|
الاوضاع في بريطانيا الان السلام عليكم اللي لازم يجي بريطانيا لدراسة او غيرها وخايف او متوتر فالامور طيبة الحمد لله .. الواحد يتخذ الاحتياطات لنفسه ويلبس كمام ويعقم وماعليه الا العافيه بحول الله كثرة الحالات من الناس اللي مطنشة ونشوفهم بدون اي احترازات .. يعني خصوصا البارات الله يعزكم امر من عندها تكون مليانه ناس مثل الايام العادية لاكمام ولا تباعد بعد ما ننسى موضوع المدارس والجامعات حضوري هنا وهذا سبب رئيسي بعد في زيادة الحالات حبيت بس ابلغ اللي لازم يجي انه ماعليه الا العافيه ولا يخاف ويتوتر او يضيق صدر اهله عليه ويلتزم بالكمام والتعقيم . بالنسة للاقفال من يوم الخميس فهو بيكون للمحلات بس بتكون خدمة التوصيل او الاستلام من المحلات متوفرة الا طبعا بريمارك اللي رافض يبيع اونلاين. والمطاعم بتكون خدمة التوصيل والسفري من المطعم متوفرة . مافيه حظر تجول والناس تقدر تمارس الرياضة خارج البيت بالقدر اللي تحب رئيس الوزراء متعهد انه ماراح يكون هناك تمديد للاغلاق الله يحفظ الجميع ولا يوريكم مكروه في نفسكم او عزيز عليكم . |
و عليكم السلام و رحمة الله و بركاته .. جزاك الله خير أخوي أبو عبدالله على التوضيح فعلاً نحتاج مثل هذه التوضيحات و من قبل الحدث دمت بكل ود و حفظنا الله و أياكم من كل شر |
بارك الله فيك وجزيت خير الجزاء |
الحمدلله طمنتنا يا أبو عبدالله بنت خالي المفروض ترجع بريطانيا الشهر الجاي تكمل الماستر الله يحفظكم ويحفظنا جميعا ونسأل الله الشفاء والعافية لجميع مرضى المسلمين |
منور يابو عبدالله تسلم على التنبيه البعض متخوف من العودة وسط هذي الظروف لكن كلامك مطمئن الله يسعدك |
ابو معتز سام ابو مهاب ابو غسان الله يحييكم جميعا وييسر امركم ويحفظكم بحفظه ويرفع هالبلاء عن الناس اجمعين ... يمكن اني ابلغكم بالوضع في الاغلاق اللي بيبدا بس مبدئيا الوضع ممتاز موب مثل المره الماضية اللي رفوف الاكل والمناديل خلصت .. لا كل شي عادي جدا مثل الايام العادية ... اللي بيجي يجيب كميه كبيرة من الكمامات هي متوفرة بكثرة بس سعر العلبه 15 جنيه استرليني .. سعر الكامة القماشية مثل السعودية تقريبا يعني سعر الثلاث كمامات ساده ب 3 باوند والملون ب5 تقريبا ... انا جايب من السعودية العلبه ب 7 ريال .. اليوم الناس حطو كورونا ع الصامت وطلعوا للمطاعم يودعونها:24:.. |
ههههه حلو حطو كرونا على الصامت المفروض بنت اختي ترجع اليوم وما يندرى للحين الله يزيل هالغمة سريعا باذن الله |
الله يزيل البلاء في اقرب وقت والحمدلله على النعم اللي احنا فيها يجب تطبيق الاحترازات في كل مكان والله خير الحافطين كنت ابغى اقلك سعر كرتون الكمامات ب 8 ريال و بعض الاماكن بخمسة كمان :9: يقولو نفسها اللي في الصيدليات |
الله يرفع البلاء يارب وترجع الحياة طبيعيه ونسافر الى لندن :e437: |
اللهم امين ... الله يرفعه بحوله وقوته ... اشوف لندن بدو اهل الكويت يوصلون ماشاء الله ... الاجواء جدا جميله وما كانها اجواء نوفمبر ... يعني اللبس اليوم خفيف او ربيعي مايتحمل لبس ثقيل ابدا ... الليل مطر خفيف والصباح ضباب وباقي اليوم غيم او مشمس ... الرطوبه حلوه والمشي المغرب في الهايد بارك شي ثاني ... مع اوبر من المطار لوسط لندن ( حول الهايد بارك ) ب 50 باوند تقريبا ... |
هل الطيران المحلي والدولي والمواصلات من المطار الى لندن مفتوحه |
وعليكم السلام ورحمة الله وبركاته جزاك الله خير الجزاء أخي الكريم أبو عبدالله على التنبيه والأفضل على الانسان يأخذ كل الاحتياطات ويتبع القانون ويتوكل على الله الحافظ اللهم ارفع الوباء واحفظ العالم أجمع ويحفظك الرحمن ويسعدك ويرعاك |
اقتباس:
الاغلاق للمحلات الغير ضرورية ومنع الجلوس في المطاعم والكافيهات . .. اختي السفيرة حياك الله مثل ما تفضلتي اتباع القانون واخذ الاحتياطات اللازمة كفيلة بحول الله للحماية والله يحفظكم .. نقطه .. بالنسبة لزيادة عدد الاصابات في بريطانيا مثلا وقلتها بشكل كبير في اماكن ثانيه مو دليل انه هنا منتشر وهناك لا . هو الفحص الموسع سبب رئيسي في الزيادة ... هنا في لندن مثلا كل يوم اشوف في الهايد بارك يسوون فحص اختياري لكورونا والناس سرا عليهم ... وفي بريطانيا يسوون تقريبا كل يوم نص مليون فحص فطبيعي تصير الارقام عندهم بالشكل هذا .. الاماكن اللي ماتسوي فحص طبيعي ماراح تطلع فيها زيادة كبيرة ... ناس كثير يكونون مصابين ومايدرون بالشي هذا لان مايتعبون وماتطلع عليهم الاعراض ... الله يحفظكم بحفظه وترجع الدنيا احسن من ماكانت ... |
| الساعة الآن 12:14 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO