شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة بريطانيا (https://www.arabtrvl.com/vb/f138.html)
-   -   كناري وارف لندن و ليدز و البحيرات (https://www.arabtrvl.com/vb/t34148.html)

بوصلووح 30-04-2018 12:23 PM

كناري وارف لندن و ليدز و البحيرات
 
بسم الله نفتح تقرير جديد

هذا التقرير من نفس رحلة التقرير السابق

نظرة تأمليّة لرحلتي البريطانية


كانت الرحلة في نهاية شهر مارس

وقلت بما ان في منطقتين من الي زرتهم التقارير عنهم قليلة

باكتب هالموضوع لعله يفيد حد بتجربتي البسيطة

و اعتذر عن رداءة بعض الصور وقلتها

حقيقةً أنا ماكنت مستعد لتقرير مفصل كهذا

لكن عسى الله يقدرنا و نكمل التقرير ..

وشكرا لكل من تفاعل مع التقرير السابق

اقربوا و ترقبوا :24:

بوصلووح 30-04-2018 12:39 PM

منطقة كناري وارف في لندن


أول مابديت التخطيط حق الرحلة .. فكرت وين أسكن

و أنا ابغي أشوف لندن بنظرة مختلفة عن نظرتي السابقة

و ابغي اشوف أماكن .. غير عن الأماكن المعتادة

وين أسكن ؟ قريت عن منطقة جميلة .. مختلفة عن لندن

مبانيها حديثة .. أسعار السكن ارخص .. الغرف أوسع

لكن بعيدة شوي .. هل البعد عيب ؟ و في لندن خاصة ؟

مع وجود شبكة مواصلات متطورة

لندن المترامية الأطراف كلها قريبة من بعض

فتوكلنا على الله و قررنا السكن فيها في فندق الهيلتون

كناري وارف


تبعد كناري وارف عن وسط لندن ربع ساعة تقريبا بالاندرقراوند



https://uploads.tapatalk-cdn.com/201...4b535ab6e7.jpg

من المطار اتجهنا بخط البيكادلي الى محطة قرين بارك

https://uploads.tapatalk-cdn.com/201...44d2b14b4c.jpg

وغيرنا منها في خط جوبلي الى منطقة كناري وارف

https://uploads.tapatalk-cdn.com/201...e5e6dff3e2.jpg


تعتبر كناري وارف منطقة رجال أعمال بالدرجة الاولى و سياحية أيضا

وجه حديث للندن مختلف عن وسط لندن التاريخية ذات المباني القديمة

اول مانزلنا من المحطة انبهرنا بمحطة كبيرة جميلة ذات سقف زجاجي ( احداثية المحطة )


https://uploads.tapatalk-cdn.com/201...db79c2ea15.jpg


https://uploads.tapatalk-cdn.com/201...94fdde1545.jpg

ومتصل بالمحطة عدة مولات و مداخلها كثيرة

ركبنا هذا السلم الكبير متجهين للاعلى واذا بمدينة لا تشبه لندن اطلاقا

https://uploads.tapatalk-cdn.com/201...5d47b8e259.jpg


https://uploads.tapatalk-cdn.com/201...bd81e5cf59.jpg


ابراج و مارين وجسور وعدة انهار صغيرة تخترق الممرات

عبرنا هذا الجسر ووصلنا الى فندقنا الهليتون وقضينا فيه ليلتين ب1,238 ريال قطري

https://uploads.tapatalk-cdn.com/201...9d8710bc7c.jpg

https://uploads.tapatalk-cdn.com/201...cc77deab6b.jpg

https://uploads.tapatalk-cdn.com/201...8cad15f756.jpg

يوم وصلنا جنب الشارع وشفنا الباص الاحمر تاكدنا اننا مازلنا في لندن هههه


ثم نزلنا نتمشى في المنطقة فيها ساحات حلوة ومطاعم ومحلات اشكال وانواع لكن كان تعب السفر فينا للحين

فكانت جولة استكشافية لمنطقة ماسمعنا عن حد سكنها من قبل او حتى جاها

الا في هالمنتدى الرائع الي تعلمت منه الكثير ، شفت اخوي وجهات اوروبية ينصح الناس في استفساراتهم بالتغيير والسكن في هذي المنطقة .

وماقصروا اختي كويتية و اخوي اخر فرصة في استفساراتي شجعوني اكثر ان اسكن فيها وكانت تجربة جميلة

https://uploads.tapatalk-cdn.com/201...0ddea9c549.jpg

https://uploads.tapatalk-cdn.com/201...b7184e7e53.jpg

https://uploads.tapatalk-cdn.com/201...b4c264109e.jpg

https://uploads.tapatalk-cdn.com/201...563f7f3b18.jpg

https://uploads.tapatalk-cdn.com/201...629440aa5f.jpg


https://uploads.tapatalk-cdn.com/201...69c38b6448.jpg

https://uploads.tapatalk-cdn.com/201...6071f4d4f4.jpg

https://uploads.tapatalk-cdn.com/201...04bead0142.jpg


https://uploads.tapatalk-cdn.com/201...edb3f28b7d.jpg

هني حسينا شوي ان تصميم المكان يشبه الحرم المدني

https://uploads.tapatalk-cdn.com/201...4ccf875423.jpg

https://uploads.tapatalk-cdn.com/201...c63664ef62.jpg




رحنا لمطعمين في هذي المنطقة

و رحنا لوسط لندن بطريقة ممتعة

ترقبوا تكلمة التقرير .. =)


https://uploads.tapatalk-cdn.com/201...7b0ec29d5f.jpg

بوصلووح 30-04-2018 12:39 PM

حذف

الايمان 30-04-2018 01:12 PM

ياسلام على كناري وورف من المناطق الراقية والهادية في لندن
تتميز بانها منطقة شركات وأعمال خصوصا الصبح كلهم لابسين بدل رسمية والحريم جاكيتات وتنانير

وايد حلو انك غيرت مكان السكن واخترت منطقة ثانية
أتوقع العوايل الخليجية ماتسكن فيها بسبب بعدها عن الاكسفورد والمطاعم العربية في الاجورد رود

بوصلووح 01-05-2018 09:10 AM

اقتباس:

المشاركة الأصلية كتبت بواسطة الايمان (المشاركة 395417)
ياسلام على كناري وورف من المناطق الراقية والهادية في لندن
تتميز بانها منطقة شركات وأعمال خصوصا الصبح كلهم لابسين بدل رسمية والحريم جاكيتات وتنانير

وايد حلو انك غيرت مكان السكن واخترت منطقة ثانية
أتوقع العوايل الخليجية ماتسكن فيها بسبب بعدها عن الاكسفورد والمطاعم العربية في الاجورد رود

اي صح الصبح كلهم رسميين و يمشون بسرعة
بسرعة بسرعة لدرجة انهم يربكون الواحد هههه
كأنهم خلية نحل اتحسين كل واحد مشغوووول

اي صح يمكن مايسكنوها بسبب البعد عن اكسفورد و شارع العرب
بالرغم من ان كناري وارف فيها كل الحاجيات

طوق الياسمين 01-05-2018 09:43 AM

منطقة جميلة
لكن عمري ماتشجعت وسكنتها


تقرير حلو


ننتظر التكملة


شكرا لك

ماجد القطري 01-05-2018 11:57 AM

:e030:
ما شاء الله تبارك الرحمن

روعة يبيلنا جلسه معاك تفصيلية لو صارت فرصة نروح لهذي المنطقة مع الاهل




تصويرك روعة و احترافي

آخـــرفـــرصـــة 01-05-2018 09:05 PM

انا مع ابو عبدالله تصويرك اعطى جمال اكثر للمنطقة
التغيير حلو و يعطيك خيارات كثيرة
فعلا بهالمنطقة تحس انك خارج لندن
كلها ابراج تشوف لندن منها شكل ثاني
برضه الجسور فوق نهر التايمز من اجمل اماكن التصوير

كيف تقييمكم للفندق ؟

q8ya metnaqla 01-05-2018 09:25 PM

الله يا بو صلوووح

الكناري بالنسبة لي من احلى المناطق مرتبه وحلوه ونظيفة وهدوء بس لوية الصبح مع الدوامات


الهيلتون جميل
ومتابعه معاك التقرير

بوصلووح 02-05-2018 09:06 AM

اقتباس:

المشاركة الأصلية كتبت بواسطة طوق الياسمين (المشاركة 395587)
منطقة جميلة
لكن عمري ماتشجعت وسكنتها


تقرير حلو


ننتظر التكملة


شكرا لك

مرحبا اختي طوق الياسمين
مب شرط السكن حلو تخصصون لها يوم في الجدول
خاصة ان المحطة الي قبلها و الي بعدها فيها اماكن وفعاليات حلوة بعد
العفو .. وشكرا على التعليق :13:



اقتباس:

المشاركة الأصلية كتبت بواسطة ماجد القطري (المشاركة 395623)
:e030:
ما شاء الله تبارك الرحمن

روعة يبيلنا جلسه معاك تفصيلية لو صارت فرصة نروح لهذي المنطقة مع الاهل




تصويرك روعة و احترافي


أبشر .. حاضرين للطيبين :24:
شكراً لك


الساعة الآن 09:15 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO