شبكة و منتديات العرب المسافرون - ابغى جدول بسيط لتايلند شباب

حياك الله
بما ان ايامك قليلة ارشح لك هالخيارين /
اذا طيرانكم دايركت ع بوكيت فالافضل 7 أيام فيها ثم العودة لبانكوك لبقية الايام
واذا طيرانكم ع بانكوك فالافضل الحجز من المطار ع بوكيت مباشرة او قضاء يوم في بانكوك وفي اليوم التالي ع بوكيت ومنها 7 ايام والرجوع لبانكوك يومين ومنها ع ارض الوطن

بالنسبة لبوكيت فيها عدة شواطيء وأشهرها شاطيء الباتونق وفيه الفنادق والشقق والمطاعم والاسواق
وافضل لكم السكن في شاطيء الباتونق كونكم شباب ,,,
أما الانشطة السياحية وزيارة الاماكن بذكر لك بعضها وتقدر تمر على الكشكات المنتشرة في بوكيت
تشوف الرحلات وتوقيتها والامكان المهمة التي تستحق الزيارة وقبل تختار رحلة معينة تشوف كذا كشك
وقارن في الاسعار واتفق على السعر الي يجوزلك وتفاوض معهم بإبتسامة وبإذن الله تتيسر امورك
(( وكذلك الصرف حاول تمر على كذا صراف وشوف الافضل في الصرف وكلها قريبة من بعض ))
وهذه بعض الاماكن لكم /
جزيرة جمس بوند
جزيرة بي بي
الملاهي المائية
فنتازيا
حديقة الحيوان
مملكة النمور بوكيت
أكواريوم بوكيت
مركز تسوق جانغسيلون
شلال كاثو وشلال بانغ باي
حديقة سيرينات الوطنية
الكره المائية (( زوربنج في رولربال ))
وملاحظة بعض الرحلات من الصباح الباكر والبعض مسائية ...
ملاحظة / عدم كثرة الشنط وعليكم باللبس الخفيف
رحلة موفقة وسعيدة بإذن الله