مسافر لـحـالي الي بوكت
 

السلام عليكم ورحمة الله وبركاته ...
تحيه طيبه واسعد الله صباحكم ومسائكم وكل عام وانتم بخير وصحه وسلامه
اخواني الاعزاء الرايقين والساكتين واللي يحبون الدردشه والفله والضحك والوناسه وسلام مربع خاص للي هناك يتفرج ويقر ومتنح براسه تقل راس بعير ..امزح :1:
.
المهم ياحبايبي .. انا في تاريخ 27 يوليو يوم الجمعه انشالله مسافر وحداااني ..:2: ايه وحداني :27::27::27:
والرحله من الاردن الي بانكوك وبعدها بوكت مدة عشر ايام واحدا عشر يوم راح ارجع بلدي السعوديه وديرتي الشمال .. يعني اذا فيه احد رايح بالتاريخ هذا كمان لحاله ويبي نكون سوا يقولي ع الخاص يعني نروح سوا ونتمشى سوا ...انا صراحه المشروبات الروحيه مااشرب وهادي شوي وابي لي واحد مايشرب ولو يشرب اهم شي مايبلشني معاه ويجيب لي مصيبه وبهدله ومشاكل ..لاني راح اسحب عليه واخليه ..وزي مايقولون الف لحيه ولا لحيتي ..لاتخاف تقرا وتفكر وتقول بينك وبين نفسك ياحول هذا وشلون وجهه وكيف اعرفه وكيف افهمه وكيف اكون معاه ويكون معاي ..لا لا لاتخاف وجهي سياحي جدا جدا ..بس وجههي عريض شوي تقل ديد عنز بس ماعليك ترني فله وفسحه ووناسه هههه ..والبراءه بعيوني هههههههه امزح امزح اهم شي ماجيب العيد انا انسان سمعتو اللي يقول فاااااااض برقبته ترهووو انا ... والتوفيق للجميع ومافي داعي للتصفيق والتطبيل لاني احس راسي يبي ينفجر وانا مو ناقص ازعاج ..اه وع فكره ترو عندي مشكله شوي احيان ادعسها نووومه لاني خيشة نوم ..العام ستفرت مع خويي يقول انت ماتشبع من النوم ...هههههههههه والله مادري وش اسوي له انا النوم لاجاني خلاص سلمت له قلبي وروحي وعيني ..والمعذره ع كثر الحكي والنخبيص بالكلام لاني كتبتها وانا مواصل والمخ فيه زوغه وروغه من قلة النوم ...واللي يبي يدردش مع سموي الكريم يجي خاص والله يجيب اللي فيه الخير ...وتقبلو فائق احترامي وتقديري ..
اخوكم / سلطان