رواية 15 يوم في (لندن - مانشيستر - ليفربول )
 

بسم الله الرحمن الرحيم

شرقت .. وغربت

تشاملت ..

وكلما عدت من دوله ..

ها كيف ؟؟

انبسطتوا ؟ الايجابيات ؟ السلبيات ؟

وكان السؤال الاهم / لو سنحت لك الفرصه ترجع ثاني ؟

وكانت اجابتي بالنفي .

ما عدا ..

.. لندن ..

لندن .. المفاجأة ..

لندن .. الاثاره والتنوع ..

لندن .. النابضة بالحياة التي لا يمكن أن تحس بالملل بها ..

لندن .. التي لا يمكن أن تغطيها من أول زياره ..

لندن .. شكل بالنهار وشكل بالليل ..

لندن .. الأمن تتمشى لوقت متأخر بالليل ..

لندن .. الشاملة لكل متطلبات السياحه ..

مناخ / أجواء رائعة تتمشى وكأنك في غرفة مكيفه .. الشمس نسينا شكلها .

طبيعة / حدائق جميلة غناء بكل مكان .. بساط أخضر على مد النظر .

مزارع / فاكهه وخضار وفراوله تقطف بنفسك .

نهر / سفن ومراكب سياحيه ليل نهار .

تسوق / أهله .. يكفيك متجر ( هارودز ) اللي يحتاج 3 أيام .. أسواق تاريخيه وأسواق شعبية .

مطاعم / عالميه كله موجودج حتى المندي الحضرمي .

كافيهات ومقاهي / مالذ وطاب من أنواع الكيكات والكروسونات والحلى .

ترفيه / سينما ومسرح وعروض حيه في الشوارع بكل مكان .

ملاهي / 3 ملاهي عملاقه بالقرب من لندن .

متاحف / بجميع أنواعها التاريخية والحضارية والعلمية .

رياضه / أشهر الاندية الرياضية تزور ملاعبها ومتاحفها .

.. حتى قصر ملكتهم زرناه ..


لندن .. سامحيني ..

أجلت السفر اليك كثيراً وكثيراً ..

واتضح ان سفري لغيرك كان مضيعة للوقت ..


لندن .. كم أشتاق إليك .


يتبع ..

أهلاً بك عاشقٌ جديد ...

ومن منا لم تكن ( لندن ) سعادته ..

بداية جميلة جداً .. سطّرت بها غزلٌ يوحي بأننا مقبلين على

تقريرٍ إبداعيٍ اجتمعت به عناصر الجمال .. فما حيلتنا إلاّ الانتظار ..

تحياتي لك ..

اووو ماشاء الله ... شكل فيه متيم جديد ... يلا قل لنا وعلمنا... فضفض لنا وورينا ...ورايي في بريطانيا مثل رأيك ( لندن وبس ) بس اضيف لها البحيرات ... وتقرير من زاوية جديدة ...
سجلني متابع

يناير 2016 /

الأب جالس في الصاله , وكعادته أمام التلفاز ما يتابع شئ !! لأنه يقلب القنوات من قناه لقناه !!

دخلت المدام ومعها بناتها ..

بابا تصدق الاجازة ها السنه مررررره طويله !! 4 شهور عدا ونقدا , والله بيذبحنا ها الملل والروتين اليومي

حضر التأكيد من المدام / اي والله تكفى شوف لنا .. ممكن نرجع لتركيا وحشتني اسطنبول

عدل صاحب البيت جلسته وترك التلفاز على قناة (cctv) القناه الصينية !! قايلكم ما يتابع شئ :24:

اسطنبول ماهي شينه , لكن ودنا نغير

دخلت الفرحه أهل البيت فقد كان من الواضح أن الفكره وارده وفيه أمل

وش رأيكم / لندن ؟

المدام / حلوووو .. ودي ازور ( هارودز ) دايم اسمع عنه .

فضحك الأب / الله المستعان .. انتم يا النسوان ما عندكم غير تسوق !! نجرب المتحف العلمي مثلاً :13:

( تذكرت الأخ / أبو مشاري ممبز ماليزيا , عند وصوله أول يوم لندن كان أول طلب لزوجته الذهاب لهارودز هههه )

جلست الأم وهي تنفخ الهواء من فمها / يعني يا حسرة احنا حنشتري !! حنتفرج فقط

فانفرجت اسارير الاب وقال / اذا كذا ممكن :3:

أرادت المدام أن ترد الصاع / رحلة اسطنبول يادوب 11 يوم , نبي شهر في لندن

الأب / على اساس اني طالب مدرسه !! هي 15 يوم مافي غيرهم , ظروف عملي ما تسمح .


وكانت البدايه ..

ها شقه أو فندق ؟؟

شقه طبعاً .. الفندق يمكن يعطينا غرف بعيده عن بعض !! أخاف على بناتي .. وكمان نجيب فطور من برى ونفطر مع بعض وقت ما نبغى على راحتنا .

قالت البنت الكبرى / الله لو كمان تكون بتراس زي حقة اسطنبول , رووووعه

اوكي .. قال الأب .. مضيفاً / ونكب العصيرات براحتنا , خابره بتنك الصغرى أم الكاسات طاخ طيخ !! ما بقت كاسه لنا في البيت إلا كسرتها :27:

وبدأت رحلة البحث والتقصي وجمع المعلومات >>> جريمة قتل مو رحله سياحيه !!

انتقلنا لمرحلة شراء التذاكر , ولكن أية خطوط ؟ وما هو الموعد المناسب للاقلاع والهبوط ؟

بمساعدة موقع ( skyscanner ) وهو موقع يبحث عن الرحلات المتوجهة من جدة إلى لندن .. أصابت الأب حاله من القلق لأن جميع الرحلات إما صباحيه أو مسائية , والمطلوب رحله تصل بموعد دخول الشقه ..

الأب / بالله شوفي تعليقات النزلاء !! يقولك جينا بدري الصباح وما دخلونا الشقه الا الساعه 2 الظهر !! ولا جينا في الليل وما لقينا صاحب الشقة ورحنا له مكان بعيد ودفعنا حق تاكسي بالشئ الفلاني عشان نجيب منه مفتاح الشقه !!

فتضايقت المدام , وهي ما يحتاج على أي حاجه أنواع القلق !!!
لا الله يخليك شوف لنا رحله توصل بالتمام على موعد الدخول , وين تخلينا بلندن في الشوارع وتروح ؟؟ وش نسوي بعفشنا وشناطنا ؟؟ ما معايا أحد غير البنات وها الصغير ؟؟ وحده جيعانه ؟؟ وحده تبي دورة المياه ؟؟

قايلكم أنواع القلق !!!

وبتكثيف البحث والتدقيق وجد الأب رحلة على متن الخطوط القطرية ترانزيت ( جده - الدوحه - لندن ) تصل لندن الساعه الواحده ظهراً , وعند الانتهاء من اجراءات السفر يكون الوصول للشقه مناسب لموعد الدخول , فحمد الأب الله سبحانه وتعالى , وتم شراء التذاكر , وهكذا تجاوز أول مطب في الرحله .. وليته لم يختر هذي الرحله !!

يتبع ..

فبراير 2016 / زحمة سيارات , ازعاج بواري , رطوبه , حر , شمس ...

متى يأتي الصيف ؟؟ متى نذهب إلى لندن ؟؟ يحدث نفسه الأب ..

الغداء يا بنات .. بابا وصل

الجميع على طاولة الطعام .. شكاوي وطلبات كالعاده !! وكأن الوقت مناسب !!

من الأفضل تغيير الموضوع .. خش على الرحلة ..

.. تبادل الحديث حول لندن واشتياق الجميع لها ..

صلاة العصر .. الجلسة أمام الكمبيوتر .. وبسم الله

يا بنات من أهم نجاح الرحله اختيار الموقع المناسب للسكن وبالنظر لخريطة لندن

تكون منطقة ( ماي فير ) هي المنطقة الذهبية لتوسطها المعالم السياحية

المدام / ماي فير !!كأني سامعتها قبل ؟ وين ؟ وين ياربي ؟
الأب / المنوبولي .

البنات / وشي ذي المنوبولي ؟؟ فتنزل دمعة من عين الأب ويجيب / هذي من أيام الطيبين يا جيل الاي باد .. >>> مصدق نفسه !!

المدام / هارودز بأي منطقه ؟

الأب / ياذي هارودز !!

فتضع المدام يدها على كتفه وتقول بكل حنيه / شوف جنبه ...

فيلتفت عليها الاب ويقول / يسلم عليك موقع ( بوكنج ) ويقولك الشقق غاليه هناك .

اتركوني دعوني لحالي اسبوع امخمخ واشوف الشقق .

بعد اسبوع ......

الأب متكئ أمام الكمبيوتر كحاله كل يوم يتصفح مواقع الشقق , والبيت هدووووء .. يحدث نفسه كمان وكمان ..

غرف صغيره سعرها مبالغ فيه !! غرف اكبر سعر أكبر !!

المنطقه الذهبيه شقق فخمه وواسعه لكن غاليه !! وبدأ نطاق البحث يبعد شيئاً فشياً ..


وفجأة يكسر حاجز الصمت !!

ها لقيت جنب هارودز .....

الاب/ ايش رايك تاخذي قيلوله ؟

فعادت قائله / أختي تقول خذوا جنب شارع اكسفورد .. الماركات كلها هناك .

فيمسك الاب يد زوجته / يا حياتي السفر ليس تسوق فقط , وإنما طبيعة ومتاحف وثقافات جديده .

المدام / يا سلام لو الشقه على شارع اكسفورد !!

فيصرخ الاب على ابنته/ تعالي خذي أمك !!!!

................

زادت الضغوط على مدار الايام على الاب المسيكين لكي تتحق مطالب المدام حيال موقع الشقه , ولكنه لم يرفع الراية البيضاء وظل صامداً .. لأن الحساب البنكي هو اللي يتكلم .

بعد اسبوعين من الحيره والتردد ...

يابابا أهم شئ الشقه يكون فيها نت , ولا تنسى موضوع التراس .

اوكي اوكي عارف عارف .. أنا عندي فكره .

فقالت المدام / هات

فوضع الاب رجلاً على رجل وقال / نحن جالسون في لندن (12) يوم , بناخذ شقتين من باب التغيير .. الاولى بالقرب من المعالم السياحيه والثانيه بتراس لكنها غاليه وبعيده .. وش رأيكم ؟

المدام بكل حماس / حلووو .. ويصير وحده جنب هارودز !!

الاب / خلاص انسوا موضوع السفره .. :31: :31: :31:


يتبع ..

يعني ما يصبح على الروايه الا قلم الابداع الأخ / كتكات !!

يالحظي السئ .. أو انه حظي الحلو