|
إذا ممكن جدول مرتب لرحلتي بعد العيد !!! مرحبا بكم جميعا أعضاء وعضوات هذا الصرح الجميل انا إن شاءالله رحلتي بعد العيد وانا وزعتها كاالأتي الوصول إلى مطار هيثرو راح يكون في 30 \ 06 ع الس 17:55 وراح اكون في لندن إلى 05 \ 07 وراح انتقل إلى مانشستر وسأقيم فيها إلى 10 \ 07 ومنها سأزور كل من ليفربول وبلاكبول وراح استأجر سياره من مانشستر من تاريخ 09 \ 07 وراح اطلع فيها إلى ويندرمير وراح اقيم فيها يومين من 10 إلى 12 \ 07 وبعدها راح ارجع مانشستر وعلى المطار راح اسلم السياره وارجع على لندن من يوم 12\ 07 ع الس 15:05 وراح اكون فيها إلى غاية 18 \ 07 وراح اودع لندن والعوده إلى ارض الوطن إن شاءالله ع الس 15:00 هل من الممكن ترتيب جدول نوعا ما شامل لزيارة أغلب الأماكن نسبة لقربها من بعض في كل من لندن ومانشستر وكذلك ويندرمير ! مع زيارة اندية مانشستر وبعض اندية العاصمه وكذلك زيارة ويستر فيلج اوتليت وماهي افضل وسائل النقل العامه للوصول لكل مكان سياحي ؟ *هل احتاج لرخصة قياده دوليه لأستئجار السياره علما ان رخصتنا السعوديه مكتوبه ايضا بااللغه الأنجليزيه ؟ *ماهي انسب وارخص طريقه للمواصلات من المطار الى داخل لندن ؟ علما ان عندي بعد رخله الى مانشستر عن طريق مطار هيثرو يعنى راح احتاج اكثر من مشوار من وإلى المطار ؟ مع العلم ان عددنا 2 كبار وطفلين 10 و7 سنوات وطفله رضيعه وعدد من 4 الى 5 حقائب بين كبيره ومتوسطه *هل استطيع الأستعانه ب خدمات اوبر وماشابهها من تطبيقات للمشاوير من وإلى االمطار ؟؟ مع خالص تحياتي للجميع اخوكم \ ابوعدنان |
معقوله من ثلاث ايام ولا رد :21: لايكون الخبراء سافروا :e01d: وخلونا بحسرتنا |
اسفين على التأخير وابشر بالخير راح ارد عليك باقرب فرصه قريت موضوعك بشكل سريع لاتحتاج رخصه دوليه للسياقه في بريطانيا الرخصه السعوديه تكفي وتوفي اوبر هو ارخص تاكسي بتحصله لكن يعيبه ووقوفه خارج حدود مواقف المطار او يمر بشكل سريع عليكم لاخذكم من المطار افضل الحجز مسبقا لتاكسي يستقبلكم من داخل صالة المطار لاخذ الشنط والذهاب بها للسياره وعاده الاسعار من هيثرو لداخل لندن من 40 - ل 70 باوند |
هلا حياك الله ... سفر سعيد وموفق بحول الله المشكلة اللي يحط لك جدول راح يحطه على اللي يشوف انه حلو ومريح وممكن مايناسبك .. يعني لو سويت لك انا جدول ماراح تمر مع شارع فيه نادي موب عاد تدخله :14: ... احسن شي تشوف كم تقرير من التقارير الاخيرة مثل تقرير نجم السياحة وابومشاري وتوبليرون واخر فرصة الخ... وصدقني يتزبط جدول على كيفك ... انا احس الواحد لازم يتعرف ع البلد قبل يروح له .. وبالنسبة للرخصه مثل ماقال مشرفنا الغالي الرخصة السعودية تكفي وسبق جربتها انا . المواصلات من المطار شف هالموضوع لابو غسان https://www.arabtrvl.com/vb/t20917.html لو كانت رحلتكم لمانشيستر بالقطار بتكون اكثر متعة ... |
اقتباس:
أشكرك اخ فارس الجبيل ع المرور وبإنتظارك بإذن الله بس من وين راح اللاقي مثل هاالأسعار اللي ذكرتها لأني دخلت على موقع ميني كاب ودخلت المعلومات التاليه: عدد ركاب 4 مع ان معانا رضيع بس ماحسبته مع الركاب وعدد الحقائب 2 كبار و2 وسط وطلع لي السعر من المطار إلى داخل لندن 156 باوند والعوده الى المطار 148 باوند معقوله هذي اسعارهم والا أنا غلطان في شيء |
اقتباس:
اقتباس:
اشكرك اخوي بوعبدالله ع المرور والتعقيب انا كنت ناوي اطلع مانشستر باالقطار ولكن المشكله ان معاي المدام و3 اطفال ومايقارب من 4 الى 5 حقائب بين كبيره ووسط وخبرك حوسة القطار مع الأطفال والعفش وباالنسبه للجدول انا قصدي ترتيب الأماكن حسب خبرة خبراء الوجهه من حيث اهم الأماكن التي يجب زيارتها وحسب قرب الأماكن السياحيه وقربها من بعض يعني عشان ماتضيع علينا الأيام من غير ترتيب وباالنسبه لي انا احب ازور كل شيء |
السلام عليكم اخوي الكريم 150 باوند كثير جدا من هيثرو لداخل لندن بالكثير 60 باوند انت تحتاج سياره صغيره ميني فان خاصه ان الي معاك اطفال الله يحفظهم لك ويبلغك فيهم انا شخصيا دائما تعاملي مع هذه الشركة مواعيدهم دقيقه وسياراتهم جديده ومتعاونين جدا مرتاح معاهم من سنين London Airport Taxi Service ماعليك الا تعبئة البيانات ويطلع لك السعر غالبا من 40 - 60 باوند بالكثير او عن طريق تطبيق اوبر وهو الارخص في الغالب لكن اوبر لايستقبلك من داخل الصاله ينتظر في سيارته في الخارج وبالنسبة للجدول مثل ماقالك اخونا ابوعبدالله لندن بالذات لاتحتاج لجدول سياحي لان الاماكن السياحية المشهوره بجانب بعضها وبامكانك زيارتها جميعها بيوم واحد والتفاصيل الصغيره لاحقين عليها اذا عرفنا واستقرينا على جدول زياراتك للمدن وعدد ايامها والسكن بالتالي يمكننا من تحديد ماهو مناسب لكم بأذن الله |
اقتباس:
اقتباس:
تسلم اخوي فارس الجبيل ع المرور كلامك سليم فعلا مبلغ 150 جدا عالي بس طلع الغلط مني انا لأني مادخلت الوجهه باالشكل صحيح طيب اذا كانت رحلتي توصل مطار هيثرو الساعه 17:55 يعني كم الساعه احجزه ؟ وإذا حجزت ذهاب وعوده كيف راح يكون الدفع هل سيسحبون المبلغ من اول مشوار ؟؟ |
اقتباس:
عط عمرك ساعه على ماتطلع من المطار لان وقتكم اتوقع بيكون زحمه والدفع تقدر كاش بس على حسب الشركه اللي متعامل معاهم Sent from my iPhone using Tapatalk |
السلام عليكم مجرد ماتكتب رقم الرحلة هم راح يتابعون وقتها ووقت وصولها انت من تطلع من الصاله ستجدهم بأنتظارك حامل لوحه بها اسمك والدفع كاش بعد التوصيل بامكانك تدفع له كاش وكذلك نفس الطريقه في الرجوع ونصيحه لك لاتحجز ذهاب وعوده العودة قبل يوم الرجوع بيوم ادخل النت او كلمهم تلفون وستجدهم بانتظارك بالتايم واليوم المحدد عند فندقك والله يسر امركم ويحفظكم واي استفسار آخر جميعنا في خدمتكم |
| الساعة الآن 08:03 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO