|
كيف تعرف أنك غير مرغوب فيك في مطاعم بريطانيا خلال زيارتي السابقة للكثير من مطاعم لندن ومانشستر وليفربول تبين لي أن بعض المطاعم لاترحب بالمسلمين ويتم ( طردهم ) بأدب بإحدى هذه الوسائل 1- عند الوصول للمطعم يسألك النادل أو اي مسؤول في المطعم هل لديكم حجز ؟؟ إذا جاوبت ب لا وهذا الغالب يعتذر لك عن الاستقبال والجلوس والغريب حصلت معنا كثير في أحد المطاعم في لندن قرابة 50 طاولة ولايوجد سوى ثلاث أو أربع مشغولة والبقية فارغة وتم الاعتذار 2- يعتذر لك المطعم بقرب انتهاء العمل مع أن لوحة ساعات العمل تختلف عما قاله 3- يعتذر عن عدم وجود الأصناف التي طلبتها حتى تمل وتنقلع عنهم أعتقد أنه نوع من العنصرية ولكن مغلف بأدب |
معروفين البريطانيين انهم عنصريين، الود ودهم مايجونهم سياح عرب ومن ناحية ثانيه افعال بعض العرب السيئة من عدم احترام للقوانين وغيرها يخلي الانجليز يزيدون بكراهيتهم للمسلمين |
على طاري انهم عنصريين امس القريب هذا اللي هو يوم الثلاثاء كنا بلندن ورايحين بالقطار ... يوم جا وقت الرجعه لمدينتنا رحنا لمجطة القطار وكانت كل الرحلات باتجاه مدينتنا ملغاة بسبب حادث دهس شخص على سكة الحديد ... المهم انتظرنا نشوف وش يبي يصير وكانوا العالم متكدسين بسبب الرحلات الملغاة وشوي قالوا خلال ساعة بالكثير بترجع الرحلات ثانية ... بعد نصف ساعة اعلنوا عن رحلات جديده واضافية بدل الملغاة وركبنا القطار وكان جدا زحمة لدرجة انا كنت واقف اغلب الرحلة ... زوجتي وعيالي جلسوا وكانت وحده بريطانية جنب زوجتي وقالت لها تبون نزحف عنكم ( ننرص زياده ) عشان يصير فيه مكان لي انا بس قالت لا ... قبل ماينزلون في المدينه اللي قبل وجهتنا وهي واقفة بتطلع عرضت علبة موية على زوجتي وسالتها ان كانت بخير ... شكرتها وقالت انها بخير .. وقبل ما تمشي قربت منها وقالت لها يو ار فيري ولكم ...انت مرحب بك ... انا لي 4 سنوات عايش هنا والحمد لله صدق ماشفت اي شي عنصري .. ما انكر وجودهم بس اعتقد نسبتهم لا تذكر مثل اللي عندنا بالسعودية يتكلمون عن الاجنبي ! ترا المساجد مفتوحه دايم ونصلي براحتنا مسجد المدينة اللي انا فيها احتاج ترميم وعند اصدار الرخصة الحكومه البريطانية دفعت 100الف جنيه استرليني مساعده في اعمال الترميم . عيد الفطر الماضي قفلوا ميدان ترافلجار في لندن عشان يسوون فعاليات العيد للمسلمين ووزعوا كتب للكبار والصغار عن الاسلام اللي راحوا لندن يمكن شافوا في سوهو الدعاة المسلمين موجودين ومشغلين قران او محاضرة ويوزعون كتب عن الاسلام ( قريبين من اللي سوون العرض بساحة سوهو ).. ونفس الشي قريب من مول ستراتفود في لندن .. |
في منطقة الفينسبري بارك دخلت مطعم الساعة 5 العصر وكان شبه فاضي وقالي راح نغلق بعد شوي, استغربت وطلعت رحت جلست بالحديقة وبعد ساعتين تقريبا مريت ولقيت المطعم لازال مفتوح وفيه زباين هذا الموقف الوحيد اللي صارلي في كل سفراتي الى لندن, بس بالمجمل العنصريين قليلين وتجدهم بالمناطق اللي مافيها سياح او منطقة راقية قد تجد بعض النظرات العنصرية من نفس السكان. |
اختيارك للعنوان جميل جداً و احتمال وجهة نظرك تكون صحيحة العنصريين بالتأكيد موجودين بكل مكان في منطقة البحيرات وندرمير كنت امشي لوحدي مع زوجتي قابلونا اثنين و بادرونا بقولهم سلام عليكم بلغة مكسرة بس كانت جميلة منهم برضه فيه قرية جنب اوريست هيد كنا جالسين في كوفي شوب وجت عجيز (امرأة كبيرة) وبادرتنا بالسلام وأخذت تدردش معانا وايش جابكم هنا ؟ المفروض تجوا بالصيف ووووو ما شفت عنصرية واضحة في بريطانيا زي ما كانت واضحة في اوروبا مثل فرنسا و النمسا |
فعلاً اعتذار مغلف بأدب بس هم الخسرانيين ههههههه العنصرية موجودة في بريطانيا من زمان بس وصلت للمطاعم هنا المشكلة واعتقد كما ذكرت الاخت بسبب سوء التصرفات الغير لائقة من بعض العرب واطفالهم وعدم احترام القوانين .. شكرا على التوضيح |
العنصرية موجوده في كل مكان عندنا وعندهم ولكن فئات قليله حتى الغش موجود عندهم وعندنا |
كل سفراتنا ما شفت عنصرية بلندن ابدااا اول سفرة لي للندن وبالاخص ببلاكبول دخلت ومبي اذا تذكرونه شافني الموظف وقال لي احنا ماعندنا بيف اسفين كله هام وطلعت يعني علمني سبب عدم استقباله لي وفي فرنسا وقريب من فندقنا رحنا مطعم والا يقول لنا النادل عند الباب بعد ما دخلنا قال اليوم السبت ؟؟ وعطانا اشارة ان ماعندنا لكم مكان قلت حق بوحسين اشفيه هذا قال ام حسين هذا مطعم يهودي بس هذا اللي بكل سفراتنا ما استقبلنا والحمدلله ما شفت عنصريه بكل مكان |
هم الخسرانيين :29: |
العنصرية موجودة لكن مو بشكل كبير حالات معينة لكن البلد ككل لا والمساجد والمراكز الاسلامية بأغلب المدن في بريطانيا تعرضت لموقف واحد عنصري بسبب النقاب بس بمدينة مايجيها سياح عرب |
| الساعة الآن 03:51 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO