|
نداء لجميع الاخوان محبين تايلند فزعتكم السلام عليكم ورحمة الله وبركاته انا من جده وان شاء الله شهر 10 انجليزي رايح تايلند والمشكله رايح وحدي انا من عشاق اندونيسيا صراحه بس من كثر ما اسمع الناس تمدح تايلند حبيت اغير ونجرب الموضوع ومافيه انا طالع لوحدي وخايف من مواضيع النصب والاحتيال كم بتكلفني تقويبا 12 يوم غير تذكرة الطيران ابغى فزعتكم الله يطول بعماركم فين اسكن فين اتمشى انا شاب ابغى اغير جو وانبسط فترة نقاهه من الدوام كم اخذ معايا فلوس هل اخليها دولار والا اصرفها |
/عليكم السلام ورحمة الله وبركاته انا ان شاء الله بحجز في تاريخ /30/08 انصحك ان تحجز عن طريف برنامج airbnb صار لي كم يوم ادور في اسعار رهيبه بسافر مع خوي وحتمال 60% انه مايروح معي توكل على الله بتلقى لك خوي هناك |
ونصيحة ثانية حاول تحجز الطيارة من برناج wego لقيت تذكرة على الكويتية ب 1500 |
انا عندي تذكره مجانيه من الشركه بس الموضوع كيف وضع الامان هناك الفلوس فين تخليها وجوازك لمن تخرج يعني مثلا طالع اتمشى مستحيل اخذ الفلوس كلها معايا صعبه في هذي الوقت اش تسوي لا تقول سيفتي بوكس حق الغرفه اشوف انه سهل السرقه اكثر من مية مشاهده يا اخوان ماحد عندو اي شي يفيدنا فيه |
انا شاركت بموضوعين وانحذفت وحتى هنا شاركت وانحذف تسلط على احد المشرفين بس حذف حسبي الله عموما انا احتاج اسافر بعد عشر ايام تقريبا واحتاج خوي وانا من اهل الرياض وبسافر عن طريق احدى دول الخليج |
عليكم السلام اخوي موضوع الامن في تايلند لا تشيل هم البلد امان بعد الله والشعب طيب وودود جدا بس الحرص واجب وابتعد عن المشي لوحدك اخر الليل في الازقة والشوارع الضيقه داخل الاحياء الاماكن العامة كلها عساكر الفلوس خذ معاك دولارات واصرف هناك واذا حصلت في جدة صرف بعد احسن لاتشيل كل فلوسك كاش ويمكن السحب بالبطاقة العادية او خذ معاك فيزا او مستركارد توزيع الايام 6 ايام بوكيبت 3 ايام بتايا 3 ايام بانكوك الانشطة السياحية ياكثر المكاتب بتشوفها بالشوارع احجز عن طريقهم الديرة رخيصة وتستحق الزيارة 10 الاف راح تنبسط وتفلها وترجع ومعاك فلوس>> المصاريف تتوقف على الشخص وطريقة صرفه فالبعض يصرف ببذخ والبعض مقتصد وانت شوف نفسك |
اقتباس:
اخوي تركي لايوجد مشرف متسلط فالغاية والهدف للجميع مساعدة بعض والاطلاع ع تجارب الاعضاء من خلال التقارير ربما ردك خارج عن قوانين المنتدى وتم حذف مشاركاتك لو رأيت اي مشرف متسلط يمكنك الشكوى فوراً للادارة موفق اخوي واتمنى لك رحلة سعيدة :72: |
اقتباس:
انا من خبراء تايلند وسافرت لها اكثر من 30 مرة واندونيسيا سافرت لها اكثر من 8 مرات ولايوجد مجال للمقارنة ابداً تايلند طبعاً افضل واَمن وارخص وشعب يحترم السائح وشعب مبتسم عدد القادمين لتايلند عام 2018 اكثر من 21 مليون سائح سنوياُ لاحظ الرقم كبير جداً خذ معك دولار من السعودية وتقدر تصرف للبات التايلندي محلات الصرافة منتشرة بكل زاوية وبكل مكان وبكل شارع وفاتحين 24 ساعة ولا يوجد خوف من هذه الناحية وانتبه تصرف من المطار السعر نازل اصرف من داخل صرافين المدينة الفلوس طبعاً تضعها بالسيفتي بوكس Safety Box بالفندق وهو اَمن جداً جداً جداً لم اسمع بسفراتي ان السيفتي بكس غير اَمن 12 يوم خذ معاك 10 الاف والمبلغ واجد بس الاحتياط واجب ويمكن تشتري ملابس او هدايا وللمعلومية صناعتهم للملابس هاي كواليتي وحتى الماركات المقلدة جودة عالية انصحك بالجدول الاتي وانت تقدر تغير باي وقت 1 بانكوك 3 فوكيت 6 بتايا وهي الافضل 2 بانكوك وبعدها اركب الطيارة وتعال ل Saudi Arabia وتروح وترجع بالسلامة |
حبيبي نايف كيف خط رحلتك هل تروح من السعودية ترانزيت في دولة ثانية او تروح من البحرين والكويت وغيرها؟ |
اقتباس:
|
| الساعة الآن 01:40 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO