|
إستئجرت كذا شقه إذا ممكن ترشحون لي أفضلها !!! مرحبا بجميع خبراء هذه الوجهه الجميله حسب ميزانيتي استئجرت كذا شقه في لندن ومانشستر وويندرمير إذا ممكن ترشحون لي افضلها حسب خبراتكم من ناحية الموقع والسعر وغيرها من الأمور وهم إذا كان عندكم شقق غيرها ياريت تدلونا عليها اولا لندن من 30\06 إلى 05\07 : ثانيا مانشستر من 05\07 إلى 10\07 : ثالثا ويندرمير من 10\07 إلى 12\07 : رابعا لندن من 12\07 إلى 18\07 : وكذلك لقيت كذا شقه في موقع airbnb بس ماحجزتها لأن اغلبها ماكو إلغاء مجاني ياريت من الخبراء مايقصرون معانا مع خالص تحياتي للجميع اخوكم \ ابوعدنان |
حاول يكون موقع السكن في لندن بالقرب من شارع اكسفورد حيكون غالي شوي .. لكنه يتوسط الاماكن السياحيه فيسهل عليك حركة التنقل وكمان حاول يكون بالقرب من محطة مترو بالنسبه لمانشيستر .. فهي مدينة صغيره والتكاسي فيها رخيصه حاول السكن يكون في الداون تاون بالقرب من شاينا تاون واشوف خمسه ايام كثيره عليها .. يكفيها ثلاثه وبالكثير اربعه ايام اذا بتروح ليفربول وترجع في نفس اليوم رحله سعيده |
اقتباس:
اشكرك اخوي نجم السياحه ع المرور والتعقيب طيب ممكن ترشح لي افضل الخيارات من اللي عرضتهم فوق وباالنسبه ل مانشستر راح تتضمن معاها ليفربول وبلاكبول واذا هناك وقت راح تكون في الالتون بارك |
بالنسبه لي لندن الفتره الاولى انا مع ثاني شقه الاخيره وقبل الاخيره احذفهم لسببين الاخيره عزك الله زباله و قبل الاخيره المنطقه باليل لك عليها .. مانشستر ثاني شقه حتى موقعها حلو ويندرمير رقم ثلاثه واربعه و واحد رتبتهم من ناحيتي الفتره الاخيره لندن رقم اثنين مجربته مرتب بس الغرف نوعا ما صغيره عموما اغلب فنادق وشقق لندن صغيره بعكس المناطق الخارجية والشقق اتمنى تشوفها بعينك قبل ماتدفع فلوسك كامله وان شاءالله قدرت افيدك وأساعدك بالاختيار Sent from my iPhone using Tapatalk |
اقتباس:
إن شاءالله راح أخذ كل نصائحك في الإعتبار |
اقتباس:
مرحبا مشرفتنا مشكلته انه غرفه وحده ومرررره صغيره مثل ماقلتي يعني موشقه راح يكون ضيق علينا ما أتوقع انه راح يناسبني ف وش رايك في الخيارين المتبقيين ؟؟ لاحظت انه موقعهم ممتاز وتقييمهم نوعا ما زين. |
وين خبراء الوجهه الأخرين فنحن في أمس الحاجه لكم في هذا الوقت ياريت ماتبخلون علينا بأرائكم القيمه ونصائحكم المفيده :42::63: مع خالص شكري وتقديري للجميع |
اقتباس:
رقم ثلاثه الفتره الاخيره بدال رقم اثنين Sent from my iPhone using Tapatalk |
زين هذي وش رايكم فيها وهل احجزها للفتره الأولى او للفتره الأخيره والا اخذها للفترتين ؟؟ انا اشوف انها افضل من الخيارات اللي قبل والا وش رايكم معليش ادري اني غثيتكم بأستفساراتي بس ماعليه تحملوني وأجركم على رب العالمين :10: :74: |
إختيار الشقة السكنية عادة يخضع لإعتبارات وأولويات يضعها الشخص الراغب في السكن بالدرجة الأولى ، أكثر من أن يطلب رأي الآخرين . فأحيانا أنا أفضل شقة قرببة جدا للأسواق والمحلات التجارية ، وفي نفس الرحلة وفي مدينة أخرى أفضلها في منطقة هادئة جداً . هذا عدا اعتبارات أخرى كثيرة ، منها : السعر ، والخدمات ، والموقع ، واتساع الغرف ، ووفرة المرافق ، ووقت القدوم والمغادرة ، وحداثة السكن ، الخ ..... وأشياء أخرى كثيرة . ولذلك لا أعطي الرأي الخارجي ( غير المجرب للموقع والساكن فيه من السابق ) أكثر من ما نسبته 10% !! وفي الختام .. هذا رأي شخصي " غير ملزم " . والسلام عليكم ،،، |
| الساعة الآن 01:00 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO