القيادة في بريطانيا
 

السلام عليكم


عندي استفسار عن القياده في بريطانيا (المدن الصغيره)قرى

هل بإمكان المرأه القياده بسهوله؟ وما الذي يلزم لذلك غير الرخصه السعوديه ؟




جزاكم الله خير

اول ساعه من القيادة بالجانب الايمن بتتلخبطين شوي لان المخ مو متعود على المسارات المعكوسه لكن بعدها ستتأقلمين مع الوضع واتمنى لكم قياده امنه ورحله سعيده

.

وعليكم السلام ..
القيادة في القرى خطيرة شوي ولازم الواحد ينتبه مره ... لان في بعض الطرق الزراعية الطريق يكفي لسيارة واحده بس واحتمال يقابلك احد وارد جدا ( احيانا معدات زراعية ) فلازم الانتباه للطريق ولجانب الطريق عشان ماتطيح سيارتك بحفرة لو فكرت تفتح الطريق شوي .
الشي الثاني في القرى ممكن يكون قدامك ناس على خيول ( احيانا اطفال ) وبهذي الحالة لازم تتجنب استعمال منبه السيارة وتتاكد ان تجاوك لهم يكون جدا آمن لهم وماتحاول ابدا تقرب منهم وغالبا اللي ع الخيل بيأشر لك متى تقدر تتجاوزه .

- مع الانتباه للاشياء هذي فالقيادة في القرى جدا ممتعه وبتلقون اماكن كثيرة توقفون فيها وتتمشون ..

- قاعدة اساسية في القيادة في اي دولة ( السائق دائما يكون بوسط الطريق والراكب على طرف الطريق ) وانتي تسوقين السيارة دايم تكونين جالسة بوسط الطريق واذا كنتي على الطرف فاعرفي انك عاكسه الطريق .. بالطريقة هذي ماراح يفرق معك الدركسون يمين او يسار ..

- التأمين ع السيارة يكون (زيرو ) يعني ماتتحملين اي شي لو صار اي شي للسيارة واحرصي يطون حجزك عن طريق الشركات نفسها مو عن طريق مواقع الحجز الوسيطة .

الله يسعدك :e306:

شكراً جداً لتوضيحك :e306:

الله يرضى عليك ويرضيك

الحقوق محفوظة لي ترا ...
قلتها لزوجتي وقالتها للي تدربها ع السواقة وانبسطت عليها مره وقالتها لوحده وفادتها بامتحان الرخصه حسب كلام المدربة وانها اعتمدتها بدروسها للناس :1: ...