|
السفر الى لندن في منتصف ديسمبر مرحبا ياليت تفيدوني اول مره ازور لندن وماعندي اي خلفيه عن 1/ الجو في ديسمبر 2/ افضل منطقه لحجز فندق مايكون غالي 3/ اهم الاماكن اللي لازم نزورها المده 5 ايام 4/ من وين اقص تذكره الباصات ولكم جزيل الشكر |
اهلين 1 الاجواء باردة جداً و غالباً الثلوج تبدأ بالتساقط بعد منتصف ديسمبر 2 شارع اكسفورد شوفي اذا اسعار الفندق تناسبكم لان موقعه ممتاز amba hotel 3 ممكن نقسم الخمس أيام كالتالي : 1 نبدأ بالماربل ارش ومن هناك على شارع اكسفورد نمر على المحلات و نتوقف في محل primark وبعدين على selfridges ممكن هنا نأخذ وجبة خفيفة فوق أو كوفي نواصل على الشارع ممكن نجرب كافيه concerto في البيكاديللي ومنه على m&m ثم على ميدان ترافلجار نقضي اليوم كامل بهذي المنطقة 2 الصباح نروح على شارع العرب نأخذ فكرة عنه والمحلات اللي فيه والعصر على الهايد بارك نجلس في الكوفي شوب وممكن نأخذ قارب في البحيرة والمساء على هارودز نتسوق فيه نشتري منه الشنط اللي عليها اسمه ونجرب الشاي في tea garden عنده لأنه متميز وبرضه فيه مطاعم مميزة فيه بس عليها زحمة 3 نروح على كوفنت قاردن نتمشى فيه وندخل الاسواق الصغيرة وفيه محلات كوفي ومطاعم ما لها حد فيه كمان متحف الاندرقراوند بالركن وشغلات حلوة بالسوق ما تلقوها الا فيه خاصة الاعمال اليدوية ومن هناك بالمساء نروح على سيد كافيه نجربه لأنه مشهور https://said.it/en/london-soho/ 4 نروح جهة بيق بن و عين لندن نطلع العجلة الدوارة و نروح لساعة بيق بن ثم من عند العجلة نمشي على طول هذا يأخذنا على ممشى الملكة وعليه كافيهات و مطاعم كثير برضه من هنا نأخذ رحلة بالقارب على نهر التايمز و لو خلصنا بدري ممكن نروح على مول ويستفيلد westfield 5 هذا اليوم خاص بالتسوق ونكون حددنا اللي بنشتريه وغالباً راح يكون من : هارودز ، سيلفردج أو بريمارك المميز عندهم العطور الحصرية في سيلفردج عندهم عطور شركة Trish MC Evoy مميزة وهارودز الشنط اللي عليها اسمه مميزة و برضه عنده عطور حصرية ممكن تأخذوا مظلات هارودز و أشوفه هو الاميز 4 تشترون بطاقة اويستر من المكاين حسب المدة وهي موجودة بالمطار و بكل محطة وعندها موظفين يساعدونكم |
الله يسعدك ماقصرت طيب كيف اتنقل من المطار الى الفندق هل فيه اوبر السوال الثاني. بخصوص الفيزا وش افضل اطلعها عن طريق مكتب او انا اقدمها بنفسي وابي زياده خيارات فنادق عشان اشوف اللي يناسب ميزانيتي والله يجزاك خير |
لازم تقرأ مواضيع البوابة هنا موضوع لي عن التاكسي https://www.arabtrvl.com/vb/t20917.html قدم بنفسك على الفيزا وهنا الشرح https://www.arabtrvl.com/vb/t40505.html ادخل على بوكنق وحدد الاسعار اللي تناسبك ويطلع لك قائمة بالفنادق اللي تناسب ميزانيتك |
الجو بارد في ديسمبر بس ما فيه ثلوج التنقل سهل كثير اذا نزلت في هيثرو بعدما تخرجي من الجوازات اشتري كارت قطار تستطيعي التنقل به طول اليوم قطار و باصات فيه قطار من هيثرو يروح لوسط البلد روحي مادام توساد كل شخصيات العالمية تشوفينها هناك فيه متحف الفراشات اذا كنت مع الأولاد وديهم هناك يكتشفوا اغرب الفراشات و فيه ملاهي فيه مضيف استقبلنا و طلعنا من باب الطائرة و حجز لنا سيارة اذا بتريدي كلميني خاص اعطيكي رقمه هو يتكلم عربي و انجليزي و فرنسي و قدم لنا خدمات ممتازة ان شاء الله تنبسطي في رحلتك |
بالنسبه لي لا تفوت ويندر لاند في الهايدبارك. الاسواق الشعبيه مثل بورتبيلو وكامدن تاون اذا كمت من هواة الكشكات، وانت بطريقك للبيكادلي مر على كانبري ستريت، جميل بالكرسمس |
1/ الجو في ديسمبر في عز النهار حول 10 درجات وفي اخر الليل توصل 0 , الثلوج مافيه واخر 10 سنين تجي في يناير و فبراير 2/ افضل منطقه لحجز فندق مايكون غالي الافضل في هذا الوقت المناطق المحيطة بالهايد بارك 3/ اهم الاماكن اللي لازم نزورها المده 5 ايام اماكن كثيرة و المدة تكفي .. مثلآ ( الهايد بارك فيها فعاليات ويندر لاند , منطقة الكوفنت قاردن , الويست منستر ) 4/ من وين اقص تذكره الباصات بطاقة اويستر افضل و اوفر |
لندن جدا جميله الجو في ديسمبر بارد افضل الاماكن ممكن اكسفورد الهايد بارك وحتى شارع العرب بس ابعدوا عن الفنادق اللي نجومها تحت 3 في شارع العرب هو كلها امان بس بعضها مايصلح للعوائل ويستمنسر جميله بشكل عام افضل مكان للسكن في لندن فيها اهم الاماكن شارع العرب - عين لندن - ساعة بيغ بين - الهاردوز - البيكادلي - متحف الشمع للمعلومية اقرب نادي كبير من هاذي المنطقة اذا لكم شخص يحب الكوره فهو تشيلسي قريب من الهايد بارك اما ارسنال فشوي بعيد وتوتنهام كذالك ايضا باص لندن والهايد بارك اكيد طبعا لازم تزورونه |
يسعدكم ربي ماقصرتو كلكم :e328: |
| الساعة الآن 06:46 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO