ست أيام كم ميزانيتها
 

السلام عليكم
جالسه أخطط للسفر الى لندن وحصلت فندق
جنب مركز ويستفليد هل المكان هذا كويس ولا لا
وهل مبلغ خمس الاف ريال كافي لست أيام بس مصاريف
يعني أكل وشرب وممكن زيارات بسيطه لبعض الاماكن ؟!

وعليكم السلام ورحمة الله وبركاته

غير التذاكر والفندق؟
بالكاد تكفي لشخص واحد
احسبي مواصلات وتاكسي في بعض الأحيان

تروحون وترجعون بالسلامة

لندن غاليه لو تزيدون المصروف اليومي يكون احسن

لكن تكفي بأذن الله لو اقتصدتو بالمصروف طبعا غير السكن والتذاكر

تقريبا 800 باوند ميزانيتك احسب حساب 200 باوند يوميا

لا مو للشخص لشخصين
اي من غير تذاكر ولا فنادق
والمواصلات عن طريق المواصلات العامه فكل شي ماراح احتاج
نركب تكاسي
لهدرجه غاليه معقوله مبلغ خمس الاف مايكفي صرف

لا مو للشخص لشخصين
اي من غير تذاكر ولا فنادق
والمواصلات عن طريق المواصلات العامه فكل شي ماراح احتاج
نركب تكاسي
لهدرجه غاليه معقوله مبلغ خمس الاف مايكفي صرف

في نظري لا أريد أن أحبط معنوياتكم

أمثلة:
هناك الغداء أو العشاء مايقل عن 40-50 باوند لشخصين وطلب خفيف

بطاقة اويستر لمدة أسبوع لا أذكر سعرها ولكن احسبوها لشخصين لمدة أٍسبوع

وأيضاً مسألة التاكسي حيث بعض الأماكن لاتصل إليها الباصات أو المترو وخصوصاً لو تأخر الوقت بعد المغرب
فهذه الحالة تستدعي التاكسي

شرائح الاتصال لاتقل الواحدة عن 20 باوند وبدون موبايل

الحاجيات الشخصية اليومية من ماء وأكل للفندق أو الشقة


أي شئ طارئ

بالتأكيد بدون تسوق


وأعتذر عن الإطالة وتروحون وترجعون بالسلامة

بطاقة الاويستر قالو من ٣٠ الى ٤٠ باوند للشخص عرفنا سعرها وحليناها لمدة أسبوع
المترو اللي سمعته انو مايقفل الا الساعه ١٢ والاماكن اللي ماتوصلها المواصلات العامه
مو لازم نروح لها :1:
وش بعد أسعار السوبر ماركة يقولون نفسنا بالسعوديه مافي فرق كثير

الكولا ب 1 باوند في تسكو يعني = 6 ريال سعودي وقيسي على الباقي

بس لاتحاتون ان شاء الله انها تكفي لكن يجب وضع مبلغ للطوارئ لاسمح الله احتجتوا شي او نقص عليكم شي

احسبي حساب التاكسي الي بيوصلكم من والى المطار 60 باوند وان قل 40 باوند

المنطقة الي انتم سكنتوا فيها تعتبر جيدة نوعا ما هي في شبربوش هنا اذا الفندق مستواه وسعره جيد يشفع له الواحد يسكن فيه لكن اذا سعره عالي فانصحكم تقربون من الاماكن الحيوية لتوفير التنقلات والاويستر تقريبا سعرها مع البطاقة اول مره 36 باوند ماادري اذا زاد سعرها

الله يوفقكم واتمنى لكم سفره سعيده بدون تطفيره :29:

حصلت فندق سعره حلو بهالمنطقه ست ليالي ب٣٣٥٥
عشان كذا اخترتها
بس عطوني وش المناطق اللي كويسه للسكن عشان أبحث عنها
طيب حلو سعر الاويستر اذا المواصلات العامله توصل لااغلب المناطق المهمه
وليش تاكسي اللي يوصلنا من المطار ليش مو القطار انا قريت انو القطار ارخص من التاكسي

ممكن اسم الفندق ؟

السعر جيد والمناطق الزينة هي الي حوالين الهايدبارك شوفي منطقة كنزغتون اسعارها مقبولة شوي واشرح صدر من شبربوش او الهاي ستريت كنزغتون كذلك رائعة للسكن

او حوالين الاكسفورد لكن بما ان ميزانيتكم للتمشي فقط لذلك غير مهم السكن حول الاكسفورد او جربي حول لندن اي او بيغ بن الفنادق هناك اسعاره معقولة

الفندق دورست شيفردس بوش

بشوف الفنادق فالمناطق اللي عطيتني
واذا فيه فندق كويس وبنفس السعر هذا ياليت ترشحون لي

الله يمهل لكم ....
بتكفي ان شاء الله اذا بغيتوا ... السكن خبرتي فيه صفر ...

- التنقلات بالمواصلات العامة مثل ماذكرتي انتي .
- الاكل وهو اللي يلعب بالميزانية وطبعا شي اساسي هو ..
- اذا شقتكم فيها مكرويف فبتردون بوجبة العشاء من 40 باوند الى 4 باوند ...
- اغلى شوارع لندن لها طرق جانبية ... الطرق هذي فيها مخابز او اكشاك جدا رخيصه واكلهم جدا لذيذ ...
- Poundland هذا موقع لواحد من ارخص المحلات ببريطانيا وحطي اسمه بقوقل ماب ويطلع لك اقرب فرع وفيه اشياء كثيرة بباوند واحد مثل البيبسي 4 علب بباوند واحد وفيه حلويات ومكسرات ونواشف وساندوتشات وكله بباوند واحد .

- بحط لك مجموعة مواقع لمتاجر جدا جدا جدا رخيصة ومنتشرة وفيها اكل جدا جدا لذيذ وما ابالغ اذا قلت ان المطاعم يشترون منهم ويبيعون باضعاف السعر بس كل اللي تحتاجون ميكرويف .

https://www.aldi.co.uk/

وهذا مثال لبعض الاشياء
https://www.aldi.co.uk/groceries/all...popular&page=2

-
https://www.iceland.co.uk/

وجبات جاهزة
Frozen Ready Meals | Frozen | Iceland

بالنسبة لتيسكو وسينسبري يعتبرون غاليات شوي وبالنسبة لي مااحرص عليهم مره .. وتيسكو مااخذ منه الا اللبن :24: او من منتجات مخبزهم .

- افطرو بسكنكم وتعشوا فيه والغدا في المحلات في الشوارع الجانبية ...
- اكل الشوارع حلو مره بلندن وهو عبارة عن اكشاك يطبخون ويبيعون ومن اماكنهم قريب من عين لندن ... خلو عين لندن على يساركم وامشوا جنب النهر بتمرون بوسطهم واكلهم لذيذ مره ورخيص . والمطاعم الكبيره او العربية غاليه وغير مشبع ...
- اذا رحتوا منطقة كامدن فيها مطاعم كثيره مرره واسعارها حلوه جربوها بعد ( تقريبا الوجبة ب 5 باوند ) والمنطقة جميله ولي تقرير عنها

الله يعطيك العافيه ويجزاك خير
مااتوقع الفندق فيه ماكرويف

الفندق موقعه مش ولابد بعيد شوي


Booking.com: ظپظ†ط¯ظ‚ ظƒظˆط±ط§ط³ ظ‡ط§ظٹط¯ ط¨ط§ط±ظƒ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©

شوفي هالفندق ممكن يناسبكم وموقعه احسن من شبربوش

هذا مرا غرفه صغيره مساحتها ١٤ متر بس

وبستفسر عن التأشيره لازم أروح أحجز موعد عشان اقدم اوراقي
ولا اقدمها وخلاص وكم تاخذ على ماتطلع ووش يحتاجون بالظبط

شفت موقع الفندق يبعد اربع محطات عن الاكسفورد
مااحسه هذاك البعيد اذا تنقلاتي راح تكون بالمترو عادي ماتفرق
ولا انا غلطانه؟!

احجزي اون لاين
وبعد تعبئة الابلكيشن تاخذين موعد
لكن اعتقد ان المواعيد الحين مقفله
الله يعينك على مكتب هو اللي يضبطك خصوصا
اذا كانت هذي اول مره
تحتاجين تعريف عمل بالانجليزي
كشف حساب بالانجليزي
تأمين صحي
بخصوص الاكل في شيبرد بوش تلقينه رخيص
مطعم زاد في شيبرد بوش لبناني
طبق الكباب مع الرز 10 باوند

تقدرين توصلين من المطار الى محطة شيبرد بوش عن طريق التيوب وما يحتاج تاكسي ولا شي

طيب هل اول سفره لك ؟
ههههههههههههههههه واذا ثاني سفرية لك توكلي على الله
بس على فكره 5000 ريال نصرفة بالسياحة بالسعودية لمدة 2 يوم :20:

صدقني كافي اذا من غير تذاكر وفندق

اي ان شاءالله بروح لمكتب واخليه يظبطني أحسن
بس ليش مقفله المواعيد:20:

وشكرا لك سفير قرقل عالمعلومات

أول سفره للندن اي أكيد
بس غير لندن لا مسافره
حشى مو لهدرجه شخصين ست أيام ماتكفيهم خمس الاف

السلام عليكم
مااعرف بخصوص المواعيد اون لاين لكن زوجي الاسبوع الماضي راح مباشرة المكتب الموحد وسال عن احد يعمله الاجراءت من تعبئة الابلكيشن وحصل واحد مندوب مكتب تقريبا وعملوا له موعد بكرة إن شاءالله بس راح لمكتب الوكالة وعبو له وعملو الموعد وتقريبا هو راح الاربعاء

الله يعطيك العافيه أم همس

اختي

الميزانية اذا استثنيتيالطيران والفندق

واذا ماكنتي ناويه تزوري اماكن الدخول لها برسوم

ممكن تكفي

لكن المبلغ الاحتياطيلابد منه


انا اشوف والراي لك انك تسكني حول الهايدبارك

بكذا توفري الوقت مو بس المصاريف


استمتعي بالحدائق والشوارع و الكوفيهات بالنسبة لي اهم من المطاعم بأوروبا

حاولي تاخذي شقة وافطروا فيها او افطروا بالمطاعم المحلية الفطور الانجليزي ممتاز ومشبع

يعني رحلتك 6ايام فقط

زوري حديقتين على الاقل والدخول لها طبعاً مجاني

وامشوا بالشوارع وادخلي محلاتهم تراها عجيبة


واذا لك نية للتسوق بريمارك محل منتشر ورخيص وجودته كويسة فيه كل شي

حاولي ابتعدي عن شارع العرب لان مطاعمه غالية

انا يلندن احب الباصات


وكمان الكوفنت قاردن
والبيماديلي

كلها اماكن ممتعه وونيسه



ربي يهنيكم

سفرة سعيدة أختي أم نايف

أتفق مع الإخوان إنه لابد من مبلغ احتياط أو إذا بتدخلون الأنشطة و الفعاليات و أفضل تسكنون مكان أقرب

بس بنفس الوقت أتفق معك بخصوص الصرف
أنا وحدة مو من اهتماماتي أدخل المطاعم الغالية مثلا و أي ساندويش و كوفي ممكن يكفيني و حتى التسوق
أحب الرحلة تكون تجول بالبلد بكل بساطة و لا مانع من تجربة بعض الأماكن
البعض العكس يحب يجرب طول اليوم المطاعم و الكافيهات الفخمة إذا مو موجودة عندنا
غير التسوق اللي ممكن بعضهم يبالغ في الشراء

كل واحد و اهتماماته و حسب المجموعة اللي معاه

و إذا إنتوا ثنين و بدون أطفال و من النوع اللي يقدر يتحكم ممكن جدا 5000 تكفيكم