استفساراتي اللندنية
 

السلام عليكم

عندي كم سؤال

1 الحين قاعدة أضبط لي جدول و احترت بيوم الاحد :26: ما ابغي أروح مكان و يطلع مقفل أو بس دوام نص نهار فلما بحثت لقيت المتاحف ( الطبيعي و فيكتوريا أن البرت ) هي تقريبا اللي تفتح كل يوم بنفس الوقت فخليت الأحد للمتاحف مع حديقة كينسنغتون و القصر
عندكم اقتراحات ثانية ؟؟
كنت بحط الاحد كوفنت قاردن بس قلت يمكن ما يفتحون مبكر الصبح و يمكن زحمة و على ما قريت إنها مكان حلو فحبيت أخليها بنص الاسبوع مع إن البعض يقولون حلاتها الأحد

2 هل أحتاج كار سيت للأطفال بالسيارات اللي بنستأجرها للتنقل؟ مثلا من و الى المطار

3 سياسة الفنادق تبع سرير الأطفال مو فاهمتها بعضهمم مو واضحة
مرة يكتبون جميع الأطفال على الرحب و السعة و مرة يحددون عمر و بنفس الوقت ياخذون فلوس لسرير اضافي
هل الاطفال بعمر 8 سنوات يعتبرون كبار ؟

4 شنو نوع بطاقة الاويستر اللي آخذها
شي ممككتوب عليه visitor card و شي ممكتوب pay as you go
علما بأن السفر بيكون لمدة 6 أيام؟

وعليكم السلام حياج الله يسرى

اول شي بالنسبة للمتاحف حلو انج تخلينه يوم الأحد ويوم السبت او اليمعه خليه للكوفنت غاردن..

ما اعتقد عيالج يحتاجون اذا كانوا بعمر حلو

من عمر اثنعش سنه وفوق يعتبر كبار من احدعش وأقل أطفال والاغلبية للفنادق يكونون الأطفال مجانا الا الكبار برسوم وطبعا على سياسة الفندق بس الأغلب مجانا ..

Pay as you go انتي اتحددين المده والمبلغ في البطاقة يعني ممكن تحطين فيها بخمسه وثلاثين باوند واستخدامها قطار وباص هذي لمده اسبوع وانتي وحسب المده واستعمالكم لوسائل النقل

ال visitor اعتقد محددينها مثلا بطاقه لثلاث ايام والخ ووسيله وحده اعتقد مو متأكده ..

بس كله استخدم pay as you go واعبيها لمده اسبوع

وسفره سعيده


Sent from my iPhone using Tapatalk

مشكورة مشرفتنا :6:

انزين
بخصوص المسموحات بشنط السفر
بحط لي موبايل زيادة و مودم هواوي و باخذ فلاش ميموري
بس كلهم بحطهم بشنطة السفر
عادي آخذهم او فيه مشكله؟

هل اقدر استخدم اليورو :17:
باقي عندي من سفرة سويسرا و المانيا عطوني اياهم بالتاكس فري :17:

باقي عندي يمكن كم سؤال
اذا ذكرت برجع لكم

عادي محد يقولج شي عنهم

لا مايستخدمون اليورو للاسف

العفو وحاضرين باللي تبونه


Sent from my iPhone using Tapatalk

اذا حضر الماء بطل التيمم ماقصرت مشرفتنا وبارك الله فيها

يعطيكم العافية

سؤال جديد :14:

بالنسبة للباصات
مكتوب عليه الرقم و اسم المحطة
هل اسم المحطة المكتوب هو اسم المحطة النهائية اللي يوقف عندها الباص ؟
مثلا باص 148 مكتوب عليه ماربل ارش
و باص ثاني رقم 148 مكتوب عليه ويستمنستر
لو بروح لندن آي بركب باص ويتمنستر؟

ساعات مايكوون اسم المنطقه اللي تبينها يكون اسم اخر محطه بيوقف وعندها ومن ضمن الخط هذا يكون له وقوف لمحطتج اللي تبينها


Sent from my iPhone using Tapatalk

ان شاءالله قدرت أوصل المعلومه


Sent from my iPhone using Tapatalk

ايه يعطيج العافية واضحة
معناها لازم أسألهم
او ممكن توضح عند نقطة التوقف اللي أنتظر الباص فيها