|
استخرت الله وابرجع استخير..الخ استفسارات لاهل الخبره في بوكيت ، بانكوك ؟؟؟ السلام عليكم ورحمه الله وبركاته : اولاً // اتقدم بالشكر الجزيييل لكل القائمين على المنتدى لما يقدموه من تقارير ومعلومات دقيقه ومفيده ومن ردود على كل الاستفسارات وشكراً من القلب قليلة في حقكم والله لايحرمكم الاجر . ثانياً // تقول الشاعره الغاليه تايلند لكل محبينها وعشاقها : استخرت الله وبرجع استخير كان فيك الخير ماتبعد ابد وكان فيك الشر يمحاه ويصير فيك خير وماتسافر لغيري ابد 😏😂 اعتذر ع الاطاله بس ع قولة المصري لازم نسوي احمائه شويتين 😍👌🏻 .......... ....... .... ... .. . - سفرتي : عائلية انا وزوجتي فقط - مدة السفره محتار اخليها 10 ايام الى 14 يوم - تاريخ السفره الذهاب بـ 27 يونيو 2019 القادم بتذن الله للامانه تابعت تقارير كثيره في المنتدى وفي اليوتيوب لين وصلت الى قمة الحيره ومحتار بتوزيع الايام ومن وين ابدا فـ بطرح عليكم الاسالة واعتذر لكثرتها وعل وعسى تفيدني وتفيد اللي بحكم انها اول سفره لي لتايلند : 1- كم المدة المناسبة للسفر الى تايلند 10 ايام او 12 او 14 ؟؟ 2- ماهي انسب وافضل تقسيمه للايام على المدن ؟ هل اجعل السفره تقتصر على بوكيت وبانكوك وشنقماي بحكم انه انا وزوجتي فقط واستبعد بتايا ؟ اتمنى توضحون لي تقسيم المدن على حسب الانشطه والفاليات . 3- هل صحيح ان جميع الانشطه اللي في بوكيت موجوده في كرابي ؟ وهل صحيح ان كرابي اسعار الانشطه منها ارخص من بوكيت بفرق كبير ؟ 4- ماهي اهم الانشطه في شنغماي ، كرابي ، بوكيت ، بانكوك 5- السكن ماهي انسب الفنادق وافضلها من ناحيه الموقع والخدمات والسعر المتوسط ؟ 6- المنتجعات ؟؟ لازم بنص السفره اخذ لي منتجع راحه واستجمام ومسبح خاص .. الخ ماهو انسب منتجع برائيكم ومن واقع تجربتكم سواء في كرابي او كوه سمواي او بوكيت ؟ 7- سفري عن طريق الخطوط الكويتيه الى بانكوك . مارائيكم في طيران الكويت هل هو مناسب بحكم الرحله طويله شويتين ؟ علماً ان سعر الخطوط الكويتيه الافضل والارخص لبانكوك ولكن مدري عنه والخدمات والراحه ؟ 8- الصرف هل 10 الاف ريال سعودي من فير قيمة التذاكر كافيه لمصاريف السفره مدة 10 ايام الى 12 يوم شامله اكل ومواصلات وسكن وانشطه ؟ اخيراً وليس اخراً يعلم الله اني مستحي على كثره الاسئله والاستفسارات وودي بكم استفسار عشان تكون السفره ناجحه ومرتبه لكن هذا اللي بخاطري وان احتجت شي انتم خيركم سابق وماتقصرون والمجال مفتوح للي بينصح او يذكرني بشي من واقع تجربتكم وصلى اللهم على نبينا محمد وعلى اله وصحبه اجمعين |
رفع الموضوع لمساعدة الأخ |
يالله يالغالين !! استفساريي نزلته وقت رمضان والاغلبيه منشغل بالطاعه والعباده لكن الحين عيد وعيدتوا 😏💐🥰 وروقان واكيد روقتوا 😎💕 فاكرموني بالرد ع الاستفسارات لان سفرتي بعد 3 اسابيع باذن الله |
اقتباس:
هلا يا غالي نعتذر على التأخير بالرد على الأقل 14 يوم بس المصاريف راح تزيد بالتأكيد 10 الاف برأيي ما تكفي الا اذا بتسكن في فنادق متوسطة اما المنتجعات غالية يعني لابد تحسب على 1500 ريال اليوم شامل السكن اذا في بالك منتجعات في بوكيت تحاول تبعد بالليل عن صخب المدينة واطلع على هذا السكن https://www.booking.com/hotel/th/pat...fs=1&#tab-main فيه سكن على شاطئ باتونق بس اغلى ادخل بوكنق و اطلع على الخيارات الموجودة لان بعضها اسعارها فوق 1000 ريال https://www.booking.com/searchresult...e%3D90%3B&rsf= الخطوط الكويتية خدماتها حلوة و ماعليها كلام وتعاملهم ممتاز تخطيط الرحلة يعتمد على هواياتكم شنغماي عكس اتجاه بوكيت لذا ان كانت اهتماماتكم بحرية خليكم على بانكوك وبوكيت اما شنغماي فيها السوق الليلي والمعابد الاثرية والنهر اللي يشق المدينة وحولها مزاراع وجداول مياة و ركوب أفيال بوكيت فيها بوكيت فانتسي وعروض افيال رائعة مع الانشطة البحرية مثل الرافتنق والطيران الشراعي و زيارة جزيرة المسلمين و جزيرة جميس بوند والغوص و ركوب الدبابات و الافيال وكل هذي الانشطة تشتريها من الكشكات المنتشرة |
اخر فرصه الله يرحم والديك ويجزاك خير ع التوضيح ولكن يالغالي للاسف السفره صار عليها تحديثات وبخلي المدام وباخذ معي واحد من اصحابي يعني سفرررره عزاب شخصين والمدة 10 ايام 9 ليالي ومحتار حاليا بتقسيم الايام ؟؟؟ وانسب سكن حلو وقريب من الاماكن السياحه والشواطي فلو سمحت ممكن تفيدني اكثر وتعطيني توصياتك بحكم ان الوقت قل شوي والخوي تغير ؟؟ |
| الساعة الآن 09:42 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO