|
اول مره بروح اسطنبول لمده اسبوع مرحبا ياليت تساعدوني ياخبراء اسطنبول هل 10000كافيه لمدة اسبوع في اسطنبول لشخصين وطفله من غير التذاكر والفندق وكم تقريبا المصروف اليوم وايش أأمن شي للتنقل خصوصا معي طفله وصعبه الترام احس ياليت تفيدوني طبعا مفكره بالسكن منطقة السلطان احمد وهل هي قريبه من الاماكن السياحية متخوفه جدا انها ماتكفي وايش افضل خطوط وتكون سعرها تمام علما اننا مقررين في 15مايو تقريبا |
يعطيكم العافية |
اهلا بك بإذن الله المبلغ يكفي ولا تتخوفي ولكن المهم تقرأي التقارير وتشوفي الأنسب لميزانيتكم منطقة السلطان احمد مناسبة جدا وفيها كثير من المعالم السياحية والتاريخية والسكن فيها اقتصادي الترام والمترو مناسب لعددكم ولا يمنع تستخدموا التاكسي ولا أنصح بسيارة خاصة مع سواق لأجل لا تستنزف ميزانيتكم بالنسبة للطيران ما نعرف مكان انطلاقكم وإذا بالسعودية فأشوف الخطوط السعودية خيار مناسب للتنويه فقط .. منتصف مايو يوافق 29 شعبان أي مطلع شهر رمضان بالتوفيق |
تكفي باذن الله |
اذا ميزنيتي 25000 الف هل تكفي ل5 اشخاص مع الطيران والفنادق :2: |
ع حسب كم يوم ووين بتروحون |
الميزانية تكفي وزيادة ان شاء الله والمصروف اليومي التقريبي 400 الى 800 ليرة ( على حسب صرفكم ) والسكن في السلطان احمد ممتع وجميل وامن ان شاء الله وانصحك نصيحة لوجة الله خذي سائق مع سيارة من شركة سياحية معتمدة يكون مرشد سياحي في نفس الوقت ويتكلم العربي لكي تستمتعون برحلة وتتركون امر القيادة للسائق ويكون معاكم من الصباح الى قبل غروب الشمس فأنتم ذاهبون للمتعة فلا تشغلي بالك بهذي الامور وانا عن نفسي دائما اخذ سائق من شركة سياحية اضمن وامن |
اقتباس:
ياهلا المبلغ كافي لاكن يجب التركيز في المواضيع والمشاركات وجمع المعلومات الصحيحة لكي يكفيكم المبلغ ولكي تستمتعوا أكثر السلطان أحمد آمنة جداً وجميلة وفيها من المناطق السياحية أكثرهم وأجملهم أنصحكم بالنسبة لعددكم وميزانيتكم تستخدمون الترام والمترو أوفر وأفضل ولا تشيلي هم آآآآمن ومايخوف ومنطقة السلطان أحمد فيها ترام يوصل لبعض المناطق والباقي ميترو أو باصات أفضل خطوط لو من السعودية الطيران فأفضل طيران الطيران السعودي وأوفر طيران طيران ناس 15 مايو وقت جميل جداً واسطنبول في الربيع في قمة جمالها واتوقع يكون بداية رمضان أو باقي كم يوم له ولو كان رمضان المبارك أثناء زيارتكم فلا تحرمون نفسكم من الافطار في ساحة هيبودروم أمام مسجد السلطان أحمد لجمال ولذة الافطار الجماعي اللي تنظمه البلدية ومجاناً الله يجزاهم الخير |
| الساعة الآن 12:19 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO