شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة بريطانيا (https://www.arabtrvl.com/vb/f138.html)
-   -   رايكم في تخطيطي لبريطانيا (https://www.arabtrvl.com/vb/t32750.html)

بوصلووح 25-02-2018 11:55 AM

رايكم في تخطيطي لبريطانيا
 
السلام عليكم يا أعضاء المنتدى و خبراء بريطانيا ..

بازور صديقي يدرس في ليدز آخر مارس الشهر المقبل , و كل ما سألته شنو الجدول وين بنروح يقول تعال و بنرتب تعال و ماعليك هههه و انا ما أحب هذي الطريقة

أحب الترتيب المسبق لذلك أعددت جدول غير ملزم لكن عشان مانجلس في الفندق و مانعرف وين نروح و حبيت آخذ رايكم فيه , علماً بأن النزول من لندن و الرجوع من مانشستر .

و الغاية من السفر هو المشي و رؤية بريطانيا و زيارة في الله لا أكثر .. لا تسوق ماركات ولا مطاعم غالية ولا فشخره , سفرة بسيطة يعني , وخاطري أجرب المواصلات العامة الاندرقراوند و السفر بالقطار .

و بما ان شقته موجودة فبتكون رحلة مريحة اقتصادياً ناكل من ماجلته و نرقد في غرفته خوش شي هههه , لكن بنقعد يومين في لندن و يومين ويندرمير حمستوني عليها في تقاريركم و آخر يوم بنسكن في مانشستر قريب المطار .

و شفت خبراء لندن ينصحون بالسكن في منطقة كناري وارف خاصة انها هاديه و بعيدة و احنا ما نحب الضجة فحجزت فيها اليومين الي في لندن .. و هذا الجدول

22\3 : الوصول إلى لندن الظهر 12:30 الذهاب لفندق هيلتون كناري وارف ليلتين QAR 1,260 £246.40 جولة خفيفة حول الفندق و استكشاف المنطقة .. مزرعة قريبة منا اسمها Mudchute Park وحديقة Millwall Park و بالقرب منها مطعم هندي The Gaylord

23\3 : الفطور قريب من الفندق .. ثم الذهاب بالاندرقراوند إلى قصر بكنقهام ثم نتمشى إلى بق بن ثم ساحة ترافلجار ثم اجوانرود, نتغدى فيه عقب نتمشى في هايدبارك الى شارع هارودز و العودة للفندق

24\3 : الذهاب إلى ليدز

25\3 : يوم في ليدز سوق قريب من الشقة Trinity Leeds المشي إليه و في الشارع التجاري و السوق القديم

26\3 : يوم في ليدز حديقة Roundhay Park و أي اقتراحات

27\3 : الذهاب إلى ويندرمير منطقة البحيرات الدخول للفندق Beckmead House ليلتين ب QAR 865 £170 الذهاب للبحيرة لأخذ جولات القارب

28\3 : الاستيقاظ مبكراً الفطور وزيارة مطلOrrest Head Viewpoint ثم زيارة Ambleside الغداء فيها وزيارة الشلال و نظرة على المنطقة ثم العودة للفندق

29\3 : الاستيقاظ مبكراً نظرة اخيرة على البحيرة و العودة إلى ليدز

30\3 : يوم في ليدز

31\3 : الذهاب لمانشستر السكن فيها - قد نذهب لمباراة مانشتسر - أو جولة فيها او في ليفربول

1\4 : الفطور و الذهاب للمطار العودة من مطار مانشستر الطائرة الساعة الثالثة عصرا




شقته في ليدز قريبة من الجامعة و احذاها شوارع تجارية و مولات و بولنق و أسواق شعبية

أي اضافات على الجدول او تعديل أو اقتراحات يسعدني سماعها

و انا عندي بعض التساؤلات ..

( كيف انتقل من المطار إلى منطقة كناري وارف بالمواصلات العامة و هل بطاقة اويستر فعلاً ارخص بفرق كبير من الحجز بدونها علماً ان جلوسنا في لندن يومين فقط ؟ و كم سعرها )

(يقال يوجد في كناري وارف مولات صغيرة او اسواق ما أسمها او احداثيتها في قوقل ماب , و هل من مطاعم مقترحه يفضل لو حلال )


وشكراً لكم مقدماً

آخـــرفـــرصـــة 25-02-2018 02:59 PM

وعليكم السلام

هلا ابو صلوح منور البوابة البريطانية

يعني ناوي على الرجال الظاهر يعلن افلاسه بعد رحلتك خخخخخخ

اشوف السكن في كناري وارف بعيد شوي بس مقبول و راقي
وخط الاندرقراوند المهم لك هو الرصاصي جوبلي

اول ماتوصل بالسلامة تروح لمنطقة الاندرقراوند وفيه مكينة هناك تشتري منها
كرت اويستر pay as you go بالكريدت كارد أو بطاقة الصراف
مسارك كالتالي : الخط الازرق بيكاديللي الى قرين بارك
ثم تنزل وتاخذ الخط الرصاصي جوبلي الى كناري وارف
وبالطبع ارخص بكثير من التكاسي يمكن يكلف حول 5 باوند
لكنه قد يأخذ منك حول ساعة ونص بينما التاكس ممكن ساعة
لذا لاتاخذ الا الاندرقراوند و استمتع بالحياة

المخطط جداً رائع
بس في مانشستر لازم تزوروا السوق ترافورد سنتر

هنا موقع الكناري وارف وفيه مجمع للتسوق ومطاعم مختلفة منها هندي

https://canarywharf.com/

لكن اذا نويت تتسوق خلك على شارع الاكسفورد او هارودز

بوصلووح 26-02-2018 08:32 AM

اقتباس:

المشاركة الأصلية كتبت بواسطة آخـــرفـــرصـــة (المشاركة 379890)
وعليكم السلام

هلا ابو صلوح منور البوابة البريطانية

يعني ناوي على الرجال الظاهر يعلن افلاسه بعد رحلتك خخخخخخ

اشوف السكن في كناري وارف بعيد شوي بس مقبول و راقي
وخط الاندرقراوند المهم لك هو الرصاصي جوبلي

اول ماتوصل بالسلامة تروح لمنطقة الاندرقراوند وفيه مكينة هناك تشتري منها
كرت اويستر pay as you go بالكريدت كارد أو بطاقة الصراف
مسارك كالتالي : الخط الازرق بيكاديللي الى قرين بارك
ثم تنزل وتاخذ الخط الرصاصي جوبلي الى كناري وارف
وبالطبع ارخص بكثير من التكاسي يمكن يكلف حول 5 باوند
لكنه قد يأخذ منك حول ساعة ونص بينما التاكس ممكن ساعة
لذا لاتاخذ الا الاندرقراوند و استمتع بالحياة

المخطط جداً رائع
بس في مانشستر لازم تزوروا السوق ترافورد سنتر

هنا موقع الكناري وارف وفيه مجمع للتسوق ومطاعم مختلفة منها هندي

https://canarywharf.com/

لكن اذا نويت تتسوق خلك على شارع الاكسفورد او هارودز



اهليين .. منوره باهلها =)

انا اتجسس على هذي البوابة من زمان لكن هذا اول موضوع

هههه اي كم مرة بنزوره خله يتحمل :e12f:

جزاك الله خير أفدتني جداً في المسار

انا اقصد ارخص لو خذت البطاقة او استخدمت المواصلات العامة بدون البطاقة يعني ادفع و ادخل

ولا لازم الدخول ببطاقة ..

ان شاء الله بنحط سوق مانشستر في الجدول

و الحين باخذ لفة في موقع كناري وارف .. مشكوور ياخوي ماتقصر

ماجد القطري 26-02-2018 10:57 AM

بوصلوح صدتك خذوني معاكم باكون مأدب ومطيع


ياخي يكفي الهواء النقي و الطبيعة مش لازم جدول مثل تركيا


قالي عبدالله انه راح وساق هناك وانت عارف سواقة بريطانيا كلها عكس والله يدوخ راسك :10:

مافي امل اسوق في اوربا احب امشي وامشي وامشي اللهم لك الحمد

بوصلووح 26-02-2018 01:31 PM

ههههه حياك الله .. حاولت ارتب في نفس الوقت الي بيروح فيه عبدالله بس ماتيسر لنا
اي والله يقولي انه ساق و ضرب رصيف و دفعوه مبلغ كبير هههه
فأنا متردد الصراحة متخوف من السواقة بالعكس
فقررت اكتفي بالمشي و المواصلات العامة .. صج كانت لي زيارة سابقة إلى لندن
لكن ما اعتبر نفسي زرتها عدل لان غالب الوقت مع مواعيد و المستشفى ماركبت مترو ولا باص
ولا جربت اروح مدن برع , فأكيد هالسفرة بتكون مختلفة و مثل ماقلت يكفي الهوا النقي و الطبيعة

q8ya metnaqla 07-03-2018 09:01 AM

بوصلوح

الحين لازم اويستر ما في اركب وادفع قبل ما تركب لازم معاك الاويستر

وكناري وارف حلوه ومرتبه ومنظمة خووش اختيار للسكن فيها شوارع وأسواق مفتوحه
وموبعيد عن مجمع ستراتفورد و حديقة اليزابث Queen Elizabeth Olympic Park

في وايد مطاعم حواليك مقابلك مطعم تركي و في جيمس الإيطالي ومطعم تومز كيتشن

هذي حديقة بالروف
crossrail place roof garden في كناري وارف

وهذا مشهور في الحلو

https://canarywharf.com/eating-drink...olas-cupcakes/

في ساحة cabot square يسون فيها معارض وأسواق و اكل والخ ان شاءالله وقتك يكون فيها .

و رحلة سعيده

بوصلووح 07-03-2018 09:36 AM

مشكوورة اختي والله افدتيني وايد
يعني اول ما انزل في المطار اروح محطة القطار و اخذ بطاقة حق يومين صح
ماشاءالله وايد مناطق قريبة من كناري وارف
حديقة غرينتش و التلفريك و القبة The O2
غير الأسواق و المطاعم غير الاماكن الي ذكرتيها
و جولات النهر و المتحف البحري ..
شي عجيب الصراحة وين الناس عنها كله يصورون هارودز وبس هههه

الفترة في لندن كلها يومين .. مادري أقضيها في هالمنطقة ولا أروح الأماكن التقليدية
أفدتيني و حيرتيني في نفس الوقت هههه
الله يعطيج العافية

q8ya metnaqla 07-03-2018 10:10 AM

اي والله عجيبه خلهم صوب هارودز لا يون مناطقي
ههههههه انا اقول خلك فيها وتقضي وقتك فيها احلى


Sent from my iPhone using Tapatalk

بوصلووح 11-03-2018 10:25 AM

الله يعطيج العافية ماقصرتي

q8ya metnaqla 11-03-2018 12:33 PM

اقتباس:

المشاركة الأصلية كتبت بواسطة بوصلووح (المشاركة 383381)
الله يعطيج العافية ماقصرتي



الله يعافيك ما سويت شي


Sent from my iPhone using Tapatalk


الساعة الآن 05:22 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO