|
أفيدوني أنوي السفر إلى لندن في شهر 5 أو 6 ؟ السلام عليكم 💚 تكرماً .. افيدوني أنوي السفر إلى لندن في شهر 5 أو 6 . * هل السفر آمن في ظل الجائحة؟ * ما هي أهم الأماكن السياحية المناسبة لزيارتها ؟ * هل الآكل آمن ، بالمطاعم العربية؟ * هل اجراءات الفحوصات مكلفة وصعبة؟ * هل في تطبيق معينة يخدمني لزيارة لندن فيه المواقع الجغرافية وكذا تفاصيل؟؟ علماً أن السفرة بتكون لشخصين وطفل 3 سنوات؟ |
؟؟ |
عليكم السلام . * هل السفر آمن في ظل الجائحة؟ إن شاء الله أمن توكلوا على الله وسافروا واخذوا احتياطاتكم * ما هي أهم الأماكن السياحية المناسبة لزيارتها ؟ الاماكن كثيرة جداً بس خذي لفه على مواضيع الاعضاء وشوفي تجاربهم راح تعرفين كل شي عن لندن عندك وقت وشوفي اللي يناسبكم . * هل الآكل آمن ، بالمطاعم العربية؟ أي الاكل آمن في المطاعم العربيه وشوفي تقييم المطاعم وآراء الناس على أكلهم . * هل اجراءات الفحوصات مكلفة وصعبة؟ على حد علمي حالياً راح يشيلون القيود الاحترازية في لندن يعني مايحتاج فحوصات لكن يمكن يصير فيه تغيير اذا جا وقت السفر * هل في تطبيق معينة يخدمني لزيارة لندن فيه المواقع الجغرافية وكذا تفاصيل؟؟ فيه تطبيقات كثيرة منها ترافيل ديف ورحلات والكثير , قوقل ماب راح يسهل عليك الكثير هناك |
رحلة ممتعة وموفقة باذن الله بعض الاسئلة عن الجائحة ماعندي تجربه فيهم الاماكن السياحية وايد بس شنو هي اهتماماتج تسوق ترفيه تمشيات طبيعه ؟ في شارع اجور رود مكاتب سياحة عرب بس اكيد غالية السعر استغلال اذا تبين الطمأنينة روحي معاهم مع ملاحظتي المهمة اعتمدي على نفسكم واوبر يوصلكم للاماكن البعيدة داخل لندن الاماكن القريبة اخذي الباص الاحمر وهذا وين ماتروحين تلاقين محطات وقوف وعندها الاماكن وارقام الباص اللي بيوقف هني محطات الباص اسألي السايق عن المكان اللي بتروحين له يوصل او اي رقم باص واي اتجاه للمدن البعيدة مثلا مانشستر اخذو القطار بعض الاماكن المهمة سياحة وتلاقين سواح واللي يستعرضون لندن آي / عين لندن الهايد بارك البيكاديللي كوفنت غاردن كامدن تاون الإجور رود فيه المطاعم العربيه والبقالات العربيه بس ممكن تلاقين كل شي في مارك سبنسر فوود مدن ملاهي اذا عندج اطفال في ملاهي بيبابيغ بس مو عارفة وين مكانها ليغو لاند للكبار التون تاورز وثورب بارك والاقرب تشيزنجتون |
قوقل ماب ينفع وايد من عدة نواحي مثل تقييم المطاعم والاماكن مثلا تبون سوق يحطلكم اقرب مكان او حديقة او مطعم عربي مثلا، ويراويكم محطات وخطوط الاندرقراوند ومواعيدها ومواعيد الباصات ووين توصل كل شي في قوقل ماب. بطاقة اويستر بتنفعكم لدخول الباصات والاندرقراوند وبتوفر عليكم اهم شي اختيار السكن المناسب كموقع ونظافة وأمان |
أختي فيه برنامج اسمه City Mapper مفيد جداً وفي نظري أفضل من قوقل مابز بالسلامة ورحلة ممتعة إن شاء الله |
| الساعة الآن 11:03 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO