شبكة و منتديات العرب المسافرون

وعليكم السلام ورحمه الله

انصحك تسكنين في المنطقة اللي فيها المجمعات وعليها حركة كبيييييييييرة

والشارع يونس

في باثموان

انا سكنت في جراند دايموند سويتس

مكانه حلو والشارع حيوي جدا

الخدمه زينة والاجنحة نظيفه

احنا نفسكم عددنا كان 6

اخذنا جناحين

كل جناح غرفة وصاله وتكرمين حمام ( فيه شطاف)

واسعاره حلوة

الليله طلع علينا 23 دينار كويتي مع الإفطار

والتكاسي والتكتك متوفرة باستمرار بالشارع

والاحلى انه ملاصق للفاشن مول ( البلاتينوم)

يعني اخر فله ووناسه

اشتري وعبي بالاكياس وصعدي الغرفه

وعليكم بالعافية

التسوق في بانكوك متعة لاتوصف

قريبا بنزل تقرير عن الفندق

هذا الفندق من موقع بوكينق اللي احجز منه

http://www.booking.com/hotel/th/gran...e=total;ucfs=1&

وللعلم سكنت بفندق قريب من شارع العرب

اسمه سمرست ليك بوينت

https://www.booking.com/hotel/th/som...highlight_room=

رووووووووووعه وجديد ونظيف والريوق فيه عجيب

والغرف كبيرة وفيها كل شي حتى الغساله والمايكرويف

لكنه بعيد عن البراتونام وضاع علينا وقت كثير بالطريق مع الزحمة

بس نصيحة لا تسكنين في شارع العرب

لأن مع الزحمة يطول عليكم الطريق لو بتروحون منطقة الأسواق في البروتونام