|
فندق أماري هوا هين رايكم يهمنا السلام عليكم ورحمة الله وبركاتة تم الحجز في فندق أماري هوا هين عن طريق بوكينج لمدة 2 يوم 3 غرف لي 6 اشخاص عائلة المبلغ 1000 دولار بتاريخ 3 /7 سؤالي لكم لو سمحتم هل الفندق مناسب للعوائل وهل هو قريب من الاسواق والمطاعم ؟ وهل الاقامة لمدة 2 يوم كافية في هواهين ؟ اخوكم اول مرة يذهب الى هواهين نتظر رايكم ولكم جزيل الشكر |
وعليكم السلام والرحمه اختيار اولا موفق باختيار هواهين مقصد لك ولعائلتك اخي لاتكفي ليلتين هواهين وارشح لك اكبر وافضل منتجع سنتارا والاخر مراكش افضل منتجع وافضل فندق الاول منتجع كبير وعديد المسابح والحدائق واجواء ولا بالخيال والعاب للاطفال ومسابح بكل مكان للكبار والصغار والبحر مقابل المنتجع وقريب من السوق الليلي الوحيد الي موجود في هواهين وبه مطاعم تايلنديه لل سي فود شوي بالكيلو واكلهم لذيذ جدا ع الاختيار وعندهم رز تاي الي اهو الرز الابيض المشخول اذا تبون للاطفال او لكم وبه كشكات للبيع كل شي طبعا شغل خاص لاهل هواهين من ملابس واحذيه وحقائب ومنحوتات ووووو كل مدينه فيها شي يميز تراثها وبالنسبه للفندق الاخر مراكش يعتبر من افضل الفنادق الي شفتهم ومرو علي في هواهين كنظافه وموقع وسعر وخدمات والمميز فيه المسبح شغال ع مدار اليوم وبالمساء بوفيه مفتوح يطل ع المسبح اجواء ولابالخيال وطبعا يطل ع البحر والخيل صباحا تمشي امامك والجت سكي والبنانا والبرشوت كل ماتحتاجه امام الفندق ومسافة الى السوق الليلي خمس دقايق بالموترباي او التوك توك وكذلك في مجمع كبير وحيد قريب من الفندق وبجانبه المستشفى الامريكي والمجمع فيه جميع المطاعم العالميه وفيه كارفور ومحلات للملابس وكل شي مدينه هواهين تختلف تن بافي ادمدن كنظافه وشعب وطيبه وخدمات الرحلات عديده عندهم واسعار مقبوله ماعليك الا انك تحجز من قبلها بيوم حق اليوم الثاني موفق http://www.booking.com/hotel/th/sofi..._0_2_0;m_occ=2 http://www.booking.com/hotel/th/marr..._0_2_0;m_occ=2 وبالنسبه لاختيارك للاماري فندق لايعيبه شي لكن بعيد قليلا عن الاسواق http://www.booking.com/hotel/th/amar..._0_1_0;m_occ=2 |
شكرا الله يجزاك خير على المعلومات المفيده جدا معرفة التفاصيل الصغيره تساعد المسافر أحياناً اكثر من الأساسيات جميل ردك وجميل أسلوبك لاخلا ولاعدم |
ولو اخوي ماسوينا شي تقدر تروح لها هواهين طبعا سياره ثلاث ساعات ونصف تقريبا من بانكوك اذا كنت داخل بانكوك واما اذا من المطار مباشره تاخذ تاكسي فراح تكون المسافه والتوقيت اقل وفي طيران داخلي بعد والسياره ماراح تحس باي تعب لروعة المنظر وكذلك في استراحات تكرم للحمام وبقالات لشراء اي نوع من الاكل والمشروبات تختلف هواهين عن بانكوك وبوكت بعدم وجود السواح العرب بكثره والشباب ويغلبها الزحام في نهاية الاسبوع لانه نفسه الشعب التايلندي يستقصد هواهين كمتنفس لهم وتغير وكسر روتين فيحجزون ويأتون اليها لقضاء اجازتهم بها وبعدها الرجوع الى مدائنهم وكذلك يقصدها الاجانب لصفاءونقاوة بحارها وهدوءها واصلا فيها نظام خاص لها ومن تدخل لها تشوفها تشعر ومأنك في اوروبا كمباني وخدمات ونظافه وقانون عدد سكان هواهين قليل بالنسبه لباقي المناطق وحتى لهم قانون في العدد المسموح للتوك توك والتكاسي وعندهم يومين في الاسبوع سوق خاص لنهاية الاسبوع بسطات ارضيه وبيع كل شي جميل وبسعر رمزي وخاص لهاليومين وحتى سكان هواهين يقصدون الشراء منه فيكون السعر للتايلندي و الاجنبي واحد طبعا وتقدر تكاسرهم سوق جميل بصراحه ويفتح مساءا فقط نهاية الاسبوع من الساعه ثمان او سبع تقريبا ويغلق الساعه الحادي عشر مساءا والجمعه او السبت ووالاحد سوق الزيز وسوق تشا ام وقبل الختام هذا اهم سوق بالمنطقه Petchkasem Hua Hin night market السوق الليلي تقريبا ع الساعه يفتح لي الساعه فجرا وعندهم مجمع هواهين ماركت فيلا الي قتلك فيه كارفور ومحلات عالميه وعاديه ومذلك فيه مطاعم عالميه للوجبات السريعه بالنسبه لاهم نقطه يجب الاهتمام لها الصرف للنقود هناك الصرف للعمله الخليجيه جدا تعبان وخساره في التحويل من الخليجي الى البات التايلندي عكس بانكوك وبوكت الغالب الصرافين يصرفون دولار يورو الى البات وهناك في مكائن للسحب وتستقبل جميع البطاقات البنكيه لجميع الدول لاتنسى رحلة الشلال والحديقه واي استفسار لاتتردد |
بارك الله فيك عزالله وفيتي وكفيتي وماقصرتي عطتني تصور كاني الان موجود في هواهين بس استفسار بسيط <<< مسخها ههههههههههههههه قبل ماذهب الى هواهين سوف يكون اول محطة لي بانكوك لمدة 3 ايام حسب طلب العائلة وذلك من اجل التسوق لكن استفساري هو استجار ميني باص الى هواهين كم المبلغ تقريبا مشكورة على الردود السريعة واللي توسع الخاطر الله يسعدك يارب افدتني كثير والله |
اقتباس:
ابد ماسويت شي وانا بالخدمه لاي استفسار حاضر بالنسبه للتسوق انا دائما انصح انه يكون اخر ايام السفر لسهولة التنقل من منطقه لي منطقه وعدم دفع رسوم للوزن ومذلك اذا تبي تروح لمنطقه اخرى بسياره وعددكم كبير تقدر تاخذ ميني باص مع كم حقيبه اما اذا كانت حقائب كثيره فتحتاج باص كبير ودفع فلوس اكثر وانت بالنهايه لابد انك ترجع لبانكوك اترك التسوق اخر الايام في بانكوك وروح هواهين خفيف من دون ثقل اوزان شوف التاكسي العادي اخذ مني اعتقد اربع او ثلاث والله ماني ذاكره بس سعر التكاسي وكذلك مني باص سعر مقبول اخر مره اخذت مني باص تاكسي جديد وروعه اتفقت معاه من قبلها بليله وسعره حلو بس ما اذكر[emoji16][emoji36] وملاحظه عندي الطيران الداخلي الوزن تدفع قيمته عندما تحجز التذاكر المسموح فقط سبع كيلوات حقيبة اليد وعندهم اوزان مختلفه وكل وزن له قيمه معينه وحجز الطيران الداخلي بالنت ارخص من المكاتب واي استفسار اخر انا موجوده |
شكرا اختي لكلماتك المتميّزة ،بما حملت من معاني وتوضيح اختاه كم تمتعت وتلذذت بهذه العبارات المتسلسله والردود الملحنه بنفسها والتي بالفعل استفذة منها الكثير فهنيا لنا بهذا القلم الساحر وصاحبته الجميلة والرائعة لك خالص احترامي |
اشكرررررررك |
| الساعة الآن 03:04 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO