استفسار عن لندن اول سفرة لها
 

مراحب بالجميع

رتبت رحلة ل لندن
بداية اوغست من 4 الى 13 اوغست
زوجين
مدتها 10 ايام

يومين لندن
بالقطار الى ويندرمير يومين
بالقطار الى ادنبره 3 ايام

آخر شي بالطيارة من ادنبره الى لندن ( يومين لندن )
للاسف مالقيت قطار سعره مناسب الاسعار طايره فوق

لقيت سعر الطيارة انسب
لكن المشكله انه ب مطار ستانستيد

هنااا السؤال مانبي نتمرمط
في احد عنده خلفيه عن هالمطار
هل في مترو يوصلنا الى وسط لندن
او قطار
وكيف اسعار الاوبر او البولت لو بحجز منه


هالسفرة صااارت اصعب من حل اختبار رياضيات
الصدق تعب نفسي وانا ابحث واجمع اماكن

صراحة أحلم لو عندنا مرشد يمشي قدامنا وحنا وراه ولا نشيل كل هالهم

طيب في أحد مسافر لندن ع بداية اوغست 4 اوغست كذا
نبي نصير أصدقاء ههههههه<<< امزح

شكرا جزيلآ لك على الرد .. ماقصرت

مانشتسر كله ترانزيت
ف خلاص قررت انه التنقل كله قطارات لانتوهق
الله ييسر ويعين وتكون السفرة مرتبه

ودعواتكم

السلام عليكم

بعد كثرة البحث والاستطلاع
لقيت أرخص تطبيق قطارات في بريطانيا
هو تطبيق يحمل اسم الشركة نفسها للقطارات LNER
طبعاا في أكثر من شركة ( هذا واحد من شركات القطارات )
صراحة بطل
وسهل
أخذت التذاكر بنصف السعر تقريبا مع خصم بطاقة الريل كارد
هذي صورة التطبيق

ماعرفت صراحة ارفق صورة علموني كيف
المهم اسمه LNER
لون التطبيق أحمر والكتابه بالأبيض
تلاقونه بأبستور
وبالتوفيق