|
ساعدوني في اتخاذ قراري بخصوص الاجازه الصيفية السلام عليكم ورحمة الله وبركاته … اتمنى انكم بأفضل حال … بدخل في الموضوع على طول قررنا بالاجازه الصيفيه نسافر بأذن الله زوجين 3 اطفال 11 سنه و9 سنوات و6 سنوات ومحتارين نروح اي دوله نبي جو جزر وصيف وبحر وطبيعه وفعاليات ومرتفعات .. رحت ماليزيا مرتين اخرها عام 2017 فرايكم يهمني جدا … ابي ترشحون لي الدوله وكم يوم يكفيها وايش المناطق اللي اروحها وهل تحتاج طيران داخلي او وسيلة نقل اخرى .. مااخفيكم اني محتاره بين تايلند( هل تنفع لعوائل ) او ماليزيا او اندونيسيا |
وعليكم السلام يا هلا ومرحبا تايلند وجهة جميلة للشباب والعائلة الشعب فرندلي ويتعامل بلطف مع السياح ممكن تقسمون رحلتكم بين مدينتين : بوكيت وبانكوك ونكتفي بها عشان ما يتعبون الصغار من كثرة التنقل في بوكيت ممكن زيارة جزيرة المسلمين وجزيرة جيمس بوند ركوب الفيلة والتجديف في النهر كذلك زيارة بوكيت فانتاسي https://www.phuketfantasea.fun/eng/ في بانكوك بإمكانك زيارة الأسواق الشعبية والمولات الفخمة الاستمتاع بالمطاعم البحرية الراقية و زيارة عدة مواقع سياحية والعاب |
و عليكم السلام :e310: إجازة ماتعة مقدماً :) رحتي مرتين ماليزيا ، فالأفضل تغيير الوجهة ! مارحت لتايلند مسبقاً بس جالسة أتفرج عليها ، و أشوفها خيار مناسب :18: |
دول الشرق الاقصي تايلند اجمل بلد |
وعليكم السلام ورحمة الله وبركاته ممكن تتابعي تقريري رحلة عائلية لجزيرة بوكيت فقط وكانت لمدة 10 ليالي https://www.arabtrvl.com/vb/t53752.html رحلة موفقة وسعيدة بإذن الله |
مشكورين كل من رد الله يسعدكم .. سؤال بخصوص بوكيت وبانكوك كم يوم تكفيهم تقريبا وكيف الاسعار هل هي غاليه الدوله او لا … ثانيا ايش المناطق اللي تنصحوني اسكن فيها ببوكيت وبانكوك ابي بعيد عن المناظر الخادشه |
كلامي فقط عن بوكيت الأسعار مناسبة ممكن تشوفي تقريري حتى تأخذي فكرة عنها السكن يكون في أطراف الباتونج أو في شاطئ كاتا أو شاطئ كارون أو شاطئ كمالا تكون أكثر هدوءا ابعدوا عن شارع البنجلا في المساء وعدم التجول في منطقة الباتونج قدر المستطاع لكثرة محلات المساج فيها وإذا مريتوا جنبها مروا سريعًا ونبهوا أطفالكم بغض البصر عنها وعند ذهابكم الباتونج أذهبوا لهدفكم مباشرةً سواء إلى مول جانغليسون أو أي مطعم حابين تأكلوا فيه وشاطئ الباتونج أكثر هدوءًا عند الغروب وفي المساء ركزوا في رحلتكم على المزارات العائلية مثل حديقة الطيور ، عرض الدلافين ، فانتازيا بوكيت ، البيت المقلوب ، إكواريوم سيارات الكارتينج ، الزبلاين ، ركوب الفيلة ، المدينة القديمة أولد تاون ، الاستمتاع بالمنتجعات ومرافقها وألعابها المائية وشواطئها للمزيد من المعلومات والفنادق التي سكنتها يمكنكم الإطلاع على تقرير الرحلة https://www.arabtrvl.com/vb/t53752.html بالتوفيق |
نفس حيرتك, كمان رحت ماليزيا مرتين و عم فكر هالاجازة اطلع تايلند |
اقتباس:
بس خفت من كلامك بخصوص الباتونج ، هل ما يناسب العوائل ؟ افكر بهالفندق Holiday Inn Resort Phuket, an IHG Hotel افكر اعتمده كفندق اساسي انطلق منه لجميع رحلاتي ، وعند العودة منطقته مخدومة ما اتعب فيها هل يعتبر من الاطراف حق باتونج اللي تنصح فيها ؟ |
اقتباس:
بخصوص الفندق يبعد تقريبًا عن شارع البنغلا الذي فيه البارات الليلية والإزعاج 10 دقائق بالمشي يعتبر موقعه مناسب لا بأس فيه لكن لا أدري عن المنطقة إللي حوله هل تكثر فيها محلات المساج والمظاهر غير المحتشمة في اللباس أغلب تعليقات النزلاء في بوكينج يمدحون فيه وإنه مناسب للعوائل وفيه نادي خاص للأطفال ومقابل شاطئ الباتونج وتقييمه فوق الجيد جدًا بالتوفيق |
رحلة ممتعة بإذن الله وانصحك في فندق صنق وينغ بوكيت في كمالا بيتش عائلي جدا وعلى البحر وفيه سبع مسابح وألعاب وبعيد عن صخب بوكيت ويبعد عن شاطيء الباتونغ تقريبا ربع ساعه بالتاكسي او أقل |
| الساعة الآن 04:06 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO