|
التاكس فري في مطار هيثرو .. السلام عليكم انا حالياً في لندن ورجعتي للسعودية بعد بكرة ان شاء الله بغيت استفسر عن التاكس فري وخطواته .. بعد كل محل اطلع منه يعطوني ظرف للتاكس فري وكل ما اسال شخص عن خطوات استرجاع الضرائب يقول لي شيء عكس الشخص الثاني قلت اكيد العلم عندكم انتم 😢 ياليت تعلموني شلون اتصرف في المطار بالتفصيل معتمدة ع الله ثم عليكم وشكراً مقدماً |
؟؟ |
وعليكم السلام ... عبي النماذج اللي اخذتي من المحلات وروحي للكاونتر في المطار ... بس لازم تكون الاغراض معك ... |
كيف يتم استرجاع التاكس ؟- نطلب ورقة معينة من المجلات ؟ |
وعليكم السلام التاكس فري أولا بعد ما تشترين من المحل تطلبين تاكس فري يعطونك ظرف والفاتورة وبعضهم يسالك أسأله او يطلبون جواز السفر وهذا الاغلب وفي محلات تصير عندك فواتير واجد والا اكثر من مرة تزورين المحل مثل بريماك مثلا جمعي كل الفواتير وقبل سفرتك بيوم او يومين تروحين تاخذين ظرف التاكس فري ولا تنسين جوازك معاج اخذتي من المحلات الاظرف تجي الخطوة الأخيرة منك انك توقعين عليهم كلهم في فواتير تطلب رقم الجواز او رقم البطاقة البنكية تعبيها كلها بالمطار تكونين ماخذه معاج اللي شاريته واحنا ناخذ كل الجناط للتاكس فري أصلا ما تسوين تشيك ان للطيارة قبل التاكس فري يعني لازم تكونين هناك قبل فنرة كافية لعمل التاكس فري لان بيصير مزدحم الحين وصلتي لمكتب التاكس فري وبيكون قريب وواضح مكانه بتوقفين بالطابور مع جناطك واذا اكسسوارات وساعات خليهم بشنطة يدك المهم توقفين بالطابور وهناك بيمرون عليج مساعدون يشوفون اوراقك واذا ناقص توقيع او غيره بيخليج تكملينه وهو واقف معاج الفواتير اللي قيمتهم قليلة يقول لك كتبي رقم بطاقتك البنكية توصل فيها اما المبالغ الكبيرة يعطونك إياهم في نفس المكان عند الكاشيرية بعد المساعد يسالونك تبينهم بالباوند والا بالريال احنا اخذناهم دولار لانه هو المتوفر لا في باوند ولا دينار كويتي الساعات والاكسسوارت الثمينة تاخذين التاكس فري بعد ما تعملين التشيك ان للطيارة وتدخلين داخل للبوابات هناك في تاكس فري للمجزهرات والساعات الثمينة ولازم يشوفونهم ضروري ويعطونج المبلغ كاش عاد انتي وشطارتك اصرفيهم بالشراء من السوق الحرة :58: |
كلام الاخوان على متمه حاب اضيف في الترمنل 5 لازم تصرين على اخذ المبلغ كاش جميعها بيحاولون يقولون نرجعها على البطاقة لا توافقين ابدا حصل معي واخذت جميع المبالغ كاش كنت مشتري ساعتين رولكس من بطاقة الفيزا التاكس فري حقهم في حدود ال10000 ريال اعطوني كاش بعد عدة محاولات انهم يرجعةنها للفيزا ههههههه جلسوا يحمعوا الفلوس من بعضهم طبعا ما فيه الا دولار في بلد الباوند طبعا لازم بعد ما تشتري اغراضك تطلبي التاكس فري وتعبي بعض المعاومات وتوقعين على الابكيشن حقهم . :18: |
ههههههه احنا كنا بالتيرمنال ٥ قالو لنا بس المبالغ الصغيره هي اللي بترجع على البطاقه وفي شركات ترسلها بعد خمسة ايام وبعضها اشهر عادي دام انه مبلغ صغير اما الاكسسوارات لا اخذتهم بنتي كاش من داخل |
التاكس فري خاص بالفيزا السياحية او حتى فيزا طالب 6 شهور نقدر نطلب التاكس فري هل في مبلغ معين لطلب التاكس ؟ اول مرة لي في بريطانيا :24: فيزا طالب لمدة 6 شهور |
ما ادري والله عن الفيزا الدراسيه اسألي الطلبه افضل اللي هناك وهل جربوها والا لأ او حتى تسألين اهل المحلات يمكن يفيدونج والا بوعبدالله يمكن عنده الخبر الأكيد بما انه يدرس هناك |
اقتباس:
|
| الساعة الآن 09:57 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO