|
نصايحكم للسفر الى تايلند مع طفل السلام عليكم ورحمه والله وبركاته احب اشكر اعضاء العرب المسافرون بكل ماقدموه ولازالوا مستمرين في العطاء في هذا الصرح العظيم الي عرفته منذ سنه 2009 ميلادية يعني حوالي 13 سنه ومالي غنى عنه في ترتيب رحلاتي وسفراتي واختياراتي لكل شيء. ان شاء الله في الصيف الجاي بسافر تايلند والخطه هي بوكيت وشنغماي وبانكوك بكون انا وزوجتي وولدي طفل عمره 5 سنوات, ومع ترتيب الرحله والتخطيط لها والتنسيق تفاجئت من زوجتي تقولي ان صديقتها توها رجعت من هناك ومعاها اطفالها وان البلد لاتصلح للعوايل والاطفال وان في مناظر خادشه كثيره خصوصا في شوارع العرب والسواحل وان في مظاهر عري كثيره من الاجانب وانا للامانه اول مره بسافر تايلند بس البلد صارلي 13 سنه تابعتها عن بعد وسالت كثير من الاصحاب والاهل الي راحو, ولا مره طرو لي انهم شافو هالاشياء او بمعنى اصح هي موجوده في اماكن معينه واقات معينه واذا ابتعدت عن بعض المناطق او الاماكن او السواحل مابتشوف الى الي يسرك وانا مقتنع ان كل بلد فيه الجانب الجميل والجانب المظلم السيء يعني حتى لو غيرت الوجهه لاندوونيسيا مثلا اكيد في اماكن بها جانب سيء وجانب جميل. ارجوا من اللي سافروا مع عوايلهم واطفالهم ينصحوني ويرشدوني ان كان في اشياء اتجنبها او اماكن او سواحل ابتعد عنها وشكرا جزيلا لكم |
عليكم السلام حياك اخي الكريم العري افة ابتلينا بها ومع الاسف اصبحت منتشرة في اغلب البلدان فأصبح علينا التعايش معها ومحاولة الابتعاد عن اماكن تواجدها طبعاً العري من وجهة نظري مكون من جزئين الاول هو لبس التنانير القصيرة او شورتات ( هذا ما منه فكه في كل مكان راح تشوفه) الثاني هو اللبس الخادش للحياء ( هذا راح تشوفه في الشواطئ وبرك السباحة والالعاب المائية كذلك مناطق البارات وشوارع المشاة في الليل هذا يمكن تفادية بالابتعاد عن مناطق تواجدة) نعم صحيح كل ما ذكروا موجود فيه تايلند الشواطئ ملوثه بهذه المناظر كذلك في الاماكن التي حول البارات وهذه يمكن تفاديها بالابتعاد عن اماكن تواجدها المشكلة الاخرى في تايلند هي ان اغلب الفعاليات الجميلة تحتاج جهد ووقت طويل لذلك تكون مزعجه ومتعبه للاطفال الصغار لذلك يجب ان تخطط برنامجك من بدري وتختار برامجك بعناية حتى لا تقع في هذا الاشكال المشكلة الاخرى في تايلند هي تكرار الفعاليات اغلب مدن تايلند تقدم نفس الفعاليات فمثلاً التجديف او الرافتنج موجود في شيانج ماي و موجود في بوكيت كذلك ركوب الافيال نفس الشي في شيانج ماي الوضع اشوفه افضل بكثير من بوكيت وبانكونك عموماً شيانج ماي ماشفت شي يجب تجنبه في بوكيت الشواطي اغلبها ملوثه كذلك شارع البنقلا في الليل و لو تم تجنب السكن في شاطي الباتونج يكون الوضع افضل لكن راح تكون اغلب الخدمات بعيدة اما بانكوك في النهار الوضع طبيعي في الليل ابتعد عن المنطقة اللي حول شارع العرب و المنطقة اللي قريبه من فندق قراند حياة في حي سوكومفيت كذلك المناطق اللي حول البارات في اي حي تسكن به بالنسبة الى اندونيسيا الوضع فيها افضل بكثير من تايلند وتتركز في بالي تقريباً على الشواطي وشارع لقيان في المساء في بالي لكن من الظلم مقارنة اندونيسيا مع تايلند من هذه الناحية اتمنى لك التوفيق |
جزاك الله خير اخوي الردادي على الرد والنصيحه وفعلا مثل ماتفضلت اصبحت هذه المظاهر منتشرة بكل مكان والواحد هو بنفسه يصنع له جدول لتجنب هالمناظر . ان شاء الله برتب وبخطط الرحله انها تكون بعيده عن هالاماكن وان شاء الله ما اواجه مشاكل . شكرا جزيلا لك اخي الفاضل. |
السلام عليكم ورحمه الله وبركاته اتفق مع الاخ alradadi ، للاسف بعض المناظر والمظاهر ماتناسبنا والواحد يحاول يتجنب بعض الاماكن قدر الامكان ( مثل البحر والجزر وبعض المناطق الحيويه خصوصا في فتره المساء ). لكن بشكل عام تايلاند بلدها وشعبها لطيفين وتستحق الزياره. وبالنسبه للسفر مع اطفال من وجهه نظري فيها وايد اماكن تنفع للعائلات وخصوصا الاطفال ( من واقع تجربتي بالسفر اليها مع طفلي ) وتايلند كبلد مهتم جدا بالاطفال من ناحيه الاماكن الترفيهيه او حتى بالمطاعم. لكن من ناحيه اخرى، بعض الانشطه راح تكون صعبه مع وجود اطفال ( الا في حال التناوب على امساك الطفل ) وايضا زياره الجزر شوي صعبه الا اذا اقتصر الامر على جزيره واحده وعن طريق باخرة. وبالتوفيق |
سلام عليكم بصرف النظر عما ستشاهده في السفر . فجميع بلدان العالم سترى المألوف وغير المألوف وهذا شي طبيعي . ومالنا غير غض البصر . والابتعاد قدر الامكان عن الأماكن المشبوهة والتي فيها العري لبسهم المفضل . نجي للكتكوت الصغير الله يحفظه . أينما كانت وجهتكم . فبطبيعة الحال هو حيكون مبسوط برفقتكم . وعمره 5 سنوات أي شي ممكن يرضيه ويخليه ينبسط . فكونوا مبسوطين بوجوده الله يحفظه . ولتجعلوا سعادته جزء من سعادتكم وليس العكس ؟ رحلة سعيدة موفقة يارب . وبحكم تجربتي لأندونيسيا وتايلند . فأنصحك بتايلند وخاصة بوكيت . |
وحتى أكون منصف ووجهة نظري الشخصية بونشاك إندونيسيا لها عشق خاااااااص عندي . ولكن حقت روقان وجو واسترخاااااء :52: وأكل ونوم . مافيها فعاليات تذكر للأطفال . سوى سفاري فقط . |
اقتباس:
وبالنسبه للانشطه راح احاول ماخليها يوميا مع ان خاطري اروح بي بي ايلاند وجيمس بوند لكن مو ورا بعض يعني بترك يوم او يومين بينهم فاصل والله يسهلها . الله يحفظنا ويحفظكم يارب |
اقتباس:
وان شاء الله تكون ناجحه وجميله وتحمل كثير ذكريات ومواقف جميلة له ولنا . بارك الله فيك والله يحفظك |
حياك الله شارع العرب في النهار جميل جدا واول الليل بعدها لايصلح للعوائل فيه اماكن جميله لايوجد بها خدش للحياء بعيد عن شواطئ بوكيت وغيرها في بانكوك تحديدا الذهاب الى سفاري او حدائق او تمشيه في مولات ام بي كي او سيام تاورز و الاوكاروم الي فيه واشياء جدا مناسبة للعوائل |
اقتباس:
|
| الساعة الآن 04:48 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO