|
مساعدة في برنامج تايلند سلام عليكم كنا مخططين نروح تركيا بس حسينا الرحلات مو ممتعة للاطفال قد تايلند وكنا بنحجز مع مكتب بس مواضيعكم تشجع ع الحجز بنفسنا ناوين 10 ايام بوكيت 5 وبانكوك 5 2 بالغين واطفال 4 و7 سنوات شهر 7 احتاج بس لو تحطون لي مواقع الحجز ونصايحكم حق الطيران من موقع الاتحاد نفسه ؟ والفنادق موقع بوكنغ؟ مفكرين بفندق هوليدي ان في بوكيت اما بانكوك محتارين للحين الطيران الداخلي؟ شنو افضل شي واللنك اذا ماعليكم امر المواصلات من المطار للفندق ؟ وللطيران الداخلي؟ نصايحكم طريقة ترتيب الحجز اول احجز طيران؟ عقب فنادق واخر شي طيران داخلي؟ شلون اراعي للوقت وارتب هالأمور ؟ ومشكوووورين |
اقتباس:
بالنسبة للجدول ممتاز بداية ببوكيت. بداية أحجز الطيران الرئيسي الإتحاد مباشرة رحلاته إلى بوكيت من المفضل أحجز من الموقع الرئيسي مباشرة لأنك تقدر تتحكم فالحجز في حالة الظروف المفاجئة. ثانيا :حجز الطيران الداخلي من بوكيت إلى بانكوك حاول انك تحجز التوقيت من 1 الظهر إلى 4 الظهر عشان توصل بانكوك فوقت مثالي سعر التذكرة مع الوزن طبعاً لكل شخص تبدأ من 2000 إلى 5000بات حسب الموسم وحسب الطيران أبرز الطيرانات الداخلية هنالك من الأرقى إلى أقل خدمات: Thai Airways Thai Smile Bangkok Airways Nok air Vietjet air That Lion air ثم تبدأ حجز الفندق في بوكيت الفندق اللي مختارنه ممتاز للعوائل لكن شوف خيارات أخرى وأن يكون في شاطئ باتونج أما في بانكوك إذا تحب السكن في شارع العرب (السوخوميفت) sukhumvit فالفنادق القريبة منه كثيرة أما إذا حبيت بعيد السكن عن شارع العرب فأسكن قريب المولات المشهورة أبرز مواقع حجز الفنادق : Booking.com Agoda Hotels. Com Expedia وإذا تريد موقع يجيبلك أرخص سعر فكل هذيلا المواقع روح على برنامج Hotel Combines أو Trivago بالنسبة للأنشطة السياحية المفضل تحجزها من توصل هناك تحصل كثير مكاتب سياحية وأختار النشاط اللي يناسبكم ولا تنسى المكاسرة في السعر. تايلند أمورها سهلة بشكل عام. أي أستفسار آخر حاضرين عزيزي. موفق في رحلتك تم الإرسال من SM-N9005 باستخدام Tapatalk |
رحله موفقه واختيار موفق للاطفال ١٠ ايام قليله ولكن اذا ع مسزانيتكم تكفي ان شاءلله وباذن الله تستمتعون بالنسبه لعدد ايام بانكوك اناااشرف وايد لو تخلونها في بوكيت اكثر وتكتفين٤ ليالي او ٣ ليالي في بانكوك النهار رحلات والمساء تسوق وبوكيت كذلك رحلات ومساء تمشيات ومطاعم وتسوق الفنادق والخيارات في بوكيت كثيره وعديده بس احرص انها تكون قريبه من الشاطيء وفي مسبح للاطفال وقريبه من كل شي دام في طفل صغير والعديد من الفنادق الي مقابله الشاطيء وخلفها المطاعم والمول بانكوك كذلك الخيارات للحجوزات عديده ولكن بما انه الايام قليله انا اشوف تحجزون قريب المولات عشان عندكم اطفال أرسلت بواسطة iPhone بإستخدام Tapatalk |
الطيران الدولي العماني الاماراتي الكويتي الاتحاد القطري الخليج كلهم يطلعون والطيران الداخلي افظلهم التايلانديه كوزن أرسلت بواسطة iPhone بإستخدام Tapatalk |
اقتباس:
شكرا على المعلومات المفيدة |
شكرا اختي على مدة الاجازة اللي مسموحة .. حاليا بكون 11 يوم بالطيران من 7-7 إلى 17 - 7 |
الله ييسر أموركم |
| الساعة الآن 03:31 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO