|
الطارة يمين وربنا يستر ويعين المشرفين والأعضاء والزوار المحترمين . السلام عليكم ورحمة الله وبركاته بإذن الله وحوله وقوته . سيتم السفر إلى تايلند . والخطة مابين بانكوك - بوكيت - كرابي - بوكيت - بانكوك . من 26 يوليو إلى 16 أغسطس . 23 يوم بما فيها يومي السفر ذهاب وعودة . الجديد في الموضوع إني قررت أغامر . واستأجرت سيارة . بعد تردد وتفكير وتمحيص ....الخ . قلت خليني أجرب . كدا كدا الواحد لازم يجرب شي جديد . وخاصة إنه الطارة يمين . لكن استئجار السيارة ماحيكون في بانكوك إنما خلال فترة اقامتي في بوكيت وكرابي . لأنه بانكوك زحمة . فما اعتقد إني حستفيد من السيارة كتير . حقيقة عدة اسباب خلتني أميل لموضوع السيارة . منها إنك تاخد راحتك في سيارتك . ومنت ملزم بالمناحلة مع التكاسي أو التوك توك . والشيء الآخر كثير من المنتجعات بعيدة شوية عن اماكن الفعاليات . وبالتالي ممكن تجد صعوبة في وجود المواصلات مباشرة . سبب آخر إنه الواحد يستكشف بوكيت وكرابي بدون قيود ....... الخ والأهم من كدا مافي الا أنا والمدام . ما أبغى أطول عليكم . لأني ناوي بإذن الله تعالى بعد العودة بحفظ الله ورعايته أعمل لكم تقرير . ودا أقل واجب أقدمه لهذا المنتدى الرائع والناس الطيبين أمثالكم . ليا سابق تجربة راااااائعة مع شركة رنت كونكت في موضوع النت بلا حدود في تركيا . وعلى اساس حجربه هالمرة في تايلند وأشوف مدى فعاليته هناك . يارب يكون ممتاز ولاسيما في التنقل راح أعتمد عليه بعد الله عز وجل . لا والله طولت عليكم هههههه . خلاص أتوب . لاتنسوني من دعواتكم ربي يحفظكم ويسعدكم . |
موفق يا عزيزي دامك مخربها والدريكسون يمين حاول تعمل تأمين يشمل اللي في الشارع واللي في السيارات واللي في النهر واللي يتمردغون على الشواطئ ويا مخارج علي من عمته بالنسبة لراوتر رنت اند كونت هل هو مناسب لك في تايلند لأني شفت اسعار النت رخيصة 15 يوم نت مفتوح حوالي 65 ريال -يا ليت تؤكد لنا المعلومة- بينما الراوتر اغلى بكثير هل حجزته ؟ جربته في تركيا ويشتغل في كل مكان وريحني أكثر في اوروبا لانه يشتغل في دول الاتحاد بدون تغيير شرايح ووجع راس |
اقتباس:
الله يوفق الجميع يارب . ههههههه الله يسعدك . الحافظ الله . عملت تأمين شامل . أنا مالي خلق في موضوع الشرائح وتغييرها . وغير كدا ميزة الكونكت تشغل عليه أكثر من جهاز . تصل في بعض الدول الى 10 أجهزة . في اذربيجان عشان نستخدم شرائحهم يبغالك مبرمج أجهزة عشان تفعل النت هههههه شي تعقيد للأسف . صحيح الكونكت سعره مرتفع وخاصة في تايلند أغلى من أوروبا . وكما تفضلت الشرائح رخيصة لكن ماعندي فكرة ايش الأفضل . وبسبب وجود السيارة أخشى النت ما يجمل وساعتها حووووسة .:10::21: |
اقتباس:
اترك عنك اذربيجان وجارتها وعصيدهم بأقل من ربع قيمة رنت اند كونكت خذ شريحتين في تايلند لك وللمرافق الشباب حقين تايلند بيفيدونك اسألهم والا انتظر شوي وبيجيك واحد يطامر هنيا ويعطيك العلم انا عندي راوتر هواوي واركب الشريحة فيه وشغال تمام وتشتغل عليه المافيا اللي معي كلهم وآخذ معي احد الهواتف القديمة ومركب فيه شريحة نت واتصال فوق البيعة اعطيه الفنادق والشقق نتواصل على شان ما اعطيهم رقمي السعودي ونصير في عجة واحتياطا قبل تسافر نزل خريطة جوجل للمدن اللي بتروح لها وخلها اوف لاين ولا تحوس ولا شي ننتظر اخبار سواقتك |
ميسرة بإذن الله . وشكرا استاذنا الحنيفي على تجاوبك وحرصك على الفائدة للكل . ربي يوفقك . شكلي حسوق هناك آخر الليل والشوارع فاضية ههههه. |
ههههههه بالتوفيج ان شاء الله و رحلة سعيدة سؤال ليش ما ضفت شانغ ماي مرتفعه وبارده و كوسموي بحرية وحلوه ؟؟ |
اقتباس:
الله يهديك انت بعد لا عاد تعطينه اماكن جديدة خليه يبقي لنا شوي من أهل تايلند الرجال يقول الطارة يمين يعني الله يستر على اللي في طريقه :1: |
اقتباس:
|
اقتباس:
مشرفتنا القديرة . الله يسعدك . أنا كدا ويلا الخراااااااج . ما أحب الوقت يضيع بين تشيك ان وتشيك آوت . نخليها رحلة قادمة بإذن الله كنوع من التغيير |
اقتباس:
:32: |
| الساعة الآن 04:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO