|
التنقل في لندن السلام عليكم كيف حالكم جميعا عندي استفسارات رحلتي الاسبوع القادم ابي استفسر كيف احجز القطار الى بيستر فيلج وايش اسماء المحطات ؟ وهل يختلف السعر اون لاين عن الحجز من المحطه؟ وكمان هل التنقل بالباص لازم بطاقة اويستر ولا عادي استخدم ابل باي؟ اذا في موضوع جديد يشرح كيف استخدام الباص والزون وارقام الباصات بشكل سهل وينفهم؟ والميترو؟ شاكره ومقدره❤ لان بحثت كل المواضيع قديمه 2014 فقلت ممكن تغيرت |
وعليكم السلام من محطة مارليبون الى بيستر فيلج لا السعر نفسه ما في فرق https://m.nationalrail.co.uk/pj/pj# اعتقد عادي تقدر تستخدم ابل بي مو متأكده الباص تشوف اللوحات عليها ارقام الباصات اللي توقف على المحطه ويبين كل رقم باص له خط لون ويكتبون المحطات اللي يمر عليها نفس اللي بالصوره وساعات يكون الشرح داخل محطة الانتظار https://www.arabtrvl.com/up/uploads/...670472351.jpeg والمترو كل خط له لون معين ويمر على مناطق ومحطات في بعضهم في خط ثاني تحتاج تبدل في محطه مشتركه مثلا محطه مشتركه تقع في الخط الكحلي والاحمر تنزل فيها وتشوف على اي خط بتكون المحطه الثانيه .. ان شاء الله شرحي واضح ومفهوم 🙏🏽 مثلا انت في محطة ماربل ارتش على الخط الاحمر وبتروح اوكسفورد سيركس ما له داعي تبديل خط واحد على الاحمر .. تبي اتعرف اي رصيف وانت نازل تشوف على الطوفه اسماء المحطات اللي تبي تروح لها ويحدد لك اي رصيف فيهم https://www.arabtrvl.com/up/uploads/...670474592.jpeg |
بالنسبة للاندرقراوند فيه تطبيق له تنزله على الجوال وتحط ابروح من كذا لكذا يعطيك المسار الأفضل لك الباصات لابد بالبطاقة تقدر تشتريها من أي محطة تشمل الاندرقراوند والباصات شوف هنا شرح مبسط عن الاندرقراوند ما تغير شي زي ما هو https://www.arabtrvl.com/vb/t1947.html |
المواصلات مثل ماهي اخذت بطاقة اويستر باص ومترو من محطة المترو بسعر 37 باوند وفي اجهزة تعبيها اذا خلصت اذا ما عندك بطاقة اويستر او انتهت صلاحيتها استخدم كرت البنك في كل مره ينسحب باوند واحد اخر ايام خلصت بطاقتي قمت استخدم كرتي الماستركارد بناتي منزلين تطبيق المترو وتطبيق الباص اذا قالو بنروح هالمكان يشوفون بالتطبيق ويدليهم ويبين لهم اذا في تبديل او دايركت والباص بعد يعطيهم وصف لاي باص واي اتجاه ممكن يكون والحمدلله سهل كلهم يستخدمونه الا انا وابوحسين هههه لان نكون معاهم فما نحتاج نعور راسنا |
الله يعطيكم العافية ماقصرتووو ياليت أسما التطبيقات |
هذا تطبيق بولت https://www.arabtrvl.com/up/uploads/...765503511.jpeg وهذا غوغل تلاقين كل التطبيقات تحت الخريطه https://www.arabtrvl.com/up/uploads/...765504512.jpeg |
| الساعة الآن 01:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO