لندن مرة أخرى
 

السلام عليكم

أقوم هذه الأيام بوضع اللمسات الأخيرة على برنامج رحلتي إلى لندن بداية شهر يوليو القادم
ولدي بعض الاستفسارات آمل أن تتسع صدوركم للإجابة عليها

- أفضل وسيلة للنقل من وإلى المطار (أظن أن الأفضل هي minicab) ولا مانع من السؤال للتأكد
- أفضل طريقة لشراء التذاكر. خصوصاً للأماكن شديدة الازدحام مثل متحف الشمع وعين لندن. من المكان نفسه أم عن طريق موقع لتوفير الوقت. وإن أمكن ترشدوني للمواقع الخاصة بالشراء
- ماذا عن التجول ليلاً. هل هو آمن؟ وما هي الأماكن الآمنة عند التجول ليلاً؟ والوقت المسموح وإلى أي ساعة؟
- صرف العملة: هل يفضّل من بنك أو من محل صرافة أو من المطار. وهل من نصائح بخصوص المبلغ المصروف؟
قبل سنوات عندما سافرت لباريس وجنيف كنت آخذ معي كل يوم 50 يورو وأضع الباقي في الخزنة الموجودة في الغرفة
هل ترون هذه الطريقة مناسبة أو هل من اقتراحات

شكري وتقديري مقدماً

وعليكم السلام ..
الله ييسر لك ويهنيك وكل عام وانت بخير ...
- موضوع التنقل فيه موضوع لابو غسان ( اخر فرصة ) اعتقد انه غطى كل جوانب الموضوع هذا من واقع تجربته .
-التذاكر تشتريها قبل الوصول افضل سواء اون لاين او من مكتب بس لازم تعرف نظامها قبل ... مثلا لو شريت من موقع مدام توسو واخذت معها اماكن ثانية مثل عين لندن فانت لازم تروح مدام توسو اول على وقت حجزك وبيعطونك تذاكر للاماكن الثانية ( التذاكر هذي لازم تمر على اماكنها وتغيرهم بتذاكر ثانية وتحدد فيها الوقت اللي تبي ) بس مثلا عين لندن ماراح تمسك سرا طويل للدفع وبيرسلونك على طول لشباك التذاكر لانك دافع من اول .
- بالنسبة لي اقول لو بتنام في الشارع بالليل فمحد راح يكلمك ونسبة الامن جدا جدا عالية بس الافضل دايم الحذر وخاصة وقت المرور من جنب البارات مع اني ماسبق لي واجهت مشكلة مع اللي يطلعون منها لانهم غالبا مايبون احد ينكد عليهم :32: .. وطبعا مافيه وقت محدد لجلوسك بالليل والامر راجع لك انت وفيه اماكن ومطاعم تفتح كل الليل .
- صرف العملة المعروف ان المطار يكون هو الاغلى .. بالنسبة لي افضل اسحب كاش الحد الاعلى وادفع رسوم البنك 30 ريال اذا كنت محتاج فعلا للكاش .. بس ممكن تخلي معك كاش وتبدله من محلات الصرافة ومايكون كبير لان بطاقة الصراف بتكون كافيه لك ( اطلب منه يحاسبك بالباوند مو بالريال )
- ملاحظة : اذا كانت مشترياتك اقل من 3.5 باوند يعني مثلا شريت بس علبة موية فالافضل تحاسب كاش لانه بيدفعك نص باوند زيادة رسوم استعمال البطاقة لاقل من 3.5 باوند .
- حلو انك ماتشيل كاش كثير لانك بالاساس ماراح تحتاجه كثير الا مثل ماقلت لك بالنقطة السابقة .

الله يعطيك العافية ابو عبدالله
شاكر ومقدر لك

مثل ما تفضل بوعبدالله
بس انا انصح بالصرف من ديرتك لان الصرف عندهم مرتفع اشوفه
ورحله موفقه


Sent from my iPhone using Tapatalk

هذا اللي في بالي يا أبرار
الف شكر على مرورك

انظر الأجابات باللون الأحمر

العفو اخوي وهذا واجبنا واتمنى لك رحلة سعيدة وآمنه

كفيت ووفيت يا فارس الجبيل
الف شكر وتقدير

الله يسعدك ويخليك أم حسين
شاكر ومقدر حضورك

بلاكبيري كارس Blackberry cars ممتازين عن تجربة

Mini Cab Heathrow London Gatwick | Low Cost Service