|
رحلتي الاولى الى بريطانيا العضمى لخبراء دبلن وادنبرة ولندن السلام عليكم ورحمه الله وبركاته لاول مرة اذهب الى بريطانيا واتمنى زيارة ايرلندا واسكتلندا ايضا مع العلم اني من ذوي الدخل المحدود لكن محب للسفر والترحال والتاريخ وارغب في رحلة اقتصادية وهاهو مخططي من البلد الى لندن مطار هيثرو وقضاء ليلة في لندن وبعدها التوجة بالطيران الداخلي من مطار ستانسد الى دبلن وقضاء 3 ليالي فيها وبعدها التوجة بالطيران الداخلي من دبلن الى ادنبرة وقضاء 3 ليالي فيها وبعدها العودة بالطيران الداخلي الى لندن وقضاء 3 ليالي فيها ومن ثم العودة للبلد عن طريق مطار هيثرو مارأيكم في هذا الجدول ؟ ومااهم المعالم المجانية في بريطانيا والتاريخية المجانية ايضا ؟ واريد اوفر واسهل وسيلة للتنقل في داخل لندن وداخل ادنبرة وداخل دبلن وهل الاندرقراوند يشمل داخل ادنبرة ودبلن ام فقط لندن ؟ |
السلام عليكم الاندرقراوند لكل منطقه بروحها انا قصدي المسار اما التذاكر مادري يفيدنا فيها الخبراء |
وعليكم السلام ورحمة الله وبركاته .. بداية الله يمهل لك وييسر امرك ... دبلن مااعرف عنها شي بس انتبه تراها غير تابعه لبريطانيا وهي عاصمة جمهورية ايرلندا ( عشان موضوع الفيزا ) لندن وادنبره خيار حلو بس لو سافرت لادنبره بالقطار بيكون اجمل وتقريبا بياخذ منك المشوار 5 ساعات ... حط ببالك مطار ستانستد عن لندن ساعه بالقطار غير فترة الانتظار ممكن ساعه ! وفنرة الطيران ساعه هذي 3 ساعات .. في ادنبره ولندن استعمل المواصلات العامه وهي رخيصه في لندن باصات + اندر قراوند ... وفي ادنبره الباص يؤدي الغرض وان حبيت فيه ترام ويوصل للمطار . بالنسبة للاماكن شد حيلك وشف التقارير فيها اشياء ومعلومات كثيرة :14: |
وعليكم السلام ياهلا ومرحبا فيك اخوي المخطط ممتاز بالنسبه للمعالم المجانيه في لندن راح نذكرها لك ان شاء الله بس لازم احصرها وانزلها لك بالنسبه للتنقلات داخل لندن الارخض طبعا الاويستر وهو التنقل بالباص والمترو مع بعض او احدهم لكن تقدر ماتاخذها بس تاخذ الباص السياحي مده يومين وراح تتجول بكل المناطق المهمه وباقي الاماكن تروح لها مشي بالنسبه حق دبلن المواصلات عندهم الباصات والتكاسي وقطار صغير يروح لبعض المناطق وبالنسبه للمواصلات في ادنبره ماعندهم اندرغراوند الاندر غراوند فقط في جلاسكو ومواصلات ادنبره هي التاكسي او الباص او الترام |
اقتباس:
هلا با الغالي ابوعبدالله حبيب الشعب :3: يقدر يدخل دبلن بالفيزا البريطانيه لكن بشرط يطلع لها من بريطانيا يعني لو يطلع من السعوديه الى دبلن مايسمحون له لازم يختم دخول بريطانيا وبعدها الى دبلن يعني بخط السير المطروح يقدر يدخل دبلن بالفيزا البريطانيه |
اقتباس:
بيض الله وجهك وما قصرت |
بالنسبة للمواصلات والتمشيه في لندن اذا مدة جلوسك قليله 3 أيام اقترح عليك الباص السياحي يوديك كل الاماكن السياحيه .. تنزل وتطلع وخلي البرنامج من الصباح الباكر بالتوفيق |
مساء الورد اولا الرحله مكلفه خصوصا انك كتبت ان الدخل محدود ثم كثرة التنقل بالطيران الداخلي مرهق جدا لقلة عدد الايام انصحك تبقى في لندن واذا كانت الرحله بالصيف تضيف معها بللاك بول الجميله وبتغنيك عن الباقي وممكن منها تزور مانشستر وملاهي التون تاورز لو كان تحبون هذا النوع من الانشطه وكذالك منطقة البحيرات عموما ادنبره اجمل من غلاسكو وقد اضع لهم تقرير خصوصا اني زرتهم من لندن بالقطار مع الريف الاستكتلندي الجميل لكن اصر على التكلفه ماهي رخيصه الجواب على بعض الاسئله الاندرقراوند لايشمل - فرق كبير بين لندن وسكتنلدا سياحيا بكل شي |
استمتع بوقتك وننتظر تقريرك عن الرحلة |
| الساعة الآن 08:53 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO