|
شوية استفسرات لخبراء لندن السلام عليكم ان شاء الله سفرتي بعد 20 يوم لندن 8 ليال 4 لندن 2 البحيرات 2 لندن مرة اخرى راح اسافر عائله زوجين وطفل وامراءه كبيره هل المواصلات بالباص اوفر اشتري اربع بطاقات مواصلات او استخدام اوبر وميني كاب ايمها الافضل للعائله استئجار سيارة في البحيرات لمدة يومين تنصحون فيه خصوصا للعائله او استخدم الباصات والمواصلات العامه حقيقه قيادة السيارات عندهم وكل شي عكس اتوقع معقده او في البحيرات الامور ميسره؟ الذهاب للبحيرات كيف وشكرا ولي رجعه ان شاء الله |
هلا الافضل في لندن كلها استعمال الباص وبشكل عام بريطانيا اوبر غالي ميزة الباص تقدر تشتري مثلا بطاقة اسبوع لك ولأسرتك وتتنقل لندن كلها بدون م تدفع شيء يعني تعرف اللي لك واللي عليك وباصاتهم فيها واي فاي ومنتشره في كل مكان بالنسبة لـ استئجار سيارة اشوف مالها داعي تستأجر حق يومين استأجر اوبر او ماشابه للامانة مدينة البحيرات م سبق رحتها بس لندن ومانشستر ونوتينغهام ليستر ليفربول ليفربول حلوه فيها اوت لت جيد طيب وفيها سنتر فخم مانشستر حلوه كمان حاول تحطها في قاموسك |
اقتباس:
وعليكم السلام ورحمة الله أخي عبدالعزيز كنت أتمنى لو كتبت سؤالك في بوابة ( إستفسارات بريطانيا UK ) على العموم بالنسبة لمنطقة البحيرات أو Lake District فأرى بأن الذهاب لها من لندن بعيد نسبياً حيث أن مدة الرحلة تقريباً 4 ساعات ونصف بالقطار فالذهاب والعودة لمدة 9 ساعات وأكثر لمدة يومين فقط أرى بأنه متعب بينما من مدينة مانشستر الى منطقة البحيرات الرحلة من ساعة ونصف إلى ساعة و 45 دقيقة أما القيادة في هذه المنطقة فبه صعوبة للأمانة ولا أنصح به خصوصاً للشخص الغير متعود على القيادة في مثل هذه الأماكن والظروف أولاً مقود السيارة جهة اليمين ، ثانياً الطرق ضيقة نسبياً ومتعرجة ونزول وصعود كونها منطقة جبلية المواصلات في منطقة البحيرات هناك الباصات و التكاسي فقط |
الله يعطيكم العافيه جميع وشاكر ردكم وتعاونكم بطاقة الباص هل اشنري اربع بطاقات لكل فرد فينا او في بطاقه عائليه مثلا وشاكر لكم |
اقتباس:
حياك الله نعم لكل شخص بطاقة وتفضل هذا الموضوع المهم من فريق التطوير الله يجزاه خير اندرقراوند لندن خطوة بخطوة 2015 |
وعليكم السلام ورحمة الله وبركاته - في لندن مواصلات عامه وخذ بطاقة تناسب الاندر قراوند والباصات وطبعا كل واحد بطاقة والطفل مايحتاج لانه مجاني اذا عمره اقل من 13 سنة . - السفر للبحيرات طبعا بيكون بالقطار ( لاتتوهق بسيارة او باص ) ومثل ماقال حبيبنا بوينق طويل شوي بس انا اشوفه ممتع بعد للمناظر اللي تمرون عليها والقطار متوفر فيه محل يبيع قهوة وشاهي وسناكات . - في البحيرات رايي تستاجر سيارة اذا فيه ( لان اعتقد مافيه ) اذا ماحصلت قبل السفر فاستاجرها من مانشيستر ويكون ذهابك من لندن الى مانشيستر ومن مانشيستر للبحيرات بالسيارة ( من ساعه الى ساعة ونص الطريق ) المواصلات العامه بالبحيرات يمكن متعبة شوي لان بالنسبة لي اماكن التوقف كثيرة بالطريق والباص موب على كيفك يوقف ولا يجي بالوقت اللي تبي بعد .. الا كانك تبي بس ويندرمير والبحيرة حقتها فهذا شي ثاني بس اذا بتتمشى بالقرى هناك وتوقف وتشوف فلازم سيارة . ( التمشية بالريف عالم ثاني ترا ) |
اقتباس:
الله يبيض وجهك زين نبهتني ان الاطفال مجانا معلومه جديده اظن البحيرات راح اكنسلها جدولي 8ليال من 12.8 الى 20.8 في لندن وش ترشح لي ك جدول ومواقع ازورها |
اقتباس:
البوابة مليانة تقارير مغطية جوانب كثيرة من لندن وجدولك الثمان ايام راح يكون فل ... على سبيل المثال : - كوفنت قاردن المنطقة المعروفة جميله ولازم تزورها وتفتش بالشوارع الجانبية فيها مثلا تزور هالمكان https://www.google.com/maps/place/Fl...5!4d-0.1250774 و هالمكان https://www.google.com/maps/place/Ne...8!4d-0.1265039 - مثلا اذا كنت في اكسفورد او شارع ريجنت ممكن تمر على هالشارع للتسوق بعد (نيو بوند ستريت ) https://www.google.com/maps/place/CH...9!4d-0.1431198 - فيه كامدن ماركت في كامدن تاون ومنها تقدر تتسوق بعد الجلديات ( ابواك جلدية وغيرها ) باسعار حلوة وفيها مطاعم كثيرة مره ( يمكن تشبع من التذوق بس :47: . https://www.google.com/maps/place/%D...09!4d-0.145711 - منطقة عين لندن لندن مليانه اشياء ولو الجو حلو للمشي فخل العين والنهر على يسارك وامش جنب النهر بتمر على اشياء كثيرة ( يمكن ما تكفيك ساعتين ) . - حديقة سانت جيمس انا مره تعجبني ومرتبه جدا وقريبة من الهايد بارك واحيانا تعجبني اكثر من الهايد بارك . https://www.google.com/maps/place/St...1!4d-0.1348105 - او تو ... مركز تسوق واحتفالات ومطاعم كبير وفيه اوت ليت صغير بعد .. واعتقد على وقت وصولكم يكون افتتح بالكامل ( الان مفتوح بس فيه اقسام اتذكر بتكون جاهزه باغسطس https://www.google.com/maps/place/Up...89!4d0.0037524 - غير الاماكن المعروفة مثل عين لندن و متحف مدام توسو ( ولاتروح شارع العرب ) الخ .. |
اقتباس:
وافي اخوي ابوعبدالله وكل اللي ذكرته من مواضيع دخلت المفضله بخصوص شرايح النت متوفره بالمطار وكم اسعارهم لان النت اهم شي ولو موجود بالمطار ياليت توصف لي الموقع او المكان لان باخذ ثلاث شرايح او افعل تجوال من السعوديه والمهم طريقة مواصلتي من المطار الى وسطن لندن اجوارد تنصح بالاوبر او شركة الميني كاب مع اني ماحصلت تطبيقهم بالابستور راح استبعد القطار والباص لان عائله وشناط والموضوع متعب |
اقتباس:
النت بتلقى بالمطار فيه مكينه عند بوابة الخروج بس اوقات كثيرة تهنق وماتقبل البطاقة ..بس ماراح تلقى شي مناسب مره .. اذا شغلة مش حالك الين تدخل لندن ففيه مكتبة دبليو سميث لوحتها زرقاء بالمطار تلقى شرايح بس مااشوفها مناسبة مره لان النت بيكون قليل وغالي .. الافضل تروح لمكتب شركة : - ثري ( عندهم عرض نت مفتوح بـ35 باوند ) - فوداوفن عندهم نت مفتوح تبدا من 23 الى 30 وابو 30 افضل وتقدر توزع منه لو تبي واسرع https://www.vodafone.co.uk/unlimited-data-plans/ المواصلات من المطار فيه تجربة ابوغسان وناقشوا فيها الموضوع لان بالنسبة لي فما أعرف لان ما جربت https://www.arabtrvl.com/vb/t20917.html |
| الساعة الآن 12:57 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO