|
لندن وشوارعها وباصاتها ومطاعمها. (ايجابيات وسلبيات) السلام عليكم انا الان في لندن لي يومين والحمدلله اخذت سكن في كنغستون امس كان حر. واليوم الجو جميل وبراد صدمتي بلندن. رحت الهايد بارك امس متحمسه تفاجئت بالاهمال فيها مافيه اي اهتمام والزرع اصفر ما اشوف فيه رش صدمتي الثانيه بشوارعها مافيه نظافه ابد اكوام زبايل بكل خطوه تمشيها ولافيه حاويات كثيره غير وصخ الكلاب الله يكرمكم بكل مكان صدمتي الثالثه الغلا الفاحش سمعت انها غاليه لكن جدا غاليه خاصه لما يكون عدد الاشخاص 5 وفوق علبه الماء والبيبسي ي ب6 ريال الشاورما اخذناها من مروش الحبه تقريبا 35 ريال خبز التوست وصغير ب 12 ريال لا له طعم ولا ريحه مطعم مسكوف تغدينا ب 800 ريال فقط صحن مشاوي وصحنين مقبلات وصحن ورق عنب يعني اشوف اللي ميزانيته محدوه ومعه عائله لندن غاليه ماتنفع له الباصات وسيله جميله وسريعه لكنها غير مكيفه والوقوف تقريبا اقل من دقيقه ياتلحق او ماتلحق طبعا الانجليزي يعشقون تربيه الكلاب في تشوف في الشارع تنافس كل واحد معه ثنين ثلاثه او حتى خمسه الشحاذين بكل مكان وجميع الجنسيات الايجابيات اعجبني التمشي بشوارعها والعالم والناس. اشكال غريبه عجيبه تشغلك عن مساوئ لندن. الان عندهم تخفيضات تحصل ملابس وجزم والخ اسعار جميله برضو محل بريماك جميل وفيه اشياء تستاهل الى الان ماتعديت هالاماكن وغدا ان شاءالله نروح الى سوق كامدن ونهر التايمز واعلمكم وش الجديد. انا الان بحيره حجزنا لمده 20 يوم تقريبا. نص اللي معي متملمين ماعجبتهم لندن. :12: حبيت اسالكم انا جايه على الخطوط طيران الخليج هل بالامكان تقديم الحجز بدل 20 يوم 14 يوم |
ليش ما تطلعون لمدن ثانيه غير لندن لندن بالصيف زحمه واكيد غالي دام انتو رايحين الاجور رود والمطاعم العربيه معروفه استغلال للعرب انا اوصيج اطلعي بره لندن وشوفي الطبيعه الخضراء في البحيرات هايد بارك مافيها رش بالصيف الجو حار والناس زحمة فأكيد بتيكون الزرع اصفر مافي مطر اون شاءالله الاماكن اليايه تعجبكم المشروبات روحي السوبر ماركت في تلاقين ٦ علب بيبسي ب ٢ باوند والماي فيه كرتون ب ١ باوند وفي اشياء ثانيه ما يحضرني اسم السوبر ماركت بس موجود بالاجور رود ليست البقالات العربيه لا لا هو سوبر ماركت انجليزي |
وش رايك بمانشستر تنصحيني فيها. انا معاي صغار بعمر 12 و15 واخاف يملون لو طلعت للبحيرات او مانشستر احنا رحنا لندن ظروف عمل زوجي وليس وجهه سياحيه فاخذناها 10 ايام عمل والبقيه سياحه اما الان احس الوضع اختلف ويكفي لندن 10 ايام فقط اعطيني مكان مافيه زحمه والجو يكوت بارد ويجمع تسوق وطبيعه |
وعليكم السلام ... - الزبايل اللي تقولين اكيد بسبب جمعها لليوم الثاني . - الهايد بارك لان الان شهرين بدون مطر وهذي ماقد صارت ابدا ... اكثر شي يجلسون 10 ايام بدون مطر . - فيه محلات اسمه باوند لاند https://www.poundland.co.uk/ l موجوده بكل مكان واكيد حولكم واحد وهي اسعارها مقبوله (يعني 4 علب او 6 مويع بباوند واحد وفيه عروض على المشروبات والسناكات . وفيه هذي المتاجر https://www.iceland.co.uk/ بعد رخيصه وعندهم اكل جاهز مفرزن اذا سكنكم فيه ميكرويف خذوا منهم واكلهم مره لذيذ وهو نفس اللي يباع في المطاعم ب 10 و 20 باوند بس بتاخذونه ب من 1 الى 4 باوند للوجبة . - الاكل في المطاعم العربية معروف .. يعني جايين من السعوديه مثلا عشان تاكلون شاورما والا مشاوي .. اكيد بيرفعون عليكم خمس اضعاف مقابل خدمه اقل من المستوى .. وعموما معروف المطاعم والمواصلات هنا غاليه . - التمشيات مليانه انتم بس رحتم للهايد بارك وحولها .. بكره بيتغير رايكم مع كامدن والتايمز .. ولاتنسون كوفنت قاردن .. والمشي من عند عين لندن ( خلوها على يساركم ) وامشوا بمحاذاة النهر مليان تمشيات ودخلات على اليمين الى جسر برج لندن هذا بياخذ منكم يوم تقريبا . والاماكن مره كثيرة بس المشكلة الحقيقية الان الحر والشمس بس اذا غيم يزين .. والقسم مليان مررررررره اماكن تمشيات بالصور وحرام تنقصون من ايامكم عشان شفتوا الهايد بارك يابسه !! |
اقتباس:
واذا حابه مدينه ما يملون منها الاطفال بلاكبول العاب وبحر وفيها تسوق شوفي تقريري بتشوفين اما الزحمه اعتقد ما راح تكون غير مزحومه لان الجو حلو فيها ومناسبه للعوايل روحي غلاسكو كارديف ترى وايد حلوين بس ترى من الحين اقول لج بيصير عليج تكلفه اضافيه لاسعار القطارات غاليه اذا حجزتيها بنفس الوقت او قريب مفروض مدبرة الحجوزات من قبل لا تسافرين وتعرفين الميزانيه روحي بلندن حقول اللافندر مكان حلو للاسترخاء ومافيه زحمة مع ان اشوف الناس قامت تروح بعد تقريري لها :29: |
مشكورين وجزيتم خيرا وان شاءالله نشوف الافضل الايام الجايه ابو عبدالله اي ناكل اكل عربي هو اللي يناسبنا وحلال باقي اكلهم مانعرف من ايش مكون ونشتري سناكات كيك وشيبسات تمشي الحال انا بجلس بلندن 10 ايام والاسبوع الاخير ودي اطلع منها لاني اصلا ماعملت حجز سكن لها وبقيمتها اقدر اخذ سكن في مانشستر وتذاكر للقطار دخلت بوكينج وشفت فرق السعر في السكن عن لندن عموما انا لندن حبيتها واعرف ان كل بلد فيه ايجابيات وسلبيات. لكن من كثر ما اسمع عنها توقعت انها افضل من اللي شفت وان شاءالله ابشركم بالاخبار الزينه والتمشيات باقي الايام |
اقتباس:
حطي موضوع يوميات |
انا اقول لج اكثر من ينصب في لندن هم العرب فيعني لا تحسبين ان المطاعم هناك تاخذ الدجاج المذبوح حلال فعادي ياخذون من المزارع او الشركات الانجليزيه فشنو ضمانج انه حلال ؟ فاحسن شي سمي وأكلي |
رجعت لكم مره ثانيه. حبيت اقولكم وين رحت في لندن الايام اللي فاتت في البدايه اصبنا باحباط من الطقس. الجو حار واحيان مايكون فيه هواء الا في بعض الايام. والله يزين باقي الايام وينزل المطر الخميس رحنا لكوفنت جارد هو المكان الوحيد اللي عجبنا وعجب الصغار وطلعنا منها لكامدون تاون برضو كانت ممتعه امس رحت لسوق السبت كان ممتع ومزحوم اليوم حديقه الغزلان ريشموند بارك بعيده قليلا وصراحه ماعجبتنا ابد كبيره جدا وتحتاج مشي كثير والعشب اصفر وحر المنزل قريب جدا من حدائق كنغستون افضل شي الجلوس عند بحيرتها ادري تحبون لندن وهذا رايي الشخصي وماشاهدت يمكن الجو له دور حنا طلعنا من مكان حار نبغى مكان بارد ومطر لكن لاشي من هذا رايي اللي معي اغلبهم يعدون الايام يبون يرجعون ماعجبتهم ابد اكثره مشي ومتعب للصغار كثر التنقلات اما انا عجبتني الحياه والحركه فيها برضو مو نفس اللي تخيلت. يعني حبيتها ولاحبيتها ومازلت انتظر اشوف الاجمل فيها |
موجة الحر ضاربة هذه السنة بكل مكان واوروبا ليست مستثناة. طبعا تزيد الحرارة بالمدن الكبيرة السياحية نظرا لازدحامها. الافضل الاتجاه الى الريف والاماكن المرتفعة. |
اللي يجي الان وماتعجبه معه حق مررره وماينلام وبصراحه الله يعوضهم بخير منها تخطيط اشهر ويمكن سنة عشان لندن واخرتها لندن حر ويابسه ... كل اماكن التمشية تتطلب الجو الحلو والان الجو مررره سيء ودرجة الحرارة مرشحة للارتفاع لقريب من الاربعين مع دخول اغسطس ... بالنسبة لي شهرين الان مانروح برا الا خفيف مره وحول البيت ... الموجه هذي ضاربه اكثر اوربا وجزء من امريكا حتى السويد اجزاء منها تشتكي من الجفاف ومخاف من اندلاع الحرائق الان |
الله يعينكم ان شاءالله يبرد الجو وتستانسون |
والله صدمتي انا وعيالي كبيره. ولندن لاتصلح سياحه بل هي فقط تسوق ومطاعم ومن الساعه 5 او 6 المحلات مسكره مافي مكان تروح له الا الحدايق والساعه 9 تظلم الدنيا مافيها اناره |
اقتباس:
|
اقتباس:
|
اقتباس:
|
اختيار لندن بالصيف خاطيء جدا زحمه و غلاء ومرات تضربهم موجة حر مثل هالصيف في 2016 صار معانا نفس هالوضع و قررت ان الغي لندن في الصيف نهائيا بس المشكله للي عنده اعيال بالمدارس ماراح تناسبه الا بالصيف:22: |
اقتباس:
بس اللي يدور والمحلات بالاكسفورد اغلبها مفتوح للساعه 8 رحت صيف وشتاء نفس الشي بس بره لندن المحلات تسكر الساعه 6 بس المطاعم الساعه 10 فاتحه |
الحمدلله على سلامتكم والله يعوضكم باجازه افضل انا كنت ازور لندن بالسنة مرتين لغاية 2014 كانت معشوقتي زرتها شهر 9 الماضي, بصراحة صدمة قوية!! وانا الان اجهز تقرير عن الرحلة بالنسبة لغلاء الاسعار معروف بلندن هالشي انها من اعلى مدن العالم. كان بامكانك تاخذين احتياجاتك من الهايبرماركت مثل تيسكو وسانسبوري. شدة الماي بها 9 قوارير بـ 2 او 3 باوند. اغراض الفطور والاطفال اشتريها من عندهم. الخبز التوست وغيره. الحمدلله على سلامتكم والله يعوضكم باجازه افضل |
شكرا على التقرير |
شكرا جزيلالك على التغطية |
بانتظار المزيد من المواضيع المفيدة |
لندن عشت فيها سنتين والله كانت اجمل حياتي بس فعلا غاليه |
:e022: |
مو شرط الكل يحب لندن .. انا صدمت بلندن لما رحتها اول مره .. وزرتها اكثر من مره للعمل او مع العائله ولم اتمكن من حبها او الاعجاب بها الى اليوم لكني لا اندم على مكان ازوره ابدا .. كل انسان له ذوق وانا لم ترق لي لندن وهذا ليس بغريب وهذا بداخلي لا استطيع تغييره .. |
اقتباس:
|
جميل |
الحذر من هذا المطعم وسيكون له موضوع خاص بإذن الله حتى أحذر الناس منه التحذير من هذا المطعم في مطار هيثرو صالة 4 هذا المطعم يبدو أنه لبناني ويضع لوحة حلال واسمه Comptoir Libanais في مطار هيثرو صالة رقم 4 الصالة حيث تقلع وتهبط فيها معظم خطوط الطيران الخليجية كالسعودية والكويتيه والاتحاد . ممايؤسف له ويحز في النفس في الرحلات وجود نصابين ومخادعين وسارقين ومحتالين ومما يزيد الألم أنهم من العرب وبخاصة عرب الشام وجنوب تركيا حيث قام أحدهم ويبدو أنه لبناني الجنسية بمخادعتنا والسرقة فيما يبدو أنه عمل سحري أو خفة يد وأحذر الناس منه خاصة أنه في مطعم في مطار هيثرو ومن صالة مغادرة الخطوط السعودية صالة رقم 4 قرب بوابة 11 . اسم المطعم Comptoir Libanais صالة رقم 4 بين بوابة 10 -11 حيث قام النادل أحد العاملين في المطعم لبناني على ما يبدو من لهجته بإحضار فاتورة غير موضح فيها الطلبات وبها سعر مبالغ فيه وعند مناقشته قام بمغافلتي وسحب البوك من جيبي والاستيلاء على جميع المبلغ والحمد لله لم يكن مبلغ كبير لاعتمادي على البطاقة وسرق قرابة 75 باوند هي كل اللي كان في محفظتي ثم طالب بtax ضريبة رغم أن منطقة المطار غير مشمولة بالضريبة . حيث يعتمد هذا المحتال على كلمات غريبة والاقتراب منك وعمل حركات غريبة بعدها أحسست بدوخة وما شعرت بنفسي إلا قرب الطائرة . لونه أبيض ويكرر كلمات حبيبي حبيبي ويقترب منك كثيرا |
اقتباس:
المتاحف لمن يحب التاريخ والمعرفة ( نصيحة لاتذهب لشارع اجولرود في الصيف ) |
السبب المدن الكبيره كلندن وباريس اصبح يطغى عليها ثقافه المهاجرين واسلوب حياتهم مثلا مواطني لندن بدؤا منذ منتصف الالفيه بحملات للتذمر من هذا الامر وظهرت جمله لندستان Londonistan كرفض للوضع الذي الت اليه مدينتهم |
يعطيكم العافيه |
الحمدلله على سلامتكم ومعوضين خير الجو الحار يخلي مزاجك سئ حتى لو كنتي في اجمل بقعه على الارض راح تشوفينها أسوا مكان على الارض |
| الساعة الآن 07:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO