اعتقد انه من اصحاب البنيه الضئيلة لاني ماحسيت هالشي فيهم ... صحيح اغلبهم اجسامهم رويانه لكن مافيهم طول غريب و عرض عجيب كانو عاديين في الحجم .. لكن بالضبط اخلاقهم كما ذكرها عاليه وتكاد تقول عنهم انهم اخلاقهم هي الاخلاق الي يوصي بها الدين الاسلامي ... واذكر ان صاحب التقرير قار ان نسائهم مايبين فيهم العمر لان الجو شديد النقاوة فمافي تجاعيد في وجوههم .. لكني ماحسيت بهالشي بالعكس العمر يبين عليهم في ملامحهم لكن ليس في جسدهم .. حيث ان الاغلب حتى العياييز والشياب يمشون بظهر صلب مستقيم تحس فيهم قوة البركان ولكن بشراتهم ممتلئة بالتجاعيد .. واكيد السبب جفاف وبرودة الجو عندهم .. الكلام جدا شدني ... حاولت ادور تقرير ثاني بصور ... مالقيت قلت مافي الا الترب ادفايزر صديقي الثاني في السفر واحيانا ابديه على العرب المسافرون لان احس ذوقي في السفر يميل للاجانب اكثر من ذوق العرب ويمكن لاحظتو هالشي في سفراتي وواجهت وايد انتقادات بسبب اسلوب السياحه الي اتبعه ... لكن الناس اهواء وفي ما يعشقون مذاهب المهم .. دخلت الترب ادفايزر www.tripadvisor.com وقمت اقرا واقرا واقرا عن ايسلاند حبيت البلد اكثر وانشديت لها اكثر ووسعت بحثي قمت ادور في المواقع الرسميه للسياحه في ايسلاند وكلها كانت مشجعه جدا جدا جدا .. خوفي كان ان الاهل ماتعجبهم الفكره سالت اخواني عن رايهم ... قالو لي اش عاد خل نروح نشوف سالت خالتي .. لانها بتكون معانا وقلت لها نبذه مختصره ماحبيت احرق البلد عليها ... قالت كيييييييييييفج احنا نثق فيج وفي اختياراتج وهاي الي احبه في اهلي يثقون فيني ويؤمنون بقدراتي السياحيه http://web.archive.org/web/201401020...es/new/007.gif لما شفت الكل موافق بديت اراسل صاحب احد الشركات السياحية .. اسمه يكتب ymir وينطق امير بعثت له في البداية ايميل كتبت فيه اني قريت اشياء عجيبه وجميله عن ايسلاند خلتني اتمنى ازورها و حطيت في بالي العديد من الاماكن الي ابي اروحها واشوفها و اتمنى انك تساعدني في التنظيم والتنسيق و تودينا رحله خاصه يوم 17 -8 .. المهم بعد مابعثت الايميل جاني الرد الي سرني وحسيت ان صاحب الشركه انسان حبوب وطيب ومتحمس لخدمتنا وهاي هو الايميل الي جاني منه http://www.arabtrvl.com/vb/picture.p...ictureid=34189 ترجمة الايميل : عزيزتي عائشة شكرا على الكلام اللطيف الي كتبتيه في ايميلج ! انا دائما اعتقد ان حظي زين يجيب لي ناس زينين في جولاتي السياحيه بكل سعاده وتواضع احب اعرض عليج الي اسويه في يوم واحد . في الواقع ان اعمل عمل التريب ادفايز في ايسلاند وهذا يعني ان مهمتي هي التخطيط للناس و مساعدتهم في اختيار الشركات السياحيه الي ممكن تاخذهم للرحلات الي حابين يروحونها . انا كنت ادير مكتب سياحي خاص فيني لمدة 3 سنين وتوقفت في سبتمر الماضي والحين انا اقوم بهالمهمه عن طريق الويب سايت الخاص فيني www.myreykjavik.is من هالموقع تقدرين تلقين معلومات عن الرحلات الي انصح فيها ورايي يكون من خلال خبرتي وخبرات الغير. وعشان اقدر انفعكم اكثر في رحلتكم احتاج اعرف بعض المعلومات عنكم .. 1- ماهو غرضكم من السفر ؟ (( رديت عليه للسياحه وعشان نشوف ايسلاند ونتعرف عليها )) 2- كم نفر انتو وشنو نوع قروبكم ؟ (( قلت له عائلة من 8 اشخاص معانا اطفال ومراهقين وكبار شوي في السن و شباب )) 3- ايش فكرتكم وخطتكم والاشياء الي تبون تسوونها في ايسلاند ؟ (( كتبت له مقاله عن كل الاماكن الي فيخاطري )) 4- هل عندكم سكن اذا ماعندكم خذو فكرة عن شققنا الفندقيه .. www.reykjavikperfectapartments.is (( رديت عليه ان احنا خلاص حجزنا السكن و مانحتاج نحجز سكن وطبعا شكرته )) وبعدين قال في الايميل اذا كان هاي اول زيارة لنا لايسلاند ينصحنا بقراءة الفاك الي في موقعه عشان ناخذ معلومات اكثر .. وهو يسعده ان يعطينا اختيارت مختلفه لرحلتنا بناءا على رغبتنا وميزانيتنا. واخر شي ختم الايميل وقال : تحياتي الدافئة من ريكفيك ذات الرياح ( الجو غريب اليوم وكأن الصيف ذهب لاجازه و ترك الشتاء بداله ) ------- بعد ماقريت الايميل اعلاه حسيت اني قاعده اقرا ايميل من صديق قديم ابتسمت بسعاده ورديت عليه .. وقدرت انسق معاه جدول رحلاتنا كل يوم في ايسلاند .. واتفقت معاه اني اروح معاه رحلة ثاني يوم لنا في ايسلاند و الباقي مع شركات اخرى هو نسق لي الحجوزات معاهم طبعا بدون ماياخذ أي ربح له هو ربحه من الرحله الي قدمها لنا . بل بلعكس جاب لي خصومات من بعض الشركات ... بعد ماصار المخطط كامل في بالي .. سالت امير متى لازم ادفع فلوس الرحلات .. بعتبار ان كل الشركات تطلب دفع مسبق للتاكيد.. قالي بكل طيبة الايسلنديين وحسن ظنهم بالاخرين .. من قال لازم تدفعين الحجز تاكد خلاص ولما تجين وبتروحين أي رحله دفعي بنفس اليوم ... يالهم من خلوقين وطيبين وحسنين ظن بالناس .. http://web.archive.org/web/201401020...es/new/012.gif رسمت خطة سير سفرتنا النهائي ... حجزت الفنادق وحان وقت حجز وسائل المواصلات من بلد لاخر .. و حجزت على الطيران الايسلاندي وكان خط الرحلة كالاتي ستوكهولم - ريكافيك تاريخ 16-8-2013 ريكافيك - امستردام تاريخ 21-8-2013 5 ليالي في ايسلاند ..خفت ازيد .. لاني مب متاكده اذا البلد فعلا تستاهل نتم اكثر او لا .. وكلكم تعرفون اسلوبنا في السفر نمل ان طولنا بنفس المكان حدنا اسبوع ... وتم حجز الطيران 7 كبار وطفله ب 18144 يعني متوسط سعر الشخص بـ 2268 ريال قطري طبعا حسيت ان السعر مرتفع نسبيا للتذكره .. لكن هاي هي وسيلة المواصلات الاريح والاسرع والواحد مب كل يوم يروح ايسلاند :) http://www.arabtrvl.com/vb/picture.p...ictureid=34190 وسعر الطيران عطانا مؤشر ان الاسعار لن تكون رخيصه في ايسلاند ... ----------- في تاريخ 16-8- 2013 توجهنا الى مطار ستوكهولم في السويد وخلصنا اجرائات السفر الي كانت اليكترونيه والتعامل جدا بسيط مع الجهاز الالكتروني وتوجهنا للطائرة .. خريطة الرحلة وشوفو ايسلاند بعيده وفي مكان معزول عن الباقي .. http://www.arabtrvl.com/vb/picture.p...ictureid=34191 طيران ايسلاند http://www.icelandair.com/ هو طيران غير اقتصادي لكن لايقدم وجبات مجانيه فالي حاب ياكل يشتري .. والي حاب يسمع يشتري سماعات عشان التلفزيون وايضا في افلام مجانيه وافلام بفلوس .. مدة الرحلة من ستوكهولم الى ايسلاند تقريبا 4 ساعات وشي مب متذكرة بالضبط .. والطيارة عاديه مافيها مميزات http://www.arabtrvl.com/vb/picture.p...ictureid=34192 وبعد مدة من التحليق فوق الغيوم .. بدأنا الهبوط .. وبانت لنا ايسلاند .. وكنت متحمسه اشوف شنو الي بيبان من الطيارة اول شي وقمت اصور لعل وعسى اصور معلم مشهور http://www.arabtrvl.com/vb/picture.p...ictureid=34193 لاحظت ان اشهر معلم هو انه لاتوجد مدن كثير والمكان كله اخضر بدون مرتفعات او اشجار او غابات وحسيت الارض كانها ملعب كرة قدم http://www.arabtrvl.com/vb/picture.p...ictureid=34194 http://www.arabtrvl.com/vb/picture.p...ictureid=34195 الساعة تقريبا 3 ونص العصر ودرجة الحرارة 11 .. بالنسبه لنا قمة الحماس http://www.arabtrvl.com/vb/picture.p...ictureid=34196 ونزلت الطيارة ... http://www.arabtrvl.com/vb/picture.p...ictureid=34197 واكثر الاشياء مثيرة للدهشة في ايسلاند .. ليس .. الجمال والطبيعه والشلالات في الواقع .. ان رقم ريئس الوزراء موجود في كتاب دليل الهاتف .. (( وللعلم .. حتى رئيسهم ممكن زيارته في مكتبه بكل سهوله و رحنا مكتبه بس مازرناه بس خذنا لفه في المكتب )) نزلنا للمطار .. والمطار كان غريب نوعا ما ... القادمون مع المغادرون ونمر على بوابات الطيارات و الي كانو واصلين مثلنا يمرون على بوابة المغادرون اعتقد لو واحد بيدش ببوابة الطيارة محد دره عنه .. وعقب ماخلصنا من اجرائات المطار .. لاحظنا عيون الناس .. نظراتهم باستغراب مرفوقه بابتسامه ترحيبيه .. و قمنا ندور السواق الي حجزته مسبقاً من النت كالعادة .. و كنت مشدده على هالنقطه بالذات في ايسلاند حبيت ان نروح ايسلاند وكل شي محجوز مسبقا ومترتب مسبقا وماتركنا شي للصدفه والحظ لان طبيعة البلد مجهوله بالنسبه لنا ... لقينا عيوز حاملة لوحة عليها اسمي ... قمنا نطالع بعض قلنا هاي وين فيها شده ترفع حقائبنا النفاثه وتدخلها السيارة ... المهم ان احنا مشينا وراها وطلعنا من باب المطار الى المواقف وقمنا نتلفت حولنا المكان ذكرني بالشتاء في البر .. كلشي حولي هادئ وفارغ والارض مسطحه مانسمع الا صوت الريح ... كان المكان مثير للدهشة والتسائل http://www.arabtrvl.com/vb/picture.p...ictureid=34198 وهاي السيارة وصلنا لها و جينا لين اللحظه الحاسمه .. لحظة ادخال الحقائب ... ومامدانا الا ماشاء الله عليها العيوز قامت ترفع الشنط بكل سهوله ويسر وتدخلها الباص ماشاء الله عليها قويه http://www.arabtrvl.com/vb/picture.p...ictureid=34199 وبعد ماقعدنا في الباص ... او الفان ... تحركنا للخروج من المطار http://www.arabtrvl.com/vb/picture.p...ictureid=34200 وهاي حجز السيارة من موقع فياتور www.viator.com http://www.arabtrvl.com/vb/picture.p...ictureid=34201 سعر التوصيل من المطار الى الفندق 735 ريال ... ومدة الرحلة تقريبا 45 دقيقه .. وللحديث بقية |
رد: ايسلندا ... اجتماع البراكين بالثلوج بقلم احلى من العقد
|
رد: ايسلندا ... اجتماع البراكين بالثلوج بقلم احلى من العقد
|
رد: ايسلندا ... اجتماع البراكين بالثلوج بقلم احلى من العقد
|
رد: ايسلندا ... اجتماع البراكين بالثلوج بقلم احلى من العقد ووصلنا للمطعم http://www.arabtrvl.com/vb/picture.p...ictureid=38071 http://www.arabtrvl.com/vb/picture.p...ictureid=38072 دخلنا امير ونادا الموظفين في المطعم وقال هاي الي قلت لكم عنهم وودعنا راح ..وتمنى ان احنا نستمتع بالاكل .. قعدونا على هالطاوله وكانت اجواء المطعم حلوه كانه بيت قديم فيه حميميه بس الطاولات جدا قريبه من بعض .. واذكر الكل كان يطالعنا http://www.arabtrvl.com/vb/picture.p...ictureid=38073 http://www.arabtrvl.com/vb/picture.p...ictureid=38074 http://www.arabtrvl.com/vb/picture.p...ictureid=38075 http://www.arabtrvl.com/vb/picture.p...ictureid=38076 كنا يواعه وايد والصغيره وصلت حدها وتمت تقول ابي اكل ونفسيتها اختربت مشكله احنا ناس اذا جعنا نعصب خخخخخخ واخيرا جات اطباقنا .. للعلم كانت الخيارات في المنيو جدا قليله مع اني ماحب السمك بس قلت اذوق سمكهم وطلبت سمك http://www.arabtrvl.com/vb/picture.p...ictureid=38077 ولاني ماحب السمك فماحبيت الاكله وخالتي لين ذاقت قالت مب مطبوخ عدل مسلوق سلق خفيف .. الظاهر هم يحبونه بهالطريقه والباقيين طلبو ستيك لحم .. كانو يقولون انه نص ونص واحلى من السمك http://www.arabtrvl.com/vb/picture.p...ictureid=38078 ولين خلصنا وجينا نبي ندفع ونطلع طلبو منا ان احنا ننتظر قليلا لان المطعم حاب يقدم لنا سويت هديه من المطعم .. قلنا لهم مب لازم لان احنا كنا تعبانيين ندور الفراش .. بس اصرو وقالو 5 دقايق ويجهز هاي حلا ايسلندي مصنوع من الروب والفواكه ... وجابوه ... كان طعمه حلو وشيرته خفيفه وفيه طعم روب http://www.arabtrvl.com/vb/picture.p...ictureid=38079 وبعد ماخلصنا اكل وحاسبنا شفت فاتورتي ل 4 اشخاص تقريبا ب 4000 كيرونا وماكنت اعرف كم بالضبط تساوي حسيت بالصدمه وقلت في قلبي واااايد 4000 ودفعت بالبطاقه لاني مالقيت فلوس ايسلند عند الصراف ولين رجعت وشيكت مع البنك لقيتهم تقريبا يطلعون 120 ريال فقلت زيييييييين مب وايد .. وطلعنا من المطعم وكان الجو بااااااارد اسنانا قامت تطاقق http://www.arabtrvl.com/vb/picture.p...ictureid=38080 ورجعنا لفندقنا وهاي بيتنا الباب الي على اليمين غرفة امي والي على اليسار غرفتي والشباك الي فوق غرفتي هو شباك خالتي .. http://www.arabtrvl.com/vb/picture.p...ictureid=38081 http://www.arabtrvl.com/vb/picture.p...ictureid=38082 ورجعنا تدفينا وفتحنا كل الدفايات ... ونمنا ... وللحديث بقيه |
رد: ايسلندا ... اجتماع البراكين بالثلوج بقلم احلى من العقد
|
رد: ايسلندا ... اجتماع البراكين بالثلوج بقلم احلى من العقد مرحبا اعزائي .. اخر شي قلته لكم ان احنا دخلنا حقل حمم بركانيه .. طبعا من البروده والزمن تحولت الحمم الى صخور متعرجه ومازلنا نشاهد المكان باستغراب http://www.arabtrvl.com/vb/picture.p...ictureid=38127 سبحان الله منظر الماء دائما يبعث السعادة .. اعتقد الماء احد مصادر الطاقة الاجابية http://www.arabtrvl.com/vb/picture.p...ictureid=38128 http://www.arabtrvl.com/vb/picture.p...ictureid=38129 http://www.arabtrvl.com/vb/picture.p...ictureid=38130 http://www.arabtrvl.com/vb/picture.p...ictureid=38131 http://www.arabtrvl.com/vb/picture.p...ictureid=38132 الصور كثيرة والكلام قليل .. اتمنى ماتتمللون http://www.arabtrvl.com/vb/picture.p...ictureid=38133 http://www.arabtrvl.com/vb/picture.p...ictureid=38134 http://www.arabtrvl.com/vb/picture.p...ictureid=38135 http://www.arabtrvl.com/vb/picture.p...ictureid=38136 http://www.arabtrvl.com/vb/picture.p...ictureid=38137 http://www.arabtrvl.com/vb/picture.p...ictureid=38138 كنا نمشي وسط حقل الحمم البركانيه و مافيه شارع واضح كان امير هو الي يدلي السواق ويقوله لف يمين امش زياده وهكذا http://www.arabtrvl.com/vb/picture.p...ictureid=38139 http://www.arabtrvl.com/vb/picture.p...ictureid=38140 http://www.arabtrvl.com/vb/picture.p...ictureid=38141 الى ان وصلنا لنقطة ... وقفنا فيها وامير قال لنا نزلو انتو الان في وسط المجهول in the middle of no where اول مانفتح الباب كان الهواء بااااااااااااارد وصوت الريح يصفر في المكان و الورود البرية منتشرة على الارض ... مكان قمة في الجمال .. لاتشوفون حد حولكم ولا حد يشوفكم المشي على الحمم البركانيه شوي صعب هاي سيارتنا مشينا ورا امير وودانا عند هالنبع او البحيرة وقال لنا هاي هي البحيرة الي قلت لكم عنها ووصيتكم تجيبون معاكم ملابس سباحه عشان تسبحون فيها .. طبعا بتستغربون ... شلون نتسبح ودرجة الحرارة اقل من 9 درجات يعني بررررد الكل كان متردد .. يقولون شلون نسبح وشلون نبدل صعبه .. أي صح نسيت اقول لكم اهم نقطة ... هالنبع هو نبع ساخن يعني البركان يسخنه تحت الارض ويطلع لنا دااااااافئ وحلو نشوف الفقاقيع تطلع منه وشوية ابخرة .. http://www.arabtrvl.com/vb/picture.p...ictureid=38151 http://www.arabtrvl.com/vb/picture.p...ictureid=38152 ماستحملت على طول قعدت عالحشيش وحطيت رجلي سبحان الله حسيت بالدفئ يسرسح على جسمي وقلت لهم حلووووو دافي والكل يطالع الا اخوي ماتعطل فسخ ملابسه ونزل وانا اطالعه وودي انزل وراه بس امير واقف على جبدنا ويصورنا خخ http://www.arabtrvl.com/vb/picture.p...ictureid=38153 اشوي الا اشوف امي تروح له .. وتاشر له بيده وتقوله قو قو go go وتاشر على حجابها ووتقول نو نو وترد تاشر وتقول قو قو هالانغليز مايستحون ههههه فهم امير ان احنا ماقادرين ننزل لانه هو موجود على طول راح وقال للسواق يحرك السيارة وراحو وقفو بعيد ورا الجبل عشان يخلونا ناخذ راحتنا اميه بالاميه طبعا احنا ماصدقنا و لبسنا لبس السباحه المايو الاسلامي الي تخبرونه مايو الفقمه خخخ وقلنا لاخوي لاتلف صوبنا عطنا ظهرك عشان بنات خالتي ياخذون راحتهم ونزلنا بدون حجابات حتى ومافي طير في المكان بس احنى المكان جميل يبعث الهدوء والاسترخاء والسعاده في النفس هاي اخوي مسكين كلش مالف صوبنا تعرفون الاحساس لما يكون الجو باااااااارد وانت في ماي دافي وحواليكم طبيعه تجنن والمكان مافيه غيركم و 100 بالاميه خصوصيه في وسط الطبيعه ... اكيد ماتعرفون الشعور لانكم ماجربتو http://www.arabtrvl.com/vb/picture.p...ictureid=38160 http://www.arabtrvl.com/vb/picture.p...ictureid=38161 السما تجنن فكرنا نستفيد من التربه البركانيه الي تحتنا و نحط ماسكات في وجوهنا واخوي تحمس قام دهن جسمه كله بالبطين البركاني اخوي في لحظة تأمل وصمت يمكن تمينا في البحيرة قريب الساعة ... وعقب قررنا نطلع لان متنا من الجوع السباحه تجوع http://web.archive.org/web/201401020...es/new/005.gif لبسنا وتنشفنا بعناء وتكاسل وثقل http://www.arabtrvl.com/vb/picture.p...ictureid=38166 http://www.arabtrvl.com/vb/picture.p...ictureid=38167 الواحد ماوده يتحرك من هالمكان الزين وركبنا السيارة الا نشوف امير يحليلاته مجهز لنا سندويجات روست بيف اعتقد اسمه لحم مدخن الي من طخة المرتديلا بخبز ايسلندي ومن الجوع حسيت ان هالسنوديجات جدا لذيذه وكلنا منها بشراهه وكنا في البدايه مستحيين نطلب سندويج ثاني لين قال لنا امير اخذو قد ماتبون هاي كله لكم ... وفعلا كله راح في بطنا خخخخ http://www.arabtrvl.com/vb/picture.p...ictureid=38169 وقال لنا تبون اصب لكم شامبين ... قلت له احلى يا شامبين ... اسقني من هذا يا غلام ...http://web.archive.org/web/201401020...es/new/013.gif لالالا الحقيقه ضحكنا يوم قال لنا هالكلمه وقلنا له لا شكرا احنا مانشرب كحوليات قال لا شوي بس شربو لاتكثرون ... قلنا له احنا مانشرب بالمره ... قال اكيد هاي نوع طيب ... قلت في قلبي لو شاريلنا ماي احسن وارخص له ولنا ... لكن لما شاف اصرارنا فهم انه ممنوع منع قاطع ومانتغشمر في هالموضوع خخ وللحديث بقية |
رد: ايسلندا ... اجتماع البراكين بالثلوج بقلم احلى من العقد ومشت السيارة فينا مره ثانيه في حقل الحمم البركانيه http://www.arabtrvl.com/vb/picture.p...ictureid=38170 http://www.arabtrvl.com/vb/picture.p...ictureid=38171 التربه البركانيه لونها احمر غامج والعشب لما ينبت على الحمم ينبت كأنه سجاده من العشب http://www.arabtrvl.com/vb/picture.p...ictureid=38172 http://www.arabtrvl.com/vb/picture.p...ictureid=38173 http://www.arabtrvl.com/vb/picture.p...ictureid=38174 http://www.arabtrvl.com/vb/picture.p...ictureid=38175 http://www.arabtrvl.com/vb/picture.p...ictureid=38176 http://www.arabtrvl.com/vb/picture.p...ictureid=38177 http://www.arabtrvl.com/vb/picture.p...ictureid=38178 http://www.arabtrvl.com/vb/picture.p...ictureid=38179 وطلعنا من الحمم البركانيه ومشينا في الشارع الرئيسي http://www.arabtrvl.com/vb/picture.p...ictureid=38180 http://www.arabtrvl.com/vb/picture.p...ictureid=38181 http://www.arabtrvl.com/vb/picture.p...ictureid=38182 وبعد مامشينا فتره من الزمن .. وصلنا لمحطتنا الجديدة .. وتوقفنا امام البحر ... http://www.arabtrvl.com/vb/picture.p...ictureid=38183 نزلنا والجو بااااااااااااااااااااااااااااارد http://www.arabtrvl.com/vb/picture.p...ictureid=38184 وزع علينا امير لحافات وقال تدفو فيهم وكلنا خذنا لنا لحافات وتلففنا فيهم http://www.arabtrvl.com/vb/picture.p...ictureid=38185 وبدأت رحلة اكتشاف المكان شوفو الطاوله اش حلوها تشجع ان الواحد يحط اكله وياكل المكان جدا جميل وهااااادئ ككل الاماكن في ايسلند والهوا بارد .. http://www.arabtrvl.com/vb/picture.p...ictureid=38188 http://www.arabtrvl.com/vb/picture.p...ictureid=38189 http://www.arabtrvl.com/vb/picture.p...ictureid=38190 قال لنا امير امشو سيده وعقب بتشوفون جدول صغير عليه جذوع شجل على شكل جسر اعبرو الجسر وتأملو البحر من ذيج الجهه وبتشوفون حيوانات مختلفه واهم حيوان حاولو تشوفونه هو كلب البحر .. http://www.arabtrvl.com/vb/picture.p...ictureid=38191 http://www.arabtrvl.com/vb/picture.p...ictureid=38192 http://www.arabtrvl.com/vb/picture.p...ictureid=38193 شوفو البركان بعييد الفوهه من فوق تبين انها بركان مشينا بنفس الاتجاه الي قال لنا امير عنه http://www.arabtrvl.com/vb/picture.p...ictureid=38195 http://www.arabtrvl.com/vb/picture.p...ictureid=38196 ووصلنا الى الجدول و الجسر المكون من جذوع الشجر وقتها هلت العبرات وتذكرت المثل القائل عصفورة ووردة و جدول صغير ونسمت الموده من حولنا تطير الحمد لك والشكر لك يا الله (( ماهلت العبرات بس الاحساس كان لايوصف )) http://www.arabtrvl.com/vb/picture.p...ictureid=38198 http://www.arabtrvl.com/vb/picture.p...ictureid=38199 http://www.arabtrvl.com/vb/picture.p...ictureid=38200 من كثر ما هيضني الجدول او النبع قمت اصوره من كل الاتجاهات http://www.arabtrvl.com/vb/picture.p...ictureid=38201 http://www.arabtrvl.com/vb/picture.p...ictureid=38202 http://www.arabtrvl.com/vb/picture.p...ictureid=38203 http://www.arabtrvl.com/vb/picture.p...ictureid=38204 http://www.arabtrvl.com/vb/picture.p...ictureid=38205 ومازلت مستمره اصور الجدول والجسر وكل شوي اغير الاغنيه الي اسمعها مره فيروز ومره صباح و عقب ماحسيت اني مسختها من كثر ماصورت الجدول قلت اكمل طريجي لين البحر http://www.arabtrvl.com/vb/picture.p...ictureid=38207 http://www.arabtrvl.com/vb/picture.p...ictureid=38208 http://www.arabtrvl.com/vb/picture.p...ictureid=38209 http://www.arabtrvl.com/vb/picture.p...ictureid=38210 http://www.arabtrvl.com/vb/picture.p...ictureid=38211 خبراء علم الطاقة دايما ينصحون بالجلوس امام البحر او الاستحمام في البحر لانه ياخذ الطاقه السلبيه الي في جسمنا ويعطينا طاقه ايجابيه تبعث فينا الراحه والسعاده قعدنا على الصخور نتأمل البحر وندور كلب البحر http://www.arabtrvl.com/vb/picture.p...ictureid=38214 http://www.arabtrvl.com/vb/picture.p...ictureid=38215 http://www.arabtrvl.com/vb/picture.p...ictureid=38216 متلكوتين باللحافات وقاعدين نسولف ونتأمل الدنيا الحلوه http://www.arabtrvl.com/vb/picture.p...ictureid=38216 شوي الا شفنا راس كلب البحر وشفنا راس واحد ثاني http://www.arabtrvl.com/vb/picture.p...ictureid=38217 شوفو في النص دائرة هاي راس كلب البحر كان كل شوي ينط يطلع ويدخل بس يخاف يقرب منا حاولو تدققون بشكله .. يشبه الكلب العادي بس املط http://www.arabtrvl.com/vb/picture.p...ictureid=38219 http://www.arabtrvl.com/vb/picture.p...ictureid=38220 هاي صورة لكلب البحر من النت ... ترا ينابح هوهوهوو الدبدوب |
رد: ايسلندا ... اجتماع البراكين بالثلوج بقلم احلى من العقد
|
| الساعة الآن 11:02 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO