|
حجز على الطيران الكويتي - مطار بانكوك الدولي bkk السلام عليكم عندي ججز على بحرين - كويت - بانكوك ( الطيران الكويتي ) عندي رحلة على طيران اسيا اير بنفس المطار ( بانكوك - بوكيت ) بعد 3 ساعات تقريبا من النزول في مطار بانكوك ( الرحلة الاولية ) هل تعتبر الرحلة ( ترانزيت ) وما يحتاج استلم الشنط ؟؟ واحصل على البوردنغ باس من البحرين لرحله بانكوك - بوكيت او لازم استلم الشنط واذهب لرحلة ( بانكوك - بوكيت ) الداخليه , وهل لازم اطلع من المطار او عادي استلم الشنط واروح مباشر للرحله وانا داخل المطار ؟؟ تاريخ الرحله 18/5/2023 الوصول 19/5/2023 الفجر ان شاء الله احصل رد من الخبراء ,, لاني متوهق وخايف تروح لي علي الرحله الداخليه شكرا لكم |
وعليكم السلام ورحمة الله وبركاته وبركاته أولاً لازم تتأكد من رحلتك الداخلية من بانكوك إلى بوكيت هل هي من المطار الدولي BKK أو من المطار الداخلي DMK ؟؟ وفي كلتا الحالتين إذا كان حجزك واحد لجميع الرحلات الدولية والداخلية وحجزته من موقع وسيط مثل سكاي سكنر أو ويجو فضروري تستلم الشنط من الرحلة الدولية ثم تذهب وتسجل للرحلة الداخلية وتشحن الشنط مرة أخرى بالتوفيق |
عليكم السلام اهم شي تأكد من مطار الرحلة الداخلية الشنط في مطار بانكوك بكل الصور لازم تستلمها وتعيد شحنها مره اخرى |
اقتباس:
حجزي من موقع الطيران مباشره ( الطيران الكويتي ) ومثل الشي حجزي مباشر من طيران ( اسيا اير ) يعني الحجز منفصل كل واحد حجزته بروحه , بس خليت حجز الطيران الداخلي عقب 3 ساعات تقريبا من نزول طائرة الطيران الدولي ف شنو الاجراءات المفروض تكون |
اقتباس:
يعني عقب ما استلم الشنطه هل اذهب مباشره لمكتب الطيران الداخلي للشحن مره اخره ؟ ما يحتاج اني اطلع من المطار وادخل مره ثانيه , لانه لو استلمت الشنط اتوقع اني تخطيت منطقه لترانزيت ولا اقدر ارجع لها حق انتقل للطيران الداخلي |
اقتباس:
تخرج من المطار الدولي BBK بعد استلام الشنط من الرحلة الدولية اتبع اللوحات وإسأل عن مكان الرحلات الداخلية واشحن الشنط مرة أخرى للرحلة الداخلية رحلتك الداخلية لا تعتبر ترانزيت لأنها رحلة منفصلة مع شركة طيران أخرى آير آسيا بالتوفيق |
بعد ما تستلم الشنط مباشرة تطلع الدور الرابع بالمصعد او بالسلم المتحرك تحصل جميع شركات الطيران هناك قص البوردنق واشحن شنطك للعلم والفائدة يوجد مصلى في الدور الثالث في مطار بانكوك bkk |
الف شكر على الردود السريعه ما قصرتو ,, يعطيكم العافيه وان شاء الله تتيسر الامور |
اذا نفس المطار تصعد فوق الدور الرابع تشوف الكاونتر الطيران الي حاجز عليه وتعطيهم الحجز تاخذ البوردنغ تدخل الجناط وتروح للبوابه اما مطار ثار ثاني لازم تستلم الجناط تطلع تاخذ تكسي للمطار الثاني وهم تروح للكاونتر وتطلع البوردنغ وتروح للبوابه بس دام بنفس المطار امورك سهالات |
شكرا على الرد الحمد الله نفس المطار , وان شاء الله تتسهل الامور مشكورين ويعطيكم العافيه |
| الساعة الآن 12:27 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO